¹ Ishiwi lyakwa Samwele lyaishile kubena Israel bonse. Nomba abena Israel baile mukulwa naba Pelishiti. Bapangile inkambi pa Ebenesera, naba Pelishiti ba pangile inkambi pa Efeke. ² Aba Pelishiti batantike ifyakulwa nabena Israel. Ilyo ubulwi bwasabankene, abena Israel bacimfiwe kuba Pelishiti, abaipeye amakana yane abaume mu mulalo wabulwi. ³ Ilyo abantu baishile mu nkambi, abakalamba bakwa Israel batile, ''Cinshi ico Yawe acimfisha ifwe lelo pa cinso caba Pelishiti? Katulete icipao cacipangano cakwa Yawe pano ukufuma mu Shilo, pakuti cibe naifwe, pakuti amaka yaciko yengatusungilila bwino ukufuma muminwe yabalwani besu.'' ⁴ Awe abantu batumine ku Shilo, ukufuma kulya basendele icipao cacipangano cakwa Yawe wamaka waikala pamulu wa kerubi. Abana baume babili abakwa Eli, Hofhi na Finehasi, bali kulya na icipao cacipangano cakwa Lesa. ⁵ Ilyo icipao cacipangano cakwa Yawe caishile mu nkambi, bonse abantu bakwa Israel baweleshe apakalamba, ne sonde lya wela. ⁶ Ilyo aba Pelishiti baumfwile icongo cakuwelesha, batile, ''Cinshi ici congo cakuwelesha mu nkambi yaba Hebere cilepilibula?'' Elyo baibukishe ukuti icipao cacipangano cakwa Lesa nacisa mu nkambi. ⁷ Aba Pelishiti balitinine; batile, ''Kalesa nakesa mu nkambi.'' Batile, ''Ubulanda kuli ifwe! Takwaba ngeci cacitikapo pakubala! ⁸ Ubulanda kuli ifwe! Ninani akatucingilila ifwe kuli aya maka yatulesa? Utu etulesa utwapumine abena Egypty ne misango iingi iya pusana iya mpumo mumatololo. ⁹ Koseni, kabili beni abaume, imwe mwe ba Pelishiti, nangu mukesaba abasha kubo Hebere, ngefyo baba abasha kuli imwe. Beni abaume , kabili lweni.'' ¹⁰ Aba Pelishiti balilwile, nabena Israel bali cimfwe. Umuntu onse abutukile ku ng'anda yakwe, ne mpumo shali ishikalamba nganshi; pamakumi yatatu amakasa yaba shilika ukufuma mu Israel yafilwa. ¹¹ Icipao cakwa Lesa calisendelwe, nabana baume babili bakwa Eli, na Hofni na Finehasi, bafwile. ¹² Umuntu wakwa Benjamini abutwike ukufuma kubulwi nokwisa ku Shilo bulya bwinefye bushiku, ukufika ne fyakufwala fyakwe ifya lepulwa neloba pamutwe wakwe. ¹³ Ilyo afikile, Eli aikele pacipuna cakwe kunshila aletamba pamulandu umutima wakwe walitutwime pacipao cakwa Lesa. Ilyo umuntu angile mumusumba nokulanda ilyashi, umusumba onse walilile umusowa. ¹⁴ Elyo Eli aumfwile icongo camusowa, atile, ''Cilepilibula shani uku kuwelesha?'' Umuntu aangufyenye ukwisa nokweba Eli. ¹⁵ Nomba Eli ali nemyaka amakumi pabula na cine konse konse; na menso yakwe tayalelolesha kabili talemona. ¹⁶ Umuntu atile kuli Eli, ''Ine uwaisa ukufuma ku bulwi. Nabutukafye ukufuma ku bulwi lelo.'' Eli atile, cinshi cacitike, we mwana wandi umwaume?'' ¹⁷ Umuntu uwaletele ilyashi alyaswike nokutila, ''Israel abutuka ukufuma kuba Pelishiti. Kabili, kuli ukucimfya ukukalamba mu bantu kabili, abana benu abaume babili, Hofina na Finehasi, nabafwa, kabili icipao cakwa Lesa nacisendwa. ¹⁸ Elyo alumbwile icipao cakwa Lesa, Eli aliwile pacipuna cakwe, ubunkupeme ukufuma namucipuna cakwe kulubali lwa mpongolo. Umukoshi wakwe walifunike, kabili alifwile, pamulandu alikulile nokufina. Apingwile Israel pamyaka amakumi yane. ¹⁹ Nomba umupongoshi wakwe umwanakashi, umukashi wakwa Finehasi, ali nefumo kabili ali pakupapa. Ilyo aumfwile ilyashi ukuti icipao cakwa Lesa nacisendwa nokuti bawishi fyala na balume bakwe nabafwa, afukeme panshi nokupaapa, lelo ubukali bwe fumo bwali mukalifye. ²⁰ Panshita yamfwa yakwe abanakashi basangilweko kuli ena batile, ''Witina, pantu naupelwa umwana mwaume.'' Lelo taaswike nangu ukubika ifyo balandile kumutima. ²¹ Anike ishina iyamwana Ikabode, atile, ''Ubukata nabuya ukufuma mu Israel!'' Pantu icipao cakwa Lesa nacisendwa, pamulandu wabawishi fyala nabalume bakwe. ²² Atile, ''Ubukata nabuya ukufuma mu Israel, pamulandu icipao cakwa Lesa nacisendwa.''