¹ Nomba imbokoshi yacipangano cakwa Yawe cali mu calo caba Pelishiti pa myenshi cine lubali. ² Elyo abantu abapelishiti baitile bashimapepo nabakabuka elyo basosele kuli bena, ''Twalacita shani ku mbokoshi yacipangano cakwa Yawe? Twebeni ifyo twalacibwekeshamo ku calo uko cafumine.'' ³ Bashimapepo nabakabuka batile, ''Nga muletwala imbokoshi yacipangano cakwa Lesa wakwa Israel, mwicitwala ukwabula icabupe; kumusangofye onse mucitume nomutulo wacabupe. Elyo mukondapwa, nokwishiba umulndu ukuboko kwakwe kushafumina pali imwe ukufika nanomba.'' ⁴ Elyo basosele ati, ''Bushe umutulo wacabupe wamusango nshi uo tufwile ukutwalilamo?'' Elyo bayaswike ukuti, ''Ifipute fisano ifya golde ne mpuka shisano isha gilde, fisano ukulingana ne mpendwa ekutila empendwa imo ine iya ntungulushi shaba Pelishiti. Pantu cimo cine icikuko cilesa kuli imwe ne ntungulushi shenu. ⁵ Eco mufwile ukupanga ifimpashanya fya fipute fyenu, ne fimpashanya fya mpuka shenu ishileonaula icalo, nokupela ubukata kuli Lesa wa Israel. Nalimo kuti afumya ukuboko ukufuma pali imwe, ukufuma kuli Lesa wenu, kabili ukufuma pa calo cenu. ⁶ Cinshi ico mulekosehsa imitma yenu, nga fintu abena Egypti na Farao bakoseshe imitima yabo? Eco Lesa waba Isarel abakamdile apakalamba; teco abena Egypt batumine abantu baye nabo balile? ⁷ Nomba elyo, pekanyeni iceleta ilipya ilikwete ing'ombe ishileonsha isho ishishabikwako kwikoli. Mukake ing'ombe kwi celeta lelo sendeni abana ba ng'ombe kumushi, ukushitalushako kuli shena. ⁸ Elyo musende imbokoshi yacipangano cakwa Yawe nokucibika mwi celeta. Bikenimo nefimpashanya fya golde ifyo mufwile ukubwekesha kuli ena ngo mutulo wabupe mumbokoshi mu mbali imo iyaciko. Elyo mutume naco cileya mucileke cileya icine mushila yaciko. ⁹ Elyo mufwile ukumona, nga cakuti cileya munshila ku calo caciko ku Bete -Shemeshe, eco ninshi ni Yawe uwatucitile ububi ubukulu. Lelo nga teko, elyo tukeshiba ukuti kanshi tekuboko kwakwe kwatukumishe ifwe, pacifulo caico, tukeshiba ukutila cacitikefye kumakumanyafye.'' ¹⁰ Abaume bacitilefye ukulingana nafintu babebele; babulile ing'ombe ishileonsha shibili, ukushikaka kwi celeta, nabana ba ng'ombe bashisha kumushi. ¹¹ Awe babikilepo imbokoshi yacipangano cakwa Yawe pe celeta, pamo ne mbokoshi umwali impuku sha golde nefimpashanya fyafipute. ¹² Ne ng'ombe shaile ukulungatana ne ncende ya Bete-Shemeshe shali ukukonka umusebo, nokulila lilya shileya, kabili tashapatwike kukulyo nangu kukuso. Ne ntungulushi shaba Pelishiti shakonkelemo panuma yashiko ukufikafye na kumumpaka wa Bete-Shemeshe. ¹³ Nomba abantu baku Bete-Shemeshe baleseepa ingano mumupoka poka. Ilyo bainwine amenso yabo nokumona imbokoshi yacipangano, balisekelele. ¹⁴ Ne celeta lyaishile mwibala lyakwa Yoshua ukufuma mumusumba umo uwa Bete-Shemeshe nokwiminina kulya. Ukwali ilibwe ilikalamba kulya, elyo balepawile ifimuti ukufuma kwiceleta, nokutula ing'ombe nge cabupe icakoca kuli Yawe. ¹⁵ Abena Lebi baikishe imbokoshi yacipangano cakwa Yawe ne mbokoshi yali mbali yashiko, umwali ifimpashanya fya golde, bafitekele napa libwe ilikalamba. Nabaume abena Bete-Shemeshe bapele ubupe bwa koca no kupanga amalambo ubushiku bulya bwine kuli Yawe. ¹⁶ Ilyo intungulushi shabena Pelishiti shisano bamwene ici, elyo babwelelemo bulya bwine bushiku ku Ekrone. ¹⁷ Ifi efipute ifya golde ifyo abena Pelishiti babweseshe ukuti emutulo wapa mulandu kuli Yawe- cimo kuli Ashdode, umo kuli Gasa, cimo kuli Ashikelone, cimo kuli Gati, na cimo kuli Ekrone. ¹⁸ Ne mpuka isha golde shalingene impendwa sha misumba yonse iyabena Pelishiti ukulingana ne ntungulushi shisano, pamo nemisumba yamalinga nefyalo fya mishi. Necilibwe icikalamba, mupepi apo batekele imbokoshi yacipangano cakwa Yawe, cashele ninte ukufika nakubushiku bwa lelo mwibala lyakwa Yoshua umwina Bete-Shemeshe. ¹⁹ Yawe asanshile abaume bamo abena Bete-Shemeshe pantu baloleshe mu mbokoshi yacipangano cakwa Yawe. Aipeyepo abantu 50,070 abaume. Abantu baloseshe, pantu Yawe alipeye abantu icipimo icikulu. ²⁰ Abantu abena Bete-shemeshe basosele abati, ''Nani engeminina ku ntanshi yakwa Yawe, uyu Lesa wamushilo? Nikuli ani twingaleka imbokoshi yacipangano ingaya ukufuma pali ifwe?'' ²¹ Batumine inkombe kubakashi baku Kiriti-Yearimu, ukuti, ''Aba Pelishiti nababwesha imbokoshi yacipangano cakwa Yawe; mwise no kusenda ukubwesesha kuli imwe.''