¹ Nomba Samwele alifwile. Abena Israel bonse balikolongene nokumulosha, nokumushika pa ng'anda yakwe ku Rama. Elyo David aimine nokuya kumatololo ya Parani. ² Kwali umuntu mu Moane, uo umulimo wakwe wali mu Karmele. Uyu muntu ali mukankala, akwete impaanga amakana yatatu ne imbushi ikana limo. Alebeya impaanga shakwe ku Karmele. ³ Ishina lyakwe ali ni Nabali, neshina lya mukashi wakwe ni Abigaili. Lelo umulume ali umunkalwe kabili umubi mumicitile yakwe. Ali mubufyashi bwa ng'anda yakwa Kalebu. ⁴ David aumfwile mumatololo ukuti Nabali alebeya impaanga shakwe. ⁵ Kabili David atumine abalumendo ikumi. David atile kubalumendo, ''Kabiyeni ku Karmele, kabiyeni kuli Nabali nokumuposesha mwishina lyandi. ⁶ Muli nokulanda kuli ena ukuti, 'Wikale mubunonshi umutende ube nobe, no mutende pa ng'anda yobe, no mutende ube kuli fyonse fintu wakwata. ⁷ Ningufwa ukutila uli nabakabeya. Abacemi bobe bali kuli ifwe, nobacitapo nangu cimo, kabili tabalufishepo nangu cimo inshita yonse intu bali mu Karmele. ⁸ Ipusha abalumendo bobe, nabo balakweba. Nomba leka abalumendo bandi basange ubusuma mumenso yobe. Pantu natwisa pabushiku bwa cakucilila. Npapata shipela icili conse ukwete muminwe yobe kubabomfi bobe nakumwana obe David.''' ⁹ Ilyo abalumendo bakwa David bafikile, basosele fyonse kuli Nabali mucifulo cakwa David. ¹⁰ Nabali alyaswike ababomfi bakwa David ukuti, ''Nani David kabili nani umwaume wakwa Yese? Kuli ababomfi muno nshiku abalefyuka ukufuma kuli bashikulu wabo. ¹¹ Kuti nabula umukate wandi na menshi yandi nenama yandi isho naipaile abalebeya impaanga bandi, nokupela ku bantu abo abeshile ukufuma uko nshishibe noko bafumine?''' ¹² Kabili abalumendo bakwa David lintu bapilibwike nokubwela, nokumwebafye fyonse fintu alandile. ¹³ David atile kubalumendo bakwe ati, ''Cila muntu akake ulupanga lwakwe.'' Eco bonse cila muntu akakile ulupanga lwakwe. Na David nao akakile ulupanda lwakwe. Nlimo abaume imyanda ine abakonkele panuma yakwe, ne myanda ibili abaikele pafitekwa. ¹⁴ Lelo umo pabalumendo aebele Abigaili, umukashi wakwa Nabali; atile; David atumine inkombe ukufuma mumatololo kukuposha shikulu wesu, lelo ena alibatukile. ¹⁵ Elo abo baume bali abasuma kuli ifwe. Tatwacenenwe kabili tatwalufishepo nangu cimo ilyo lyonse twaendele nabo lintu twali mumabala. ¹⁶ Bali kwati cibumba kuli ifwe lyonse akasuba nobushiku, inshita yonse ilyo twali nabo tulesunga impaanga. ¹⁷ Eico ishibeni ici nokumona fintu mwalacita, pantu ububi nabupangilwa pali shikulu wesu, napali bonse aba ng'anda yakwe. Ali icinangwa ca muntu ulya umo ushinga tontonkanishisha pamo naena.'' ¹⁸ Elyo Abigaili alyangufyenye nokubula imikate imyanda ibili, namabotolo yabili aya mwangashi, ne mpaanga shisano ishapekanishiwa, ifipimo fisano ifya ngano ifyano mwanda umo ifisansangu fya myangashi, ne fimamatwa fya makunyu imyanda ibili nokufika pa mpunda. ¹⁹ Alandile kubalumendo bakwe ukuti, ''Kabiyeni nokutangilila ine, nakulamikonka panuma yenu.'' Lelo taebeleko umulume wakwe Nabali. ²⁰ Ilyo aninike pa mpunda yakwe nokwisa baletentemuka ulupili, David nabaume bakwe baleisa mukupalamana ena, elyo akumene nabena. ²¹ Nomba David ninshi nalanda ati, ''Icinefye cafye apo nacingilile fyonse ifyo uyu muntu akwete mumatololo, icakuti tapali nangu cimo ico alufishepo pafyo akwete, kabili ambweseshe kuli nebo icibi pacisuma.'' ²² Lekeni Lesa acite ifyofine pali nebo, David, alundepo nakabili nga cakuti ulucelo nashapo pali bonse nga umo umwaume pali bonse uwaba nankwe.'' ²³ Ilyo Abagaili amwene David, ayangufyenye nokwikala pa mpunda yakwe nokuwa patanshi yakwa David icinso panshi nokukontama umwine panshi. ²⁴ Awile pamakasa yakwe nokusosa ati, ''Pali ine fye neka, mweshikulu, epo pabe ukulufyanya. Napapata lekeni umubomfi wenu alande kuli imwe, nokumfwa kumashiwi ya mubomfi wesu. ²⁵ Mwe shikulu mwileka mubike umutima pali uyu muntu icinangwa, Nabali, pantu ifyo ishina lyakwe lili efyo nao ali. Nabali eshina lykawe, ubupumbu bwaba muli ena. Lelo ine nemubomfi wenu nshacibamona abalumendo bakwa shikulu wandi, abo mwacituma. ²⁶ Nomba ilyo, mwe shikulu, nga fintu Yawe wa mweo, naimwe mube nomweo, ukutulafye apo Yawe namulesha ukusumya umulopa no kufuma ukuilandwila mwebene nokuboko kwenu, nomba lekeni abalwani benu, nabo abafwaya ukucita ububi kuli shikulu wandi, ukuba nga Nabali. ²⁷ Nomba lekeni ici icabupe ico umubomfi wenu aleta kuli imwe shikulu bupelwe kubalumendo abakonka shikulu wandi. ²⁸ Napapata beleleni umubomfi wenu uluse pa membu shawke, pantu Yawe icine cine akacitila shikulu wandi ing'anda yacishinka, pantu shikulu wandi alelwa ubulwi bwakwa Yawe; elyo ububi tabwakasangwe muli imwe inshiku ishingi ilyo muli abomi. ²⁹ Nelyo abaume baima kukumukonka ukufwaya ukusenda umweo wenu, lelo umweo wenu, lelo umweo wanu mwe shikulu wandi ukabo wafungulwa mucakufungulwamo mubwikalo bwakwa Yawe Lesa wenu; elyo akasuka imyeo ya balwani benu, ngo kufuma mumifuko wakwa kasukusa. ³⁰ Yawe akacita kuli shikulu wandi ifintu fyonse fintu alaile mwebo, nokumisonta intungulushi pali Israel. ³¹ Ici tacakabe icakumutelentesha icisendo pali mwebo ukutila mwebo namwitila umulopa uwakaele, nangu pantu shikulu wandi afwaile ukuipususha umwine. Pantu ilyo Yawe akacitila icisuma pali shikulu wandi, mukebukishe umubomfi wenu.'' ³² David atile kuli Abigaili, ''Yawe, Lesa wakwa Israel abe uwapalwa, uyo ukutumine iwe ukunkumanya nebo buno bushiku. ³³ Amano yobe yabe ayapalwa naimwe mwalipalwa, pantu naunsunga ine ilelo ukufuma mukusumya umulopa kabili ukufuma mukuilandwila nemwine namaboko yandi! ³⁴ Pantu icinefye, nga Yawe, Lesa wakwa Israel, uwa mweo uusungile nebo ukufuma kukucita icabipa, aubula angufyanya ukwisa nokunkumanya, nga tapali abakushala pali Nabali kabili ubwingi nga umo umwana mwaume akaya ukufika ulucelo.'' ³⁵ Kabili David apokelele ukufuma mukuboko kwakwe ifintu ena aletele,; alandile kuli ena ukuti, ''Kabiye mumutende ku ng'anda yobe; mona, ningufwa kwishiwi lyobe kabili ninkusuminisha.'' ³⁶ Abigaili abwelelemo kuli Nabali; moneni alikwata umutebeto mu ng'anda yakwe, ngo mutebeto wa mfumu; no mutima wakwa Nabali nausekelela pali ena, pantu ali uwakolwa sana. Eico tamwebele nangu cimo pali fyonse mpaka no kuca kwa lucelo. ³⁷ Caishileba ulucelo, ilyo umwangashi wapwile kuli Nabali, lintu umukashi amwebele fyonse ifi; umutima wakwe wafwile muli ena, elyo aishileba kwati libwe. ³⁸ Caishileba nalimo inshiku ikumi panuma elyo Yawe asanshile Nabali icakuti alifwile. ³⁹ Ilyo David aumfwile ukuti Nabali alifwa, atile, ''Yawe abe uwapalwa, uwasendele icalengele umusalula wandi ukufuma ukuboko kwakwa Nabali nokubwesha ababomfi bakwe ukufuma kububi. Napilibula imicitile yabipa iya kwa Nabali ukubwelela pa mutwe wakwe.'' Elyo David atumine no kulanda kuli Abigaili, ukumusenda kuli ena ngo mukashi. ⁴⁰ Ilyo ababomfi bakwa David baishile kuli Abigaili Krmele, balandile nankwe nokutila, ''David natutuma ifwe kuli imwe ukwisa musenda kuli ena ngo mukashi wakwe.'' ⁴¹ Alimine, nokukontama umwine ne cinso cakwe panshi, nokutila, ''Moneni, umubomfi wenu umwanakashi ali mubomfi uwakusamba amakasa yababomfi bakwa shikulu wandi.'' ⁴² Abigaili ayangufyenye nokwima, nokunina pa mpunda nababomfi abakashana basano abakwe abamukonkele; akonkele nenkombe shakwa David nokuyaba umukashi wakwe. ⁴³ Nomba David nakabili abulile Ahinoamu uwamu Yesreel ngo mukashi; bonse pamo bali bakashi bakwe. ⁴⁴ Nakabili, Shauli alipele Mikali umwana mwanakashi wakwe, umukashi wakwa David, kuli Palti umwana mwaume wakwa Laishi, uwali waku Gallimu.