¹ Lelo aba Pelishiti basendele imbokoshi ya cipangano cakwa Lesa, kabili baifumishe ku Ebenesere nokuitwala ku Ashode. ² Aba Pelishiti babulile imbokoshi ya cipangano cakwa Lesa, ukuitwala mu ng'anda yakwa Dagone, nokucitula lubali na Dagone. ³ Ilyo abena Ashidode baimine ulucelo ubushiku bwaknkelepo, moneni Dagone nawa ubunkupeme panshi ku ntanshi ya cipangano cakwa Yawe. Awe babulile Dagone nokumubwesesha ena pa ncende alipo nakabili. ⁴ Nomba ilyo baimine ulucelo ubushiku bwakonkelepo, moneni Dagone nawa ubunkupeme panshi kuntanshi ya mbokoshi yacipangano cakwa Yawe. Umutwe wakwa Dagone ne fisansa fyonse nafiputulwako fili pa mwinshi. Umubili weka uwakwa Dagone ewashele. ⁵ Nipamulandu waici, nangu lelo, bashimapepo bakwa Dagone nabonse abengila mu ng'anda yakwa Dagone bashinyantila pa mwinshi wakwa Dagone mu Ashidode. ⁶ Ukuboko kwakwa Yawe kwafinine abena Ashidode. Ena aonawile bena nokubacusha bena ku fipute, bonse aba mu Ashidode nefiputulwa fya ncende yaiko. ⁷ Ilyo abaume ba mu Ashidode bakutululwike pafyalecitika, batile, ''Imbokoshi yacipangano cakwa Lesa wabena Israel tekuti ikale naifwe, pantu ena ukuboko kwayafya pali ifwe napa mulungu wakwa Dagone.'' ⁸ Eico batumine nokulonganika bakateka babab Pelishiti bonse; batile kuli bena, ''Cinshi twalacita ku mbokoshi yacipangano cakwa Lesa ku bena Israel ?'' Bayaswike, ''Lekeni imbkoshi yacipangano cakwa Lesa wabena Israel iletwe ku Gati.'' Awe basendele imbokoshi yacipangano cakwa Lesa wabena Israel kulya. ⁹ Nomba panuma yakuleta, ukuboko kwakwa Yawe kwaishile pali ulya musumba, nokuleta icimfulunganya icikalamba. Ena acushishe abaume ba mumusumba, bonse abaice nabakalamba; nokubalenga ifipute ukuba pali bena. ¹⁰ Awe batumine imbokoshi yacipangano cakwa Lesa ku Ekrone. Nomba ilyofye imbokoshi yacipangano cakwa Lesa yafikile ku Ekrone, abena Ekrone balikutile, abati, ''Nabaleta pali ifwe imbokoshi yacipangano cakwa Lesa wabena Israel pakuti batwipaye na bantu besu.'' ¹¹ Awe batumine nokulonganika bonse bakateka baba Pelishiti; nokutila kuli bena, ''Bwekesheni imbokoshi yacipangano cakwa Lesa wa bena Israel, pakuti ibwelele ku ncende ikala, pakutila tatwipeye ifwe na bantu bandi.'' Pantu mwali icimfulunganya cakutinya ukufuma mu musumba onse; ukuboko kwakwa Lesa kwali finine sana kulya. ¹² Nabaume abashafwile balilwele ifipute, nokulila kwaba mumusumba ulya kwaile kumulu.