¹ Nomba pali ilya nshita aba Pelishiti balonganike abashilika babo ukuti balwe na Israel. Akishi atile kuli David, ''Nawishiba ukuti ufwile ukuya naine ku nkondo, iwe nabantu baobe abaume. ² David atile kuli Akishi, ''Nipali ici, mukeshiba ico mubomfi wenu enhacita.'' Akishi atile kuli David, ''Eko ndekubikila ukuba kalinda wa mweo wandi inshiku shonse.'' ³ Nomba Samwele alifwile, nabena Israel bonse balimuloseshe ena nokumushika ena mu Rama, mumusumba wakwe. Kabili, Shauli alimufumishe mu mpanga uyo uwalelanda nabafwa nangula imipashi. ⁴ Elyo aba Pelishiti balongene pamo nokupanga inkambi mu Shenemu; nao Shauli alongenye abena Israel bonse, nokupanga inkambi mu Gilboa. ⁵ Ilyo Shauli amwene abashilika baba Pelishiti, ena balitinine, nomutima wakwe waletunta naganshi. ⁶ Shauli apepele kuli Yawe ukumwafwa nomba Yawe tamwaswike ena-nangu mufiloto, atemwa muli Urimu nelyo nimuli kasesema. ⁷ Elyo Shauli atile kubabomfi, ''Mfwaileni umwanakashi ulanda nabafwa, pakuti njeko kuli ena kukufwayako ilangulushi.'' Ababomfi batile kuli ena, ''Mona, kuliko umwanakashi mu En-dore uulanda nabafwa.'' ⁸ Eico Shauli aliilufyenye umwine, nokufwala ifyakufwala fimbi nokuya, ali nabaume babili ena. Baile nakumwanakashi ubushiku. Ena atile, ''Mbukileniko kumipashi kabili unjimisheko no muntu uo ndekweba.'' ⁹ Umwanakashi atile kuli ena, walishiba ifyo Shauli acitile, efyo alofeshe mu calo abantu abalelanda nabafwa nangu imipashi. Nga cinshi uleteyela umweo wandi kulukose pakuti mfwe?'' ¹⁰ Shauli alapile Yawe nokutila, ''Apo Yawe ali mweo, tapakapelwe umulandu kuli iwe pali ici cintu. ¹¹ Elyo umwanakashi atile ninani nalaleta kuli iwe?'' Shauli atile, ''Leta Samwele kuli ine.'' ¹² Elyo umwanakashi amwene Samwele, alipundile ishiwi ilikalamba nokusosa kuli Shauli, atile, ''Cinshi wambepela? Kanshi niwe Shauli.'' ¹³ Imfumu yasosele kuli ena, ''Witina. Cinshi wamona?'' Umwanakashi atile kuli Shauli, ''Namona ka lesa kaleisa ukufuma mu mulu.'' ¹⁴ Atile kuli ena, ''Alemoneka shani?'' Ena atile, ''Mukote uuleisa; ena nafwala nomwingila. ''Shauli alishibe ukuti ni Samwele, akontamine panshi nokutota. ¹⁵ Samwele atile kuli Shauli, ''Cinshi ico wansunkanishisha nokunjimya?'' Shauli alyaswike, ndi nobwafya, pantu aba Pelishiti balelwa naine, elyo na Lesa alifuma kuli ine kabili alileka ukunjasuka, nangu nimuli bakasesema nangu nimufiloto, eco namwitila pakuti njishibe ico nalacita.'' ¹⁶ Samwele atile, ''Nga cinshi ulenjipushisha ine, ilyo Yawe alifumine kuli iwe nokuba umulwani obe? Yawe akacita ngefyo asosele muli ine. ¹⁷ Yawe akafuntula ubufumu ukufuma muminwe yobe nokubupela kuli umbi kuli David. ¹⁸ Apo twaumfwilile ishiwi lya kwa Yawe kabili tawacitile cifukushi cabukali bwakwe muli Amaleke, nipali ici epo acitile ici cintu ubwalelo kuli iwe. ¹⁹ Yawe ali nokupela Israel naiwe mu minwe yaba Pelishiti, kabili mailo iwe nabana bobe abaume mukaba naine. Yawe akapela abashilika bakwa Israel mu minwe yaba Pelishiti.'' ²⁰ Elyo Shauli apopene awile panshi kabili alitinine nganshi pamashiwi yakwa Samwele. Amaka yalipelwe ena, pantu talile ifyakulya akasuba nobushiku bonse. ²¹ Umwanaakashi aishile kuli Shauli nokumona ukuti nasakamana sana, atile kuli ena, ''Mona, umubomfi obe umwanakashi naumfwila kwi shiwi lyenu, nakabili nokumfwa ifyebo ifyo musosele kuli ine. ²² Nomba ndemupapata imwe, shumfweni kwi shiwi lya mubomfi wenu umwanakashi, kabili lekeni nteke ku cinso cenu icakulya. Mulye mube namaka pantu mwalabwelelamo.'' Lelo Shauli alikene nokutila, ''Nshalye iyo.'' ²³ Lelo ababomfi bakwe, no mwanakashi, balimupatikishe ena, asukila aumfwa kumashiwi yabo. Aimine panshi nokwikala pa cakusendamapo. ²⁴ Umwanakashi alikwete umwana ng'ombe uwaina mu ng'anda; eico ayangufyenye ukumwipaya; abulile ubunga, akasa, nokupangako utumikate. ²⁵ Elyo apele kuli Shauli nababomfi, nabo balilile. Elyo baimine balaya ubushiku bulya.