¹ Nomba aba Filisiti balonganyike abashilika babo kubulwi. Balongene pa Soko, na Aseka mu Efese Damimu. ² Kabili Shauli nabena Israeli bali kungene, batitile inkambi mumupokapoka wa Elah, Bayandamikile nobulwi kuku kumanya aba Filisiti. ³ Aba Filisiti baleiminina kumpili kuno lubali, nabena Israeli baleiminina kulupili kulya lubali; kwali nomupokapoka pakati kabo. ⁴ Kabili kwafumine ipaka munkambi yaba Filisiti, ishina lyaliko ni Golyati wamu Gati, ubatali bwakwe imikono mutanda na hafu. ⁵ Ali necisote camukuba pamutwe; afwele necakucinga icifuba camamba, ukufina kwaciko ama shekele amakana yasano yamukuba; ⁶ Ali nefyapamikonso ifyamikuba nakwifumo nakafumo kamukuba pakati kamabeya yakwe. ⁷ Kabili umusako wefumo wali ngo ulando wakwa kapika wansalu, necilimi cefumo lyakwe cali camashekele imyanda mutanda yacela. Uwakusenda icishangu wakwe aleenda kuntanshi yakwe. ⁸ Aliminine, alabilikisha nakumitande yakwa Israeli nokutila kuli bene, ''Cinshi ico mwafumina kukwandamiko bulwi? Bushe ine nshili mupelishiti, Naimwe muli babomfi bakwa Shauli? Saleni umuntu , nokuleka atentemukile kuli ine. ⁹ Nga ali namaka yakungansha nokungipaya, elyo tuleba ababomfi benu, lelo ngaine ngandemwansha, nokumwipaya, elyo muleba ababomfi besu, muletubombela.'' ¹⁰ Kabili umu Filisiti atile, ''Ine ndesebanya imitande yakwa Israeli ubwalelo mpeleni umuntu, muleke tulwe nankwe.'' ¹¹ Elyo Shauli na Israeli onse baumfwile ifyebo ifi ifyamu Filisiti, balitentwike nokutina icibi. ¹² Nomba Dabidi ali mwana wamwina Efrate uyo wapa Beteremu wamuli Yuda, Uwo ishaina lyakwe ni Yese; ali nabana baume cine konse konse, uyo umuntu munshiku shakwa Shauli ali uwakota uushingaba mu bantu kukulwa. ¹³ Lelo abana baume bakalamba batatu, bakwa Yese baile balekonka Shauli kukulwa namashinayabana baume batatu abile kukulwa ni Eliabu ebeli, nacikonkebeli ni Abinadabu, nowa citatu ni Shama. ¹⁴ Dabidi ali emwaiche nabakalamba batatu baile balekonka Shauli. ¹⁵ Nomba Dabidialeya nokubwela pali Shauli kukucema umukuni wakwa wishi ku Btelemu. ¹⁶ Kabili umu Filisiti alapalama nokwimininako ulucelo necungulo, inshiku amakumi yane. ¹⁷ Nomba Yese atile kuli Dabidi mwane, ''Shibulila bamunonko ulupe lwafyasalulwa ifi, nepusa ii ikumimi lyamikate; ubutukile nafyo kunkambi kuli bamunonko. ¹⁸ Aya mabengo ikumi yeshiba ilyasuka, twala kuli mushika wekana lyabo. Kabili bamunonko ubamone ngabali umutende, nemilandu yabo ulete. ¹⁹ Shauli nabene, nabena Israeli bonse, bali mumupokapoka wa Elah, balelwa na ba Filisiti. ²⁰ Dabidi acelele ulucelo, ashile umukuni kumulinshi, asendele nefilyo, aile nokuya ifyo Yese wishi amwebele. Kabili ilyo afikile kumpembwe umulalo walefumina kukwandamikwa, nokuwelesha ukuya mukulwa. ²¹ Kabili Israeli naba Filisiti umutande walekumanya umutande. ²² Nao Dabidi ashile ifipe muminwe yamulinshi, abutukile kumutande, aishile posha naba munyina. ²³ Elyo alesoshanya kumitande yaba Filisti; mu Filisiti waku Gati ishana lyakwe ni Golyati. Kabili ngefyebo ifyofine; nao Dabidi alyumfwile. ²⁴ Nabaume bonse abakwa Israeli pakumonoyu muntu bafulumwike kunso cakwe nokutina cibi. ²⁵ Kabili abume bakwa Israeli batile, ''Bushe namumona uyo muntu uwanina? Kukusebanya Israeli nomba umuntu uwamucindami ubukalamba, ikamupa nomwana wakwe umwanakashi uwaiko, nabamungánda yakwa wishi ikabacita abantungwa muli Israeli.'' ²⁶ Nao Dabidi asosele kubantu abauiminine naena, ''Cinshi cikacitwa kumuntu uwaipaya umu Filisiti ulya, afumya nomusebanya pali Israeli? Pantu nani umu Filisiti usha sembululwa, apo asebanya imitande yakwa Yawe? ²⁷ Elyo abantu basosele kuli ene nge ceo ico, abati, ''Efyo cikacitwa kumuntu uwamwipaya.'' ²⁸ Eliabu munyina mukalamba alyumfwile ale sosa kubantu, nobukali bwakawe bwaimine Dabidi nokutila, ''Cinshi ico watentemukila? Kabili nikuli ani washa umukuni uyo uunono muma tololo ine naishiba akapumpu kobe nobubi bwamutima obe, pantu kukumono bulwi eico watentemukila. ³⁰ Dabidi atile, ''Cinshi nacita nomba? Bushe tema landa kanwa?'' ²⁹ Ayalwike pali ena nokuya kumbi nokusosa ifyebo ifyfine. Nabantu bamwaswike ngapakabala. ³¹ Kabili ilyo fyaumfwikile ifyebo ifyo Dabidi asosele, bafilondolwele ku cinso cakwa Shauli, nao alimubulile. ³² Dabidi atile kuli Shauli, ''Umutima wakwa shikulu wifuma pamulandu wakwe. umubomfi wenu aleya, alalwa nomu Filisiti uyu.'' ³³ Nao Shauli atile kuli Dabidi, ''Tekuti uye kumu Filisiti kukulwa nankwe. Pantu uli mwaice noyo muntu wabulwi ukufuma kubwaice bwakwe.'' ³⁴ Nomba Dabidi atile kuli Shauli, ''Umubomfi wenu aba umucemi wamukuni kuli wishi, kabili ilyo kwaleisa inkalamo, atemwa nibele nokusenda impanga mucinkunka, ³⁵ ilyo nalefuma nalecikonka nokucuma nokuiipokolola mukanwa kaciko kabili nga cangimina epakucikata kumwefu waciko nokucuma nokucipaya. ³⁶ Umubomfi wenu aipeye inkalamo naba Bele kabili umu Filisiti uyu uushasembululwa aleba nga umo uwamuli ifyo pantu asebanya ishani lyakwa Yawe. ³⁷ Dabidi atile, ''Yawe uumpokolola kumala Yankalamo nakumala yakwa Bele wene alempokolola kuminwe yamu Filisiti uyu. ³⁸ Kabili Shauli afwiikile Dabidi ifyakufwala fyakwe. Amufwikile necisote camukuba pamutwe wakwe, amufwika necakucinga icifuba. ³⁹ Dabidi akakile ulupanga lwakwe mumusana pamulu wafyakufwala fyakwe, lelo afililwe ukwenda, pantu tabafibelela, kabili Dabidi atile kuli Shauli, ''Nafilwa ukwenda nefi pantu nshafibelela.'' ⁴⁰ Dabidi alififulile, kabili asendele namabwe ayatelela ayo asendele mumumana yasano nokuyabika muli tumba wabucemi uo akwete imbakuli asendele necisukushilo cakwe muminwe, aile alepalama nakumu pelishi. ⁴¹ Nao umu Filisiti aishile alemupalama kuli Dabidi uwalemusendela icishangu aishile alemu tangilila ⁴² Lelo umupelishita ilyo aloleshe Dabidi.Ali musulile pantu ali mwaice, kabili uwakashikila, uwayemba ukumoneka. ⁴³ Elyo umu Filisiti atile kuli Dabidi, ''Bushe ndimbwa ine, apo iwe wishile kuli ine nenkonto? Awe umu Filiti alapishe Dabidi imilungu yakwe. ⁴⁴ Kabili umu Filisiti atile kuli Dabidi, ''Enda, isa kuli ine, uleke mpele umubili obe kufyuni fyamulwelele, nakufinama fyampanga ⁴⁵ nao Dabidi atile kumu Filisiti, ''Iwe waisa kuli ine nolupanga nefumo nakafumo; lelo ine naisa kuli iwe mwishina lyakwa Yawe wamilalo, Lesa wamitande yakwa Israeli, uo wasebanya. ⁴⁶ Ubwa lelo Yawe akumpela muminwe yandi, ndekuma ndeputula no mutwe obe icitumbi cobe nefitumbi fyamulalo waba Filisiti ndepela ubwalelo kufyuni fyamulwele, naku finama fyampanga, nabonse abamu calo baleishiba mwaba Lesa muli Israeli, ⁴⁷ nolukuta ulo lonse luleishaiba ukuti tekulupanga kabili tekwifumo Yawe atulila; pantu ubulwi bwakwa Yawe, kabili alempela imwe muminwe yesu. ⁴⁸ Nomba ilyo umu Filisiti aima alaya kukumanya Dabidi, nao dabidi ayangufyanya kuku manya umu filisiti ⁴⁹ kabili Dabidi aipishe minwe muli tumba wakwe, abulamo nelibwe, asukusa, atobo mu Filisiti pampumi awe ilibwe lyaingila mumpumi nao awa ubunkupeme panshi. ⁵⁰ Efyo Dabidi acimfishe aba Filisiti kucisukushilo nakulibwe, aumo mu Filisiti nokumwipaya; lelo ulupanga tamwali muminwe yakwa Dabidi. ⁵¹ Elyo Dabidi abutukilako aiminin pamu Filisiti abula nolupanga lwakwe amuputulako nomutwe wakwe. Elyo aba Filisiti bamono kuti afwa mpalume wabo bafulumuka. ⁵² Nabena Israeli nabena Yuda baima bawelesha, basupila aba Filisiti ukufika napakwingila naku Gati kabili ukufika nakumpongolo sha Ekrone. ⁵³ Shasuke ndase sha ba Filisiti ukutula pa Sharimu nokufika ku Gati kabili ukufika ku Ekrone. Elyo abana bakwa Israeli babwela mukusupila aba Filisutu cipyu cipyu, nokukuta inkambi yabo. ⁵⁴ Kabili Dabidi abulile umutwe wamu Filisiti autwala ku Yerusalemu lelo ifyanso fyakwe abikile mwi hema lyakwe. ⁵⁵ Elyo Shauli pakumona Dabidi kuku kumanya umu Filisiti, atile kuli Abeneri, ''mwana wakwa ani uyo mwaice?'' Nao Abeneri atile, ''Umweo wamutima wenu mwemfumu, nshishibe. ⁵⁶ Elyo imfumu yatile ipusha mwana wakwani uyo mulumendo? ⁵⁷ Kabili Dabidi pakubwela mukuma umu Filisiti, Abeneri alimubulile, amutwala nankucinso cakwa Shauli ali nomutwe wamu Filisiti muminwe yakwe. ⁵⁸ Shauli atile kuli wene, ''Niwe mwana wakwa Ani wemulumendo? Dabidi atile umubomfi wene nwana wakwa Yese umina Betelemu.''