¹ Aba Falisiti balongenye ifita fyonse ku Afeki, elyo abena Usraeli nabo bacitile inkambi pakamfuku mfuku ka mu Yeseleri. ² Ilyo bakateka waba Falisiti baeenda mumilongo, mu mpuka mu myanda elyo mu makana na makana, David nabantu bakwe baleenda mu milongo panuma bali na Akishi. ³ Elyo abakalamba ba fita baba Falisiti baipusha abati, ''Inga aba aba Hibulu ba nshi?'' Akishi ayasuka ati, ''Bushe uyu ta David, uwali umubombfi wakwa Saulo ifmumu ya bena Israeli aikala naimwe nomwaka umo naupwa, elyo ukufuma ubushiku ashile Saulo ukufika nanomba ine nshasangamo ububi muli Saulo.'' ⁴ Lelo abakalamba baba Falisiti bakalipa nokutila, ''Bweseshemo uyu muntu ku ncende wamupele. Tafwile ukutukonka ku bulwi, limbi kuti atupilibikula ilyo tulelwa. Bushe kuti atemwikwa shani kuli shikulu wakwe, telintufye amutwalila imitwe yabantu besu aba? ⁵ Bushe te uyu wine David bemba namulwimbo ulwakuti, 'Saulo aipaya abalwani bakwe amakana namakana, elyo David ena aipaya amakana amakumi namakumi? ⁶ Kanshi Akishi epakwita David nokutila kuli ena, ''Mucishinkafye cakwa Yawe uwamweo, uli muntu wacishinka kabili ine kuti natemwa ukubomba naiwe mu bulwi. Pantu ukufmafye pa bushiku waishile ukufika nanomba, ine nshasangamo ububi muli iwe David, lelo bakateka bena tabasuminishe. ⁷ Kanshi nomba bwelelamo wende umutende. Tecakwesha ukucita icintu icishingasekesha bakateka baba Falisiti!'' ⁸ Davidi atile kuli Akishi, ''Nomba bushe cinsi incitile? Cinshi teti injile nokulwisha abalwani bakwashikulu imfumu yandi?'' ⁹ Akishi aasuka Davidi ati, ''Kuli ine walibafye uwakunsekesha mumenso yandi kwati nimaika wakwa Lesa. Nomba ifita fikalamba fyaba Falisiti efitile, 'Tafwile ukuya naifwe kubulwi.' ¹⁰ Eico mailo mukeme bwangu bwangu pamo nababomfi bakwa Sokulu abaisa naiwe, mukabwelelemo kuncende namupela ukwikalamo. Mukacelele lilyafye kwalabuta.' ¹¹ Kanshi Dabidi nabantu bakwe baimine lucelo celo babwelelamo ku calo caba Falisiti. aba Falisiti nabo baimine baya ku Yesireli.