¹ Baebele David, ''Mona, aba Pelishiti balelwa na Keila kabili balepokolola ne fyakulya.'' ² Awe David apepele kuli Yawe ukumwafwa nokumwipusha ena, ''Mfwile ukuya nokusansa aba aba Pelishiti?'' Yawe atile kuli David, ''Kabiye nokusansa aba Pelishiti nokupususha Keila.'' ³ Abaume bakwa David batile kuli ena, ''Mona, tuletina muno mu Yuda. Cikaba shani nga twaya ku Keila mukulwa nabashilika baba Pelishiti?'' ⁴ Elyo David apepele kuli Yawe ukumwafwa nakabili. Yawe alimwaswike ena, ''Ima, kabiye nokutentemukila ku Keila. Pantu ndinokukupela ukucimfya aba Pelishiti. ⁵ David nabaume bakwe baile ku Keila nokulwa naba Pelishiti. Bapokolwele nefitekwa fyabo nokubepaya efyo David apuswishe abekashi ba ku Keila. ⁶ Ilyo Abiatari umwana mwaume wakwa Ahimeleke abutukile kuli David pa Keila, aishile panshi na Efode mu minwe yakwe. ⁷ Shauli bamwebele ukuti David aliya ku Keila. Shauli atile, ''Lesa namupela muminwe yandi. Pantu naisalilwa pamulandu naingila mumusumba uwakwata impongolo ne mipindo.'' ⁸ Shauli aitile bonse aba mufita fyakwe ukulwa, ukuya panshi ku Keila, ukuya shinga David nabaume bakwe. ⁹ David aishileba ukuti Shauli alemupingila ububi. Atile kuli Abiatari shimapepo, leta Efode kuno.'' ¹⁰ Elyo David atile, ''Yawe, Lesa wakwa Israel, umubomfi obe nakwata cine cine ukumfwa ukuti Shauli alefwaya ukwisa ku Keila, ku konaula umusumba pamulandu wandi. ¹¹ Bushe abaume bakwa Keila bakampela muminwe yakwe? Bushe Shauli akesa panshi, ngefyo umubomfi obe aumfwile? Yawe, Lesa wakwa Israel, ndekulomba, napapata eba ababomfi bobe.'' Yawe atile, ''Alaisa panshi.'' ¹² Elyo David atile, ''Bushe abaume bakwa Keila balepela ine abaume bandi mu minwe yakwa Shauli?'' Yawe atile, ''Balekupela iwe.'' ¹³ Elyo David nabaume bakwe, abali amakumi mutanda, baimine nokuya ukufuma mu Keila, kabili baile ukufuma ku ncende ne ncende. Caebelwe kuli Shauli ukuti David naabuka ukufuma mu Keila, nao alekele ukufuma. ¹⁴ David aikele mumacele mumatololo, mu calo ca mpili mu matololo ya Sifi. Shauli amufwaile cila bushiku, lelo Lesa tamupele ena mukuboko kwakwe. ¹⁵ David amwene ukuti Shauli naisa ukufuma mukufwaya ubwikashi bwakwe; nomba David ali mumatololo mu Sifi pa Horesha. ¹⁶ Elyo Yonatani, umwana mwaume wakwa Shauli, aimine nokuya kuli David pa Horesha, nokukosha ukuboko kwakwe muli Lesa. ¹⁷ Atile kuli ena, ''Witina. Pantu ukuboko kwakwa Shauli tata wandi takwakakusange. Iwe ukabe mfumu pali Israel, kabili nine nkakonkapo pali iwe. Shauli tata wandi nao naishiba ifi.'' ¹⁸ Bapangile icipangano pa cinso cakwa Yawe. David ashele pa Horesha, na Yonatan aile ku ng'anda. ¹⁹ Elyo abena Sifi baishile kuli Shauli pa Gibea nokutila, ''Te David afisama muli ifwe mu cele pa Horesha, palupili lwa Hakila, ulwa ku kapinda kakukulyo aka Yeshimone? ²⁰ Nomba isa panshi, imfumu! Ukuli ngana noku kabila kobe, isa panshi! Ifipande fyesu fikapela ena muminwe ya mfumu.'' ²¹ Shauli atile, ''Mube abapalwa kuli Yawe. Pantu namukwata uku nanguluka ine. ²² Kabiyeni, muipekanye bwino. Sambilileni nokufwaya incende uko afisama nowamonako ena kulya. Calyebwa kuli ine ukuti ulya ali cenjela. ²³ Eco moneni, kabili sambilileni incende shonse uko aifisa umwine. Mubwele kuli ine nelyashi lya cishinka, kabili elyo ine nkabwekelamo naimwe. Ngali mu mpanga, nkamufwailisha monse mumakana yaba Yuda.'' ²⁴ Elyo baimine nokuya ku Sifi ukukonka Shauli. Nomba David nabaume bakwe bali mumatololo ya Moane, mu Araba kukapinda kakukulyo ya Yeshimone. ²⁵ Shauli nabaume bakwe baile mukumufwaya ena. Lelo David alyebelwe pali ici, eico aile panshi ku lupili nokwikala mumatololo ya Moane. Ilyo Shauli aumfwile ici, atamfishe David mumatololo ya Moane. ²⁶ Shauli aile lubali lumo ulwa lupili, kabili David nabaume bakwe baleya kulubali lumbi ulwa lupili. David aendeshe ukufuma kuli Shauli. Shauli nabaume bakwe ba shingulwike David nabaume bakwe ukubasenda, ²⁷ intumi yaishile kuli Shauli nokutila, ''Endesheni kabili iseni, pantu aba Pelishiti nabapangana balapokolola icalo. ^{28 29} Eico Shauli abwelele ukufuma mukufwaya David nokuya mukulwa naba Pelishiti. David aile ukufuma kulya kabili aileikala ukwafiseme ku Engedi.