¹ Elyo abaume baku Kiriati Yarimu baishile nokusenda imbokoshi yakwa Yawe, baletele ku ngánda yakwa Abinadabu iyabelele pa lupili. Kabili bacita umwana wakwe umwaume Eleasa abe uwapatulwa pakuti elalinda imbokoshi yakwa Yawe. Samwele acimfya abafilisiti ku Misipa. ² Papitile inshita ukulingana amakumi yabili yonse pamo, apo imbokoshi ya cipangano yaikalile ku Kiriati Yarimu, icalengele na bena Israeli bonse ukulosha no kufwaisha ukulakonka Yawe. ³ Elyo Samwele epakusosa kubangánda yakwa Israeli bonse ati, ''Nga ckuti mulebwelela kuli Yawe no kulamubombela ekafye, lyena nao akamupususha kuminwe yaba Falisiti.'' ⁴ Kanshi abena Israeli epakutaluka ku milungu ba Baali na ba Ashitoreti, no kwamba ukulabombela Yawe eka. ⁵ Elyo Samwele atile, ''Longaneni mwe bena Israelibonse ku Misipa pakuti ine mupapatileko kuli Yawe.'' ⁶ Kanshi abantu bonse epakulongana ku Misipa, batapa na menshi nokwikala panshi ku cinso cakwa Yawe. Na pa bushiku ubo, bafunga ukulya balanda nokuti, ''Natubifya kuli Yawe.'' Kabili Samwele ewali umupingushi wa bena Israeli ku Misipa. ⁷ Kabili ilyo aba Falisiti baumfwile ukuti abena Israeli nabalongana ku Misipa, bacilolo ba ba Falisiti balimine no kuya kukubalwisha. Lelo ilyo abena Israeli baumfwile, batinine nganshi aba Bafalisiti. ⁸ Elyo abena Israeli baebele Samwele ati, ''Wileka ukutupapatilako kuli Yawe Lesa wesu, pakuti atupusushe ukufuma kukuboko kwaba Falisiti. ⁹ Elyo Samwele abula akana kampanga akashilasumuka nokuka tula ngelambo lyakoca kuli Yawe. Alilile kuli Yawe, mukupapatilako abena Isreali, elyo Yawe nao amwasuka. ¹⁰ Munshita ine ilya Samwele acili aletula ilambo lyakoca kuli Yawe, abafilisiti bapalama lelo palibulya bushiku Yawe abulukuta ngemfula kwishiwi ilikalamba nokubafunganya icakuti bafulumuka kucinso cabena Israeli. ¹¹ Abena Isareli epakufuma mu Misipa no kukunkunika aba Falisiti, baya balekomaula Beti Kali. ¹² Elyo Samwele abula ilibwe, alibika pakati ka MIsipa na Yeshana, alinika neshina lya Ebenesa, elyo atile, ''Ukufika napano Yawe ewa twafwile.'' ¹³ Kanshi aba Falisiti epakucimba kabili tababwekeshepo ukufwaya ukupolola icalo cabena Israeli. Elyo napanshita yabumi bwakwa Samwele ukuboko kwakwa Yawe kwalifye ukwafina paba Falisiti. ¹⁴ Nemisumba abafalisiti bapokolwele kabena Israali ukufuma Ekroni ukufika ku Gati; Ylibweshiwe. Abena Israeli bapokolola nencendeshabo ishapalaminako ukufuma kumaka yaba Falisiti. Elyo kwaba umutende pakati Israeli nabena Amori. ¹⁵ Samwele atwalilile ngo mupingushi pakati kabena Israeli munshiku shonse ishabumi bwakwe. ¹⁶ Cilamwaka aleenda ukufuma ku Betele, Giligali naku Misipa, mupingula abana Israeli muncende shonse shi. ¹⁷ Aleti ngapwisha ilyo abwelelemo ku Rama ukwali ingánda yakwe, kabili nako kwine alepingulako abena Israeli, elyo akula nobulambo bwakwa Yawe kulya kwine.