¹ Ilyo Shauli abwelele mukupisha abapelishiti, ena aebelwe, ''Davidi ali mumatololo ya En-gedi.'' ² Elyo Shauli asendele abaume amakana yatatu ukufuma kuli bonse abena Israele elyo baile mukufwaya Davidi na bantu bakwe pamabwe ya fibushi mabwe. ³ Ena aishile kuma cinka ya mpaanga munshila, apo apali ulucengo. Shauli aingilemo mukati mukufimba amakasa yakwe. Nomba Davidi na bantu bakwe baikele ukutali kunuma yalucengo. ⁴ Abantu bakwa Davidi batile kuli ena, ''Ubu ebushiku ubo Yawe alanda ilyo ena atila kuli iwe, Íne ndepela abalwani bobe mumaboko yobe, kuli iwe ukucita kuli ena ifyo ulefwaya.'''Elyo Davidi alimine nokwangufyanya atangilile pantanshi elyo aputwileko icipimfya camukansu wakwa Shauli. ⁵ Panuma umutima wakwa Davidi walemucusha ena pamulandu ena aputwile icipimfya ca mukansu wakwa Shauli. ⁶ Ena atile ku bantu bakwe, ''Nga Yawe engakanya ico ine ningacita ici cintu kuli shikulu wandi, Yawe amusubile, ukufumyapo ukuboko kwandi pali ena, moneni ena ni Yawe ewamusubile.'' ⁷ Eico Davidi aleseshe abantu bakwe nayamashiwi, elyo tabasuminishe bena ukusansa Shauli. Shauli alimine, ashile ulucengo, elyo aile munshila yakwe. ⁸ Panuma Davidi nao alimine, ashile ulucengo nokulaita panuma yakwa Shauli: ''Mweshikulu wandi imfumu.'' Ilyo Shauli aloleshe kunuma yaena, Davidi akonteme necinso cakwe panshi nokulanga ena umucinshi. ⁹ Davidi atile kuli Shauli, ''Bushe cinshi iwe umfwila ka bantu abo abatila, 'Moneni Davidi alemifwayaukumisansa?' ¹⁰ Ilelo amenso yenu nayamona ifyo Yawe abikile imwe mumaboko yandi ilyo twaciba mulucengo. Bamo bacimyeba ine ukumipaya imwe, lelo nacikusunga iwe. Ine nacitila, Ine nshili nokubika amaboko yandi pali shikulu wandi, pantu ena ni Yawe ewmusubile. ¹¹ Moneni, mwe tata wandi, moneni icipimfya camukansu wenu mumaboko yandi. Pantu mucishinka cakuti ine naciputulakoicipifya camukansu wenu nokukana mipaya imwe, Imwe kuti mwaishiba nokumona ukuti tapaba ububi nangu umulandu mumaboko yandi, elyo ine nshabembukila imwe, nangufye imwe mulengunga nokulofya ubumi bwandi. ¹² Yawe engapingula pakati kaimwe na ine, Yawe alandwile ine palubali lwenu, lelo ukuboko kwandi takwakabikwe palubali lwenu. ¹³ Ngefyo ipinda lya bakale litila, 'ukufuma mubabifi emufuma ububifi. Lelo ukuboko kwandi takwakabike pali imwe. ¹⁴ Panuma nani imfumu yabena Israele ikafumamo? Pnuma nani mukacusha? Panuma yambwa yafwa! Panuma yakubutuka! ¹⁵ Yawe engapingula nokupela ubupingushi pakati kaimwe naine, nokumona kuli ico nokupapata kwandi kusuminishiwe ine ukufyuka ukufuma mumaboko yenu.'' ¹⁶ Ilyo Davidi ukulanda ayamashiwi kuli Shauli, Shauli atile, ''Bushe ili lishiwi lyobe, we mwana wandi umwaume Davidi?'' Shauli aimishe ishiwi lyakwe pamulu nokulila. ¹⁷ Ena atile kuli Davidi, ''Iwe waliba umulungami ukucila ifyo naba. Pantu iwe wacita kuli ine icisuma, apo ine mpele iwe ububi. ¹⁸ Iwe wabilisha ilelo ifyo wacita icisuma kuli ine, pantu iwe taunjipeye ine ilyo Yawe acibka ine paluse lobe. ¹⁹ Pantu ngo muntu asanga icilwani cakwe, bushe kuti amulenga ukuya umutuntulu? Yawe engakulambula icisuma pantu ilyo iwe ucitile kuli ine ilelo. ²⁰ Nomba ine naishiba ukuti iwe mucishinka ukaba imfumu nokuti ubufumu bwabena Israele bukakatikwa mumaboko yobe. ²¹ Lapa kuli ine pali Yaweukuti iwe tawakaputuleko ubufyashi bwandi panuma yandi, ilyo ukuti iwe tawakonaule ishina lyandi ukufuma mu ng'anda yakwa tata.'' ²² Eico Davidi alapile umulapo kuli Shauli. Elyo Shauli aile ku ng'anda, lelo Davidi na bantu bakwe baile nokunina ukwafisama.