¹ Mumwaka wakulenga amakumi yatatu namutanda mubutekeshi mwaka wa Asa, Baasha, imfumu yabena Israeli, aninine pali Yuda nokukula Roma, pakweba ati kwisuminisha nangu umo ukufuma nangu ukwingila mu calo cakwa Asa, imfumu yaba Yuda. ² Elyo Asa abulile silbere na golide ukufuma umo basungila mung'anda yakwa Yawe namu ng'anda yamfumu, nokutuma kuli Beni Hadadi imfumu yabena Aramu, iyaleikala mu Damasikasi. Atile, ³ ''Nakube icipangano pakati kaine na webo, ngefyo cali pakati kakwa tata na wiso. Mona, nintuma kuli iwe silbere na golide. Katobe icipangano cobe na Baasha, imfumu yabena Israeli, pakuti engansha neka.'' ⁴ Beni Hadadi aumfwile kumfumu Asa nokutuma bamushika ba bashilika bakwe kukonaula imisumba yamu Israeli. Basashile Iyoni, Dani, Abelimaimu, na yonse imisumba basungilamo mu Nafutali. ⁵ Cali lintu Baasha aumfwile ici, alekele ukukula Rama nokuleka ifyo alecita. ⁶ Elyo imfumu Asa asendele aba Yuda pamo naena. basendele amabwe nefumuti fyamu Rama ifyo Baasha alekulilako umusumba. Elyo Asa imfumu abomfeshe filya ifyakukulilako ukukula Geba na Misipa. ⁷ Pali ilya nshita Hanani kamona aile kuli Asa, imfumu yaba Yuda, nokutila kuli ena, ''Nipamulandu wakuti wanshitilila mu mfumu Aramu, nokukana shintilila mu Yawe Lesa obe, abashilika bamfumu Aramu babutukile mumaboko yobe. ⁸ Bushe abena Kashiti nabena Libyani tabali abashilika abakalamba, namaceleta ayengi nabapali bakabalwe? Ee, nico wanshintilila pali Yawe, alikupela ukubacimfya. ⁹ Pantu amenso yakwa Yawe yalamona ukuti konse ukupita mwisonde monse, mukuti alande ukukosa kwakwe ukwafwa abo imitima shendela muli bumpofu kuli ena. Nomba walilufyanya pali ici. Ukufuma nomba, ukuluba munkondo.'' ¹⁰ Elyo Asa afulilwe kamona; amubikile mucifungo, pantu ali mufulilwe pali ici. Panshita imo ine, Asa acushishe abantu bamo bamo. ¹¹ Moneni, imilandu yakwa Asa, ukufuma mukutendeka ukufika kumpela, moneni, shalilembwa mu citabo cashamfumu shabena Yuda nabena Israeli. ¹² Mumwaka walenga amakumi yatatu na pabula mukuteka kwakwe, Asa aliponenwa nobulwele mumakasa yakwe. Nelyo ubulwele bwakwe bwali ubwayafya, talelomba ubwafwilisho ukufuma kuli Yawe, leelo kanofye ukufuma kuli bakondapa. ¹³ Kanshi Asa aleli nefikolwe fyakwe, afwile mumwaka walenga amakumi yane na umo mukuteka kwakwe. ¹⁴ Bamushikile munshishi yakwe, iyo aimbile umwine mu musumba wakwa Dabidi. Bamulalike umwakumulalika umwafulile fungo nemisango yonse iyapusana pusana iyanunkila iyapekenishiwe naba kasankanya. Elyo bamocelele icakoca icikuulu kukumucindika.