¹ Elyo Solomon akolongenyr abakalamba aba Israeli, imitwe yonse iya mitundu ne ntungulushi sha ndupwa sha Israeli, kuli ena mu Yerusalemu, ukuteka icipao cacipanga no icakwa Yawe ukufuma mumusumba wakwa Davidi, ekutila Zion. ² Abaume bonse abamu Israeli bakolongene ku mfumu Solomon ap mutebeto, mu mweshi wa etanim, umweshi uwatenge cine lubali. ³ Abakalamba bonse aba Israel balishile, nabashimapepo baimishe icipao. ⁴ Baletele icipao cakwa Yawe, itenti lyakuku maninamo, nefipe fyonse ifyamushilo ifyali mwi tenti. Bashi mapepo nabena Levi ebaletele ifi fintu. ⁵ Imfumu Solomon nabonse abakolongene aba Israel balongene pamo ku cipao, ukupeela impaanga ne ng'ombe ishishapendelwe kwilambo. ⁶ Bashi mapepo baletele icapao cacipangano icakwa Yawe pacifulo caciko, mumuputule uwamukati ka ng'anda, ku ncende iyashilisha, mwisamba lya mapindo yakwa Kerubi. Pantu ba ⁷ Kerubi bayanshile amapindo yabo nkufika ku ncende ya cipao, kabili bafimbile icipao ne fimuti apo calesendelwa. ⁸ Ifimuti fyalilepele icakuti impelaya fikoyalemoneka ukufuma muncende iyashila kuutanshi yamuputule wa mukati, Epofyaba ukufika naleelo. ⁹ Tamwali nangu cimo mucipao kamofye ifipa patwa fibili ifya mabwe ifyo Mose abikilemo kulya ku Horeb, ilyo Yawe apangile icipangano na bantu abena Israel ilyo bafumine mu caalo ca Egpt. ¹⁰ Icacitike cakuti ilyo bashimapepo bafumine muncende lyashila, ikumbi lya iswile mwitempele lyakwa Yawe. ¹¹ Bashi mapepo tabaiminine nokupyunga pamulandu we kumbi, pantu ubukata bwakwa Yawe bwaiswile mu ng'anda. ¹² Elyo Solomon atile, ''Ýawe natila ukuti aleikala mu mfifi iyatikama, ¹³ Leelo nimikulila imwe ing'anda iya kwikalamo, incende iyenu iyakwikalamo umuyayaya. ¹⁴ Elyo imfumu yapilibwike nokupala ibumba lyakolongene ilya bena Israel, ilyo abakolongene bonse abena Israeli baiminine. ¹⁵ Atile, ''Lekeni Yawe, Lesa wabena Israel, apaalwe, uwasosele kuli David tata wandi, kabili nafikisha ici ne minwe yakwe, ukutila, ¹⁶ 'Ukufuma pabushiku ilyo nafumishe abantu bandi Israeli umwakukula mu Egpt, nshasalile umusumba ukufuma mu mitundu ya Israeli umwakukula ing'anda, pakuti ishina lyandi libe mulya. Leelo, nasalile David ukuteka pa bantu bandi Israeli: ¹⁷ Nomba cali mumutima wakwa David tata ukukula ing'anda iye shina lyakwa Yawe, Lesa wakwa Israeli. ¹⁸ Leelo Yawe ayile kuli David tata, 'cali mumutima obe ukunkulila ing'anda iye shina lyandi, walioitile bwino ukuti ici cibe mumutima obe. ¹⁹ Nangu cibe ifyo tawakakule ing'anda; Leelo umwana obe, ukafyalwa mumusana obe, eukakuula ing'anda iyeshina lyandi! ²⁰ Yawe nafikilisha ishiwi ilyo asosele, pantu na tuntuka mwi punda lyakwa David tata, kabili njikala pa cipuna ca Israeli ngefyo Yawe alaile. Ninkuula ing'anda mwishina lyakwa Yawe, Lesa wakwa Israel. ²¹ Nimpekanya nencende iya cipao kulya, umwaba icipangano cakwa Yawe, ico apa ngile nefikolwe fyesu ilyo afifumishe mu caalo ca Egypt.'' ²² Solomon aiminine kucinso cacipailo cakwa Yawe, nakucinso cabena israeli abakolongene, nokwimisha amaboko yakwe mumulu. ²³ Atile, ''Yawe, Lesa wabena Israel, takwaba Lesa umbi nga iwe mumyulu nangu mwisamba lya caalo, uwaba uwacishinka ku cipangano cakwe naba bomfi benu abenda ku cinso cenu no mutima wabo onse; ²⁴ Imwe mwebasunga no mubomfi wenu David tata, ifyo mwa mulaile ena. ca cine, mwasosele nakaboko kwenu, ngefyo cili ileelo. ²⁵ Eico nomba, Yawe, Lesa wabena Israel, fikilisheni ifyo mwalaile umubomfi wenu David tata, ilyo mwatile, 'Tamwakafilwe ukukwata umuntu ku cinso candi ukwikala pa cipuna cakwa Israel, nga cakuti abamubufyashi bwenu baba abakatiina mukwenda kucinso candi, ngefyo mwaendele ku cinso candi! ²⁶ Eico nomba, Lesa wakwa Israel, lekeni ishiwi lyenu lifikilishewe, ilyo mwasosele ku mubomfi wenu David tata. ²⁷ Leelo bushe Lesa kuti aikala mu caalo? Moneni, umuulu onse no muulu wine teti fimukumane_nga kanshi itempele ilyo imukuliile lya cepelelafye! ²⁸ Leelo napapata pokeleleni ipepo lyamubomfi wenu ne cakulomba cakwe, Yawe Lesa wandi; kutikeni kukulila ne pepo lintu umubomfi wenu apepele ku cinso cenu ileelo. ²⁹ Lekeni amenso yenu yeouke ukulola kwitempele ili ubushiku na kasuba, _ pakuti mulekutika kumapepo ayo umubomfi wenu akulapepa kuli cino cifulo. ³⁰ Elo kutikeni kukulomba kwamubomfi wenu nabantu benu. Israeli ilyo twapepa ukulola kuli ino incende. cacine, mulekutika ukufuma ku cifulo uko mwikala, ukufuma mumyulu; kabili ilyo mwakutika, eleleni. ³¹ Nga umwaume nga abembukila umwina mupalamano elyo afwaikwa ukulapa umulapo, elyo nga aisa nokulapa umulapo ku cinso ca cipailo cenu muli ino ng'anda, ³² Kutikeni mu myulu nokucita. Pinguleni ababomfi benu, kalipileni uwa mulandu nokubika ifyo acitile pamutwe wakwe. Ebeni uwa kaele ukuti tali namulandu nokupeela kuli ena ukulingana nobuluyngami bwakwe. ³³ Abantu benu israel nga bacimfiwa ku balwani pamulandu wakutila balibembukile imwe, ngababwelela kuli imwe, balapila mwishina lyenu, bapepa, no kulomba ubwelelo kuli imwe muli lino itempele_ ³⁴ Eco napapata kutikeni mu myulu nokwdelela ulubembu lwa bantu benu abena israeli, babwesheni ku caalo cintu mwapele kufikolwe fyabo. ³⁵ Imyulu nga yaisalika nemfula takuli pamulandu abantu nabamibembukila imwe _ nga bapepa ukulola kuli ino incende, balapila mwishina lyenu, no kutaluka kulubembu lwabo luntu mwabacushako_ ³⁶ Elyo kutikeni mumulu nokwelela ulubembu lwababomfi benu nabantu Israeli, ilyo mwaba sambilisha inshila iisuma intu bafwile ukwendelamo. Tumeni imfula mu caalo cenu, ico mwapeele ku bantu benu nge cakupyaninina. ³⁷ Nga ngacakuti kwaba icipowe mu caalo, nangu kwaba ubulwele, ukufumba kwamabuula, nangu ukufufuma, makanta nangu amapanta nkolo; nangu abalwani basansa impongolo sha musumba mu calo cabo, nangu kwaba icikuko nangu ubulwele_ ³⁸ Kabili ngacakuti amapepo nefyakulomba fyacitwa ku muntu nangu abantu bonse aba Israeli _ onse naishiba icikuko mumutima wakwe ilyo ayansa amaboko yakwe ukulola kwi tempele ili. ³⁹ Elyo mukomfwe mumulu, incende intumwikalamo, ileleni nokucita, nokulambula umuntu onse pali fyonse ifyo acita; mwali shaba umutima wakwe, pantu imwe kabili nimwe mweka mwaishiba imitima ya bantu bonsde. ⁴⁰ Mulecita ifi pakuti balemutina inshiku shonse isho bakulaikala mu caalo ico mwapeele kufikolwe fyesu. ⁴¹ Ukulundapo, pamulandu nabatulatula abashaba ba mubantu bobe Israeli: Ilyo aisa ukufuma ku caalo cakutali pamulandu we shina lyenu_ ⁴² Pantu bakomfwa ulweshina lyenu ilikalamba, neminwe yenu iyamaka, nokuboko kwenu ukwasumbulwa _ ilyo aisa nokupepa kwitempele lino, ⁴³ Elyo mukomfwe mumulu, incende intu mwikalamo, nokucita ifili fyonse umutucatula alelomba kuli imwe. Mukacite ici pakuti abantu bonse pa caalo bakeshibe ishina lyenu nokumutina mwebo, nge fyo mucita nakubantubenu Israel. Mulecita ifi pakuti baishiba ukuti ii ng'anda nkulile yainikwa ishina lyenu. ⁴⁴ Nga cakuti abantu benu baya mukulwa no mulwani, munshila yonse mwingaba tuminamo, kabili bapepa kuli imwe, Yawe, ukulungatana no musumba untu musalile, naku ng'anda intu nakulila ishina lyenu. ⁴⁵ Elyo mukomfwe mumyulu ku mapepo yabo neca kulomba cabo, nokubalwila. ⁴⁶ Ngacakuti babembukila imwe, apo takwaba nangu umo uushibembuka, ngacakuti mwaba kalipila nokubaleka kubalwani, icakuti abalwani babasenda muli bunkole ku caalo cabo, ukutali nangu mupepi. ⁴⁷ Elyo bakutuluka ukuti bali mucaalo umo basendwabunkole, kabili balapila nokufwaya ukusenaminwa ukufuma kuli imwe ukufuma mu caalo ca abo ababekete. Ngabatila 'Twalufyanya nokubembuka. Natulanga imibeele iyabipa! ⁴⁸ Nga babwelela kuti imwe ne mitima yabo yonse ne myeo yabo bonse mu caalo ca balwani babo ababekete, kabili nga cakuti bapepa kuli imwe ukulola ku caalo cabo, ico mwapele ku fikolwe fyabo, nakumusumba untu mwasalile, naku ng'anda intu nakulila ishina lyenu. ⁴⁹ Elyo ukufuma mumulu, incende mwikalamo, kutikeni kwipepo lyabo nokulomba kwabo ukwabwafwilisho, kabili mukalungika imilandu yabo. ⁵⁰ Beleleni uluse abantu benu ababembukile imwe, nefyakulufyanya fyabo fyonse ifyo bacita kuli imwe, nokubalenga ifipe fya nkumbu ku finso fya aboi ababacimfishe, nokulenga ababacimfishe ukuba nenkumbu kuli bena. ⁵¹ Bantu benu abo mwasala, abo mwapuswishe ukufuma mu Egpt kwati kufuma mukati ke lungu lya ceela. ⁵² Lekeni amenso yesuke kukulomba kwa mubomfi wenu nakukulombakwa bantu bobe Israel, ukukutika kuli bena ilyo lyonse balilila kuli imwe. ⁵³ Pantu mwabapatwile ukufuma kubantu bonse aba mwisonde ukuba abenu kuli imwe nokupakelela amalayo yenu, pamo ngefyomwalondolwele bashifwe mu Egpt, shikulu Yawe. ⁵⁴ Elyo cali ifyo Solomon alekele ukupepa ipepo ili lyonse nokulomba kuli Yawe, aimine ukufuma ku cinso ca cipailo cakwa Yawe, ukufuma apo afukeme pa makufi neminwe yakwe nafitambalikwa ukulola mumulu. ⁵⁵ Aliminine nokupaala ibumba lyakolongene lyonse ilya Israel mwishiwi ilikalamba, nokulila, ⁵⁶ Yawe abe uwalumbanishiwa, uwapeela ukutusha kubantu bakwe Israel, ukusunga amalayo yakweyonse. Takwaba ishiwi ilyafilwa pa malayo yonse ayakwa Yawe ayo acitile na Mose umubomfi wakwe. ⁵⁷ Yawe Lesa wesu engaba naifwe, ngefyo ali nefikolwe fyesu. Etusha fweka nangu ukutusuula. ⁵⁸ Ukuti apalamike imitima yesu kuli ena, ku kwikala munshila shakwe shonse no kusunga amafunde yakwe yonse ne fipope fyakwe nefyabupingushi fyakwe, ifyo akonkomeshe aba fyashi besu. ⁵⁹ Lekeni aya mashiwi ayo nasosa, umo nombele ku cinso cakwa Yawe, ukuba mupepi na Yawe Lesa wesu akasuba nobushiku, pakuti afwilishe umubomfi wakwe nabantu bakwe Israel, mumifwaile yacilabushiku, ⁶⁰ Ukuti abantu bonse aba mwisonde beshibe ukuti Yawe, ni Lesa, kabili takwaba Lesa umbi! ⁶¹ Eico nomba leka umutima obe ukuba uwa cishinka kuli Yawe Lesa wesu, ukwenda mufipope nokusunga amafunde yakwe, ukufika na leelo.'' ⁶² Kabinge imfumu, na bena Israeli bonse pamo na yo , baleipaile lambo ku cinso ca kwa Yehoba. ⁶³ Solomoni aipeye ilambo lya mutende, ilyo aipaile kuli Yehoba, ing'ombe shilume amakana amakumi yabili na yabili, ne mpanga amakana amkumi yabili. Efyo imfumu na bena Israeli bonse bakupawile ing'anda ya kwa Yehoba. ⁶⁴ Mu bushikui bulya bwine imfumu yashishe mu kati ka lubansa ulwa ku cinso ca ng'anda yakwa Yehoba; pantu e ko yacitile ica kuninika ne ca bunga ne fyanona ifya mutende, ico ici pailo camukuba ica ku cinso ca kwa Yehoba calicepele ku ku bikapo ica kuninika ne ca bunga ne fyanona ifya fya mutende. ⁶⁵ Efyo Solomoni acitile mu nshita ilya, inshiku cine lubali, umutebeto we lambo ku cinso ca kwa Yehoba Lesa wesu, na bena Israeli bonse pamo nankwe, ukukutana kukalamba, ukutula pa kwingila ku Hamati ukufika pa mumana wa mukuku Arishi. ⁶⁶ Mubushiku bwa cinekonsekonse alekel abantu baye, na bo bapalile imfumu, no kuya ku mahema yabo nabasamwa kabili ne mititma iyasekela pa busuma ubo Yehoba acitile kuli Dabidi umubomfi wakwe, na ku bena Israeli abantu bakwe.