¹ Samwele atile kuli shauli, ''Yawe atumine ine ku kusuba ukuba imfumu pa bantu bakwa Israeli. Nomba umfwa ku mashiwi yakwa Yawe. ² Ifi efyo Yawe wa mabumba atile, 'Ninjishiba ifyo Amaleki acitile kuli Israeli elyo aba lwishishe mu nshila, ilyo ba leisa ukufuma ku Egypto. ³ Nomba akabiye nokusansa Amaleki no konaula fyonse ifyo ba kwata. Wikashapo nangu bamo, leelo ukepaye onse umwaume no mwanakashi, umwana no onka, ing'ombe ne mpanga, ingamali ne mpunda.'' ⁴ Shauli aitile abantu nokubapenda mu musumba wa Telemu- bali amakana imyanda ibili bali pa maksa, na baume bakwa Yuda bali amakana ikumi limo. ⁵ Elyo Shauli aishile mu musumba wa Ameleki nokulolela mu mupoka poka. ⁶ Elyo Shauli atile ku bena Keni, kabiyeni, lekaneni, fumeni mu bena Ameleki, pakuti nshi mulofeshe pamo nabo. Pantu mwacitile uluse ku bantu bakwa Israeli, ilyo balefuma ku Egypto.'' Eico abena Keni bafumine mu bena Ameleki. ⁷ Elyo Shauli acimfishe abena Ameleki ukufuma ku Habila ukufika na Shuri uwaba ku kabanga ka Egypto. ⁸ Elyo abulile Agagi imfumu ya bena Ameleki iya mweo; aipeye fye bonse abantu ku lupanga. ⁹ Leelo Shauli na bantu balekele Agagi uwa mweo, pamo pene ne shawama impanga ne ng'ombe, no twana twa ng'ombe utwa ina elyo notwana twa mpanga utwaina. Ne fintu ifyali ifisuma, tabaonawile.Leelo ba onawile ifipe fyonse ifya sulwa nefya fye. ¹⁰ Elyo ishiwi lya kwa Yawe lya ishile kuli Samwele, no kutila, ¹¹ ''Nacinangulusha ine pa ku cita Shauli imfumu, pakuti na pilibukila ku numa nokuleka uku nkonka no kukana cita amafunde yandi.'' Samwele ali kalipe, alilile kuli Yawe ubushiku bonse. ¹² Samwele acelele akacelo mu ku kumanya Shauli. Samwele bali mwebele, ''Shauli aishile ku Kamele nokucita icaku mwibukishishapo, elyo abwelele no kutentemukila ku Gilgali.'' ¹³ Elyo Samwele aishile kuli Shauli, na Shauli atile kuli ena, ''Mwalipalwa kuli Yawe! Ni mfikilisha amafunde yakwa Yawe.'' ¹⁴ Samwele atile, cinshi elyo uku kulila kwa mpanga nde umfwa mu matwi yandi, nokulila kwa ng'ombe nde umfwa?'' ¹⁵ Shauli ali mwaseike, ''Ba filetele ukufuma ku bena Ameleki. Pantu abantu balekele ishawama impanga ne ng'ombe, ku kupela ilambo kuli Yawe Lesa obe. Leelo ifyashala natonaula fyonse. ¹⁶ Elyo Samwele atile kuli Shauli, ''Lolela, nalakweba ifyo Yawe atile kuli ine ubushiku, Shauli atile kuli ena, ''Landa!'' ¹⁷ Samwele atile, ''Nelyo wali uwa cepa mu menso yobe we mwine, bushe tabakulengele ukuba umukalamba pa mitundu yakwa Israeli? Elyo Yawe aku subile ukuba imfumu pali Israeli? ¹⁸ Na Yawe akatumine mu nshila yobe nokutila, kabiye konaule bonse aba bembu, abena Ameleki no kulwa nabo panka fye baonaulwa bonse. ¹⁹ Cinshi tawaumfwilile ishiwi lyakwa Yawe, leelo wa ikete icitapwa nokucita icabipa mu menso yakwa Yawe?'' ²⁰ Elyo Shauli atile kuli Samwele, ''Nalyumfwile kwishiwi lyakwa Yawe, kabili naile mu nshila iyo Yawe antumine. Nalikata Agagi, imfumu ya Ameleki, no konaula abena Ameleki bonse. ²¹ Leelo abantu ba bulilepo ifitapwa-impaanga ne ng'ombe, nefintu ifya wamisha ifya lingile ukonaulwa, pakuti bapele ilambo kuli Yawe Lesa wenu mu Gilgali.'' ²² Samwele ali mwaswike, Yawe bushe alitemwa imituulo ya koca na malambo, ukucila ukumfwa ishiwi lyakwa Yawe? Ukunakila kwaliwama ukucila amalambo, nokumfwa kwaliwama ukucila amafuta yaba sukusuku. ²³ Pantu bucipondoka cimo no lubembu lwa kubuka, kabili imisula yaba ngo kupepa ifya fye notulubi. Pantu na ukana ishiwi lya kwa Yawe, nao na kukana ukuba imfumu.'' ²⁴ Elyo Shauli atile kuli Samwele, ''Nimbembuka; pantu nintoba icipope cakwa Yawe na mashiwi yobe, pantu na letina abantu nokumfwa kwi shiwi lyabo. ²⁵ Nomba, shimbeleleni uluce palubembu lwandi noku bwelela naine pakuti ndeya papata Yawe.'' ²⁶ Samwele atile kuli Shauli, ''Nshabwelele pamo naiwe; pantu naukana ishiwi lyakwa Yawe, na Yawe nakukana ukuba imfumu pa bena Israeli.'' ²⁷ Ilyo Samwele apilibwike ukuti afumepo, Shauli aikete ku cakufwala cakwe, na co calilepwike. ²⁸ Samwele atile kuli ena, ''Yawe na lepula ubufumu bobe ilelo pali Israeli na bupela na ku munobe, umo uwa wama ukucila iwe. ²⁹ Kabili uwa maka ya pulamo wa kwa Israeli usha kabepe ubufi nelyo ukupilibula amano; pantu te muntu, pakuti apilibule amano yakwe.'' ³⁰ Elyo Shauli atile, ''Nimembuka. Leelo ncindikeni nomba ku ntanshi yabakalamba ba bantu bandi na ku ntanshi yakwa Israeli. Bweleleni pamo na ine, pakuti mpepe Yawe Lesa wenu. ³¹ Eico Samwele kabili ali bwelelemo aile alekonka Shauli na Shauli apepele kuli Yawe. ³² Elyo Samwele atile, ''Leta Agagi imfumu ya bena Ameleki kuno kuli ine.'' Agagi aishile kuli ena na kakwa mu munyololo no kutila, ''Cine cine ubukali bwa mfwa na buya.'' ³³ Eico Samwele ali mwaswike, ifyo ulupanga lobe lwalenga abanakashi ukufwilwa bana, efyo na noko akafwilwa abana mu banakashi.'' Elyo Samwele aoutawile Agagi mu fipande ku tanshi yakwa Yawe mu Gilgali. ³⁴ Samwele aile ku Rama, na Shauli aile ku ng'anda yakwe ku Gibea wakwa Shauli. ³⁵ Samwele tamwenepo Shauli mpaka nobushiku bwa mfwa yakwe, pantu alelosha Shauli. Yawe ali langulwike pantu acite Shauli ukuba imfumu pali Israeli.