¹ Panuma Solomoni apwile ukukula ing'anda yakwa Yawe ne ng'anda ya mfumu, napanuma apwishishishe fyonse ifyo alefwaya ukucita, ² Yawe amoneke kuli Solomoni umuku wa cibili, nga fintu amoneke kuli ena mu Gibeone. ³ Elyo Yawe atile kuli ena, ''Ningufwa ipepo lyobe nokulomba kobe uko wapangile ku cinso candi. Nimbika ing'anda iyi, iyo wakulile, kuli nemwine, kukubikamo ishina lyandi umuyayaya. Amenso yandi nomutima wandi fikalaba mulya inshita yonse. ⁴ Naiwe, nga wakulaenda ku cinso candi nga fintu Davidi wiso aendele muli bumpofu bwa mutima namukutambalala, ukumfwa fyonse ifyo nakukonkomeshe nokusunga ifipope fyandi nefyapampamikwa fyandi, ⁵ elyo nkapampamika icipuna cabufumu bobe pali Israele umuyayaya, nga fintu nalaile wiso Davidi, ukuti ubufyashi bobe tabwakafilwe ukuba pa cipuna ca bufumu bwakwa Israele.' ⁶ Lelo nga mwapilibuka nokutaluka, imwe nabana benu, kabili tamusungile amafunde yandi nefipope fyandi ifyo nabikile ku cinso cenu, kabili nga mwaya nokupepela tulesa tumbinnokubakontamina, ⁷ elyo nkalofya Israele ukufuma pa mushili, uo nabapele; ne ng'anda iyo nabikamo ishina lyandi, nkaiposa ukufuma pa cinso candi, kabili Isarele akaba cilangililo kukutumfya kabili insoso sha mashoko kubantu bonse. ⁸ Iyi ng'anda ikaba umupili wafitantala; naonse ukupitamo akapapa kabili bakalisha iminsoli. Bakaipusha, 'Cinshi Yawe acitila ifi kuli ici calo na kuli iyi ng'anda?' ⁹ Bambi balyaswike, pantu basulile Yawe, Lesa wabo, uwafumishe ifikolwe fyabo ukufuma mu calo ca Egypto, kabili baikatilile kuli balesa bambi nokufukama kuli bena nokubapepa. Emulandu wine Yawe aletele ubu ububi bonse pali bena.''' ¹⁰ Caishile pakupwa kwa myaka amakumi yabili ilyo Solomoni apwishishemo ukukula ifikulwa fibili, ing'anda yakwa Yawe ne ng'anda ya mfumu. ¹¹ Nomba Hiramu, imfumu yaku Turi, apele Solomoni ifimuti pano ne mikadari nefimuti fya mikupri, na golde fyonse ifyo Solomoni alefwaya eico imfumu Solomoni yapele Hiramu imisumba amakumi yabili mu calo ca Galili. ¹² Hiramu aishile ukufuma ku Turi kukumona imisumba iyo Solomoni amupele, lelo tabamupapete. ¹³ Elyo Hiramu atile, ''Bushe misumba nshi ulempela, munyinane?'' Hiramu alecita icalo ca Kabuli, nga fintu bacili baleshita buno bushiku. ¹⁴ Hiramu atumine amatalanta 120 aya golde. ¹⁵ Ili elyashi lyakupatikishiwa ilyo Solomoni apele ku kukula ing'anda yakwa Yawe ne ng'anda yakwe, apalundumana, nelinga lya Yerusalemu, na Hasore, na Megido, Gesere. ¹⁶ Farao imfumu ya Egypto yaile panuma nokucila Gesere. Aliocele nokwipaya abnea Kaanani mu musumba. Elyo Farao apele umusumba ku mwana wakwe umwanakashi, umukashi wakwa Solomoni, nge cabupe cabwinga. ¹⁷ Elyo Solomoni akulile Gesere na Bete Horone wa mwi samba, ¹⁸ Baalati na Tamali mu matololo mu calo ca Yuda, ¹⁹ namatala yonse aya misumba ayo akwete, ne misumba iyamaceleta ne misumba yapali bakabalwe, nafyonse ifyo alefwaisha ukukula mukuipamfya kwakwe mu Yerusalemu, mu Lebanone na mu calo conse ica butungulushi bwakwe. ²⁰ Nga filya abantu bonse abashele mu bena Amore, abena Hiti, abena Perisi, abena Atibi, nabena Yebusi, abashali abantu bakwa Israele, ²¹ abamubufyashi abashele panuma yabo mu calo, abo abantu bakwa Israele bashaonawile Solomoni alengele bena ukuba mumulimo wakupatikishiwa, uuliko kuli buno bushiku. ²² Awe, Solomoni tapangile umulimo yabusha ku bantu bakwa Israele. Ukuba, baishileba abashilika bakwe nababomfi bakwe, nabacilolo bakwe, ne ntungulushi shakwe nabashilika bamaceleta yakwe nabaume bapali bakabalwe. ²³ Aba nabena bakalamba bamilimo abalelolekesha pamilimo yakwa Solomoni, bali 550, abalelosha pa bantu abalebomba umulimo. ²⁴ Umwana mwanakashi wakwa Farao aliselele ukufuma ku musumba wakwa Davidi ukya ku ng'anda iyo Solomoni amukulile, Solomoni akulile apalundumana. ²⁵ Imiku itatu cilamwaka Solomoni alepela amalambo yakoca namalambo yamutende pacipailo ico akulile Yawe, ukocelapo ifyacena cisuma pali bena pacipailo icali ku cinso cakwa Yawe. Efyo apwishishishe ing'anda nokutampa ukuibomfya ilyoline. ²⁶ Imfumu Solomoni yapangile amati mu Esionegebere, uwaba mupepi na Elote mululamba lwa bemba wakashika mu calo ca Edomu. ²⁷ Hiramu atumine ababomfi bakwa Solomoni, Sailasi uwaishibe bemba, pamo nababomfi bakwa Solomoni. ²⁸ Baile ku Ofiri pamo nababomfi bakwa Solomoni. Ukufuma kulya baletele amatalanti 420 aya golde ku mfumu Solomoni.