¹ Abiya alele ne fikolwe fyakwe, kabili bamushikile mumusumba wakwa Davidi. Asa, umwana wakwe, aishileba imfumu mu ncende yakwe. Mu nshiku shakwe impanga yali tondolo pa myaka ikumi limo. ² Asa alecita ifyali ifisuma nefyalungama mu menso yakwa Yawe Lesa wakwe, ³ pantu afumishe ifipailo fyabena fyalo nefifulo fya pamulu. Atobawile nokupomya inceshi sha mabwe nokuputula panshi ifimuti ifyo baimike. ⁴ Akambishe Yuda ukufwaya Yawe, Lesa wafikolwe fyabo, nokukonka amafunde namakambsho. ⁵ Kabili afumishe ififulo fya pamulu ne fipailo balefutumwinapo ukufumya mu misumba yonse iyakwa Yuda. Ubufumu bwalitushisheukupitila muli ena. ⁶ Akulile amalinga imisumba mu Yuda. Pantu impamga yali tondolo, takwali inkondo pa myaka ilya, pantu Yawe alimupele umutende ena. ⁷ Pantu Asa alandile kuli Yuda, ''Natukule imisumba nokupanga ifibumba ukushingulusha, ne mpungu, impongolo, ne milando; impanga icili cesu pantu twalifwaya Yawe Lesa wesu. Twali mufwaya ena, kabili aletupela ifwe umutende pa ncende yonse. ''Kabili balekula no kutunguluka. ⁸ Asa ali nabashilika abalesenda inkwela namafumo; ukufuma mu Yuda alikwete abaume 3000,000, nokufuma mu Benjamini, 280,000 abaume abo abalesenda inkwela, na mata. Bonse aba bali ni mpalume. ⁹ Sera umwina Kushi aile kukubalwisha bena ali nabashilika ikana limo namaceleta imyanda itatu; baishile ku Moresha. ¹⁰ Elyo Asa aile mukumukumanya elyo baposhenye nomutende wabulwi mu mupoka poka wa Sefata na Maresha. ¹¹ Asa alilile kuli Yawe, Lesa wakwe, ukuti, ''Yawe, takuli nangu umo lelo iwe alelolenkana na bengi. Twafweni, Yawe Lesa wesu pantu tuli kuli imwe, na mwishina lyenu natwisa mukucingilia kuli ili bumba. Yawe, niwe Lesa wesu; mwileka umuntu amucishe amaka.'' ¹² Kabili Yawe acimfishe abena Kishite panuma yakwa Asa na Yud; Kishite alifulumwike. ¹³ Asa nabashilika aba alinabo bakonkele ena ku Gerar. Kabili abengi abena Kishite bawile icakuti tabengaba bwino, ico balifye abaonaulwa pa ntanshi yakwa Yawe nabashilika bakwe. Nabashilika basendele nefyo bapokele ifingi. ¹⁴ Abashilika baonawile imishi yonse ukushinguluka Gerar, pantu baletina Yawe pantu naisa kubekashi. Abashilka bapokolwele imishi yonse pantu mwali ifi ifya kupoka muli bena. ¹⁵ Abashilika nakabili baonawile ama tenti yabacemi abendauka; basendele impaanga ubwingi, cimo cine ne ngamali elyo babwelele ku Yerusalemu.