¹ Yawe atile kuli Samwele, ''Nilisa ukalosha Shauli, apo ine nimukana ena ukufuma pakuba imfumu pali Israeli? Isusha ulusengo lobe na mafuta no kuya. Ndekutuma kuli Yese uwaku Betelemu, pantu ine eko ne mwine nsalile imfumu pa bana bakwe abaume.'' ² Samwele atile, ''Kuti naya shani? Ngacakuti Shauli aumfwa pali ici, akanjipaya.' Yawe atile, ''Bula ing'ombe iinono iikota na iwe no kulanda, 'Njishile mu kupela Yawe ilambo.' ³ Ita Yese kwilambo, kabili ndekulanga ifya kuti ucite. Ulesuba kuli ine umo uo ndekweba.'' ⁴ Samwele acitile ngefyo Yawe atile no kuya nu Betelemu. Abakalamba ba mu musumba balettutuma ngefyo baleisa muku mukumanya no kutila, ''Wishile mu mutende?'' ⁵ Atile, ''Mu mutende; Njishile mukupela ilambo kuli Yawe. Ipekanyeni no kuisangulula mwebene kabili iseni na ine kwilambo.'' Elyo asangulwile Yese na bana bakwe abaume no kubeta kwi lambo. ⁶ Ilyo baishile, aloleshe pali Eliabu no kutila ku mwine ulya Yawe asubile ukwabula ukutwishika eminine pa cinso cakwe. ⁷ Leelo Yawe atile kuli Samwele, ''Wilalolesha pafyo alemoneka, nangu pabutali bwa cimo cakwe; pantu nimukana ena. Pantu Yawe tamona ngefyo umuntu amona; umuntu alolesha pafyo alemoneka, leelo Yawe alolesha mu mutima.'' ⁸ Elyo Yese aitile Abinadabu no kumupanga ukupita ku cinso cakwa Samwele. Elyo Samwele atile, ''Noyu wine Yawe tamusalile.'' ⁹ Yese elyo apangile Shama ukupita palya, leelo Samwele atile, ''Noyu wine Yawe tamusalile.'' ¹⁰ Yese apangile abana baume bakwe cine lubali ukupita ku cinso cakwa Samwele. Elyo Samwele atile kuli Yese, ''Yawe tasalilepo nangu umo pali aba. ¹¹ Elyo Samwele atile kuli Yese, ''Bushe abana bobe abaume bonse bali pano?'' Ayaswike, ''Kulya kushelefye ka kasuli, leelo alelisha impaanga.'' Samwele atile kuli Yese, ''Utume nabakubula; pantu tatwaikale panshi mpaka ese kuno.'' ¹² Yese atumine no kumuleta mu kati. Nomba uyu umwana mwaume ali uwa kashika kabili akwete amenso ayasuma kabili alemoneka bwino. Yawe atile, ''Ima, musube; pantu uyu eumo.'' ¹³ Elyo Samwele asendele ulusengo lwa mafuta no kumusuba pakati ka ba munina bakwe. Umupashi wakwa Yawe wabutukile pali Dabidi ukufuma pali bulya bushiku umuyayaya. Elyo Samwele aimine no kuya ku Roma. ¹⁴ Nomba umupashi wakwa Yawe waishile Shauli, mu cifulo caici umupashi ubi ukufuma kuli Yawe walemucusha. ¹⁵ Ababomfi bakwa Shauli batile kuli ena, ''Moneni, umupashi ubi ukufuma kuli Yawe ulemicusha. ¹⁶ Lekeni mwe shikulu nomba konkomesheni ababomfi benu abali pa cinso cenu ukumona umuntu uwaishibisha ukulisha insango. Elyo umupashi ubi ukufuma kuli Lesa ukaba pali iwe, akalisha ili na imwe mukaba bwino. ¹⁷ Shauli atile kuba bomfi bakwe, ''Mfwaileniko umuntu uwinga liisha bwino kabili mu mulete kuli ine.'' ¹⁸ Elyo umo umwaice pa baume ayaswike, nokutila, ''Nalimona umwana umwaume uwakwa Yese umwina Betelemu, uwaishibisha ukuliisha uwakosa, impalume ya mwaume, umwaume wabulwi, umo uwacenjela ukulanda, uwacata icisma; na Yawe ali nankwe.'' ¹⁹ Eico shauli atumine inkombe kuli Yese, no kutila, ''Ntumina Dabidi umwana obe umwaume, uuli ne mpaanga.'' ²⁰ Yese abulile kabalwe amulongelepo imikate, ne nyambi ya mwangashi, na kabushi akanono, kabili abatumine no mwana wakwe Dabidi kuli Shauli. ²¹ Elyo Dabidi aishile kuli Shauli kabili aingile mu cinto yakwe. Shauli ali mutemenwe saana, kabili aishileba uwakusenda ifyanso. ²² Shauli atumine kuli Yese, atile, ''Leka Dabidi eminine pa cinso candi, pantu nasanga ukutemwa mu menso yandi.'' ²³ Ilyo lyonse umupashi ubi ukufuma kuli Lesa waleba pali Shauli, Dabidi alebula isango kabili alalilisha. Eico Shauli ale bweshiwa bwino kabili umupashi ubi walefuma pali ena.