¹ Ubushi bumo, Yonatani umwana mwaume wakwa Sauliatile ku mwaice uwalesenda ifyanso fyakwe, ''isa, katuleya ku nkambi yaba Falistini ku lubali lumbi.'' Leelo taebele wishi. ² Sauli aleikala kunse ya Gibea mwisamba lya cimuti ica mu pomekeleti ica mu Miklon. Mupepi abaume imyanda mutanda bali nao, ³ ukulundapo Aiya mwana wakwa Atitubi umwana mwaume wakwa Finehas umwana mwaume wakwa Eli, shimapepo wakwa Yawe pa Shilo, uwafwele efodi. Abantu tabaishibe ukuti Yotani naya. ⁴ Kumbali shonse isha nshila intu Yotani ali no kupitamo ukulola ku nkambi yabena Filistini, kwali icipuma ca mabwe kulubali lumo necipuma ca mabwe lubali lumbi. Icipuma cimo ica mabwe caleitwa Boses icipuma cimbi ica mabwe caleitwa Sene. ⁵ Icipuma cimbi ica mabwe caiminine ku kapinda ka kukuso kuntanshi ya Mikamashi, na cimbi ku ka pinda ka kukulyo kuntanshi ya Keba. ⁶ Yotani atile ku mwaice uwalemusendela ifyanso, ''Isa, katwabukile ku nkambi ya aba bantu abashasembululwa. Limbi Yawe kuti atubombelako, pantu takuli icingalesha Yawe ukwafwa abengi nangu abantu abanono.'' ⁷ Uwalemusendela ifyanso ayaswike, ''Citeni fyonse ifili mu mutima wenu. Konkanyenipo, moneni, ndi naimwe, ukukonka amakambisho yenu.'' ⁸ Elyo Jonathani atile, ''Tuleabukila bushilya ku baume, kabili tuleilanga kuli bena. ⁹ Ngabatila kuli ifwe, 'Loleleni palya mpaka twise kuli imwe'-elyo tuleikala mu cifulo cesu kabili tatwaabukile kuli bena. ¹⁰ Leelo nga baasuka, 'Iseni kuli ifwe; elyo tupitila kulya; pantu Yawe natupela mu minwe yesu. Ici cileba icishibilo kuli ifwe. ¹¹ Eico aba bonse baisokolwele ku nkambi yaba Filisti. Abena Filistini batile, ''Moneni, aba Hebere baleisa ukufuma mu mabwe muntu bafiseme.'' ¹² Elyo abaume ba mu nkambi baitile Yonatani no walemusendela ifyanso, nokutila, ''Iseni kuno, kabili twalamilanga icintu cimo.'' Yonatani atile ku walemusendelako ifyanso, ''Nkonka panuma yandi, pantu Yawe napeela bena mu kuboko kwa kwa Israele.'' ¹³ Yonatani aiminine pa mulu pamakasa namaboko, nowalemusendela ifyanso amukonkele panuma. Aba Filistini balipaiwe kuli Yonatani no walemusendela ifyanso alipeye bamo abamunuma yakwe. ¹⁴ Kulya ku sansa kuntu Yonatani nakasenda wafyanso bacitile, kwaipeye mupepi abaume amakumi yabili pabukulu bwa ncende citika wa ekare. ¹⁵ Mwali icimfulunganya mu nkmbi, mumpanga, napakati ka bantu. Nenkambi nabalesansa balifulunganishiwe. Kwali icinkukuma, kabili kwali ukupelenganishiwa ukukalamba. ¹⁶ Elyo ba malonda bakwa Sauli mu Gibea wa mu Benjamini balilolekeshe; ibumba lya bena Filistini ilya fita lyalesalangana, kabili baleya kuno na kulya. ¹⁷ Elyo Sauli atile ku bantu abali nao, ''Pendeni nokumona uushili naifwe.'' Elyo bapendele, Yonatani na kasenda wa fita fyakwe tabamoneke. ¹⁸ Sauli atile kuli Aiya, ''Leeta icipao cakwa Lesa kuno.'' Pantu pali ilya nshita cali na bantu abena Israele. ¹⁹ Ilyo Sauli alelanda kuli shimapepo, icimfulunganya mu nkambi yabena Filistini caletwalilila no kuya pa ntanshi. Elyo Sauli atile kuli shimapepo, ''Bwesha ukuboko kobe.'' ²⁰ Sauli na bantu bonse abali nao bali kolongene nokuya mu bulwi. Ulupanga lwa mwina Filistini onse lwalashile mu munankwe, kabili kwali icimfulunganya icikalamba. ²¹ Nomba abo aba Hebere abo abali intanshi na bena Filistini, kabili abaile nabo mu nkambi; nabo bene bailundile nabena Israele abali na Sauli na Yonatani. ²² Ilyo abaume bonse abena Israele abafiseme mu tupili mupepi na Eflaim baumfwile ukti abena Filistini nabafulumuka, nabo bene balibakonkele panuma mu bulwi. ²³ Eico Yawe apuswishe Israele bulya bushiku, nobulwi bwatwalilila Beti Afeni. ²⁴ Bulya bushiku abaume abena Israele bali aba naka pantu Sauli alengele abantu ukulapa nokutila, ''Atipwa umwana uulya icakulya conse ukufika icungulo kabili nsuke njilandule ku balwani bandi.'' Eico takwali nangu umo mufita uwalile ifyakulya. ²⁵ Elyo abantu bonse baingile mu mpanga kabili kwali ubuci pa mushili. ²⁶ Ilyo abantu baingile mu mpanga, ubuci bwalekonkoloka, leelo takwali uwabikile iminwe yakwe pakanwa kakwe pantu abantu balitinine umulapo. ²⁷ Leelo Yonatani taumfwile ukti wishi alikakililile abantu no mulapo. Alimishe iminwe yakwe ku kanwa kakwe, na menso yakwe yalibekele. ²⁸ Elyo umo mu bantu, ayaswike, ''Wiso alikonkomesha abantu ukusunga umulapo, nokutila, 'Abe uwatipwa umuntu uwalya icakulya muli buno bushiku; nangu fye abantu babembwike ku nsala.'' ²⁹ Elyo Yonatani atile, ''Batata balipangile icimfulunganya mu caalo. Moneni ifyo amenso yandi yaba ayabeka pantu nacilya utubuci utunono. ³⁰ Bushe nga tacawamishe nga cakuti abantu mukuitemenwa balile ileelo ifyatapwa ukufuma ku balwani babo abo basangile? Leelo nomba ukwipaya takukulile mu bena Filistini.'' ³¹ Basanshile abena Filistini bulya bushiku ukufuma ku Mikimashi ukfika ku Aiyalon. Abantu bali funshike. ³² Abantu babutukile ukusampa ifyatapwa nokusenda impnga, ing'ombe ne ng'ombe ishikota no kushipaila panshi. Abantu balishishile no mulopa. ³³ Elyo baebele Sauli, ''Moneni abantu balebembukila Yawe pantu balelya no mulopa.'' ³⁴ Sauli atile, ''Kabiyeni mukati ka bantu, nokubeba, 'Lekeni umwaume onse alete ing'ombe yakwe ne mpanga yakwe, nokushipaila kuno nokushilila kuno. Tamufwile ukubikila Lesa ukupitila mukulya inama no mulopa.'' ³⁵ Sauli akulile icipailo kuli Yawe, ecali icipailo cantanshi ico akulile kuli Yawe. ³⁶ Elyo Sauli atile, ''Lekeni tukonke abena Filistini ubushiku nokubatapa ukufika ulucelo.'' Twileka nangu umo ukuba no mweo.'' Balyaswike, ''Cita icili conse icisuma kuli iwe.'' Leelo shimapepo atile, ''Katukumanye Lesa pano pene.'' ³⁷ Sauli aipwishe Lesa, ''Bushe nkonke aba Filistini? Bushe mulebapela mu minwe yabena Israele?'' Leelo Lesa tamwaswike bulya bushiku. ³⁸ Elyo Sauli atile, ''Iseni kuno, intungulushi shonse isha bantu; sambilileni nokumona ifyo ulu lubembu lucitike ilelo. ³⁹ Pantu, Yawe aba wa mweo, uupususha Israele, nangufye ni muli Yonatani umwana mwaume wandi, icine cine akafwa.'' Leelo takwali umwaume nangu umo mukati ka bantu uwamwaswike. ⁴⁰ Elyo atile kuli Israele onse, ''Mufwile ukwiminina ulubali lumo, kabili ine na Yonatani umwana mwaume wandi tuleba ulubali lumbi.'' Abantu batile kuli Sauli, ''Cita ico wamona icisuma kuli iwe.'' ⁴¹ Sauli atile, ''Yawe, Lesa wabena Israele! Ngacakuti ulubembu lwacitilwe naine nangu umwana mwaume wandi Yonatani, kanshi, Yawe, Lesa wakwa Israele, peleni Uvimu. Leelo nga ulubembu nga lwacitwa na bantu bobe Israele, peela Tummimu.'' Elyo Yonatani na Sauli bapitile mu kupendulwa, leelo impuka yafita yali iyabula umulandu. ⁴² Elyo Sauli atile, ''Penduleni pakati kaine no mwana mwaume wandi Yonatani.'' Elyo Yonatani alipendwilwe. ⁴³ Elyo Sauli atile kuli Yonatani, ''Njeba ifyo wacita.'' Yonatani alimwebele, ''Nalilile utubuci utunono kumpela ya nkoto iyali mu minwe yandi. Ine ndi pano; Ine ndefwa.'' ⁴⁴ Sauli atile, ''Mwe Lesa citeni ici kabili nokucilapo kuli ine, nga tawafwe, Yonatani.'' ⁴⁵ Elyo abantu batile kuli Sauli, ''Bushe Yonatani afwe, uyo uwalenga ukuti kube ukucimfya ukukalamba kuli Israele? Cakutali! Yawe atwalilile ukuba no mweo, nangu mushishi umo uwakumutwe wakwe tawaponene panshi, pantu nabombela pamo na Lesa ileelo.'' Elyo abantu bapuswishe Yonatani icakuti tafwile iyo. ⁴⁶ Elyo Sauli alekele ukusupila abena Filistini, nabena Filistini baile kucifulo cabo. ⁴⁷ Elyo Sauli atendeke Israele, alwishishe abalwani bakwe bonse mumbali shonse. Awishishe Moab, abena Ammoniti, Edomu, ishamfumu shabena Soba, nabena Filistini. Konse uko apilibukile, acitile ukukanda ukukalamba. ⁴⁸ Acitile ubulamba no kucimfya abena Amaleki. Apuswishe Israele ukufuma mu minwe ya abo abalebasansa. ⁴⁹ Aba abaume bakwa Sauli bali ni Yonatani, Ishifi, na Maliki-Shau. ⁵⁰ Ishina lya mukashi wakwa Sauli ali ni Ainoam; ali umwana umwanakashi wakwa Aimaasi. Ishina lyakwa mushika uwa mpuka yafita fyakwe ali ni Abna umwana mwaume wakwa Nere, nalume wakwa Sauli. ⁵¹ Kishi ali wishi wakwa Sauli; na Nere, ewishi wakwa Abna, ali mwana mwume wakwa Abiel. ⁵² Kwaleba ukulwa ukwakosa nabena Filistini inshiku shonse isha kwa Sauli. Ilyo Sauli alemona umwaume onse impalume, nangu umwaume wa bulamba, alelungatana na ena.