¹ Kablili Solomone atampile ukukula itempele lya kwa Yawe. Ifi fyalecitika mu mwaka walenga imyanda ine na amakumi cine konse konse panuma baena Irsaele baishile ukufuma mu calo ca Egypti, mu mwaka yalenga bune ilyo Solomone ali imfumu yaba Israele, mu mwenshi wa Sivu, umwenshi walenga bubili. ² Itempele ilyo Solomone akulile Yawe lyali imikono amakumi mutanda mwana butali, imikono amakumi yabili mwana bwipi, na imikono amakumi yatatu mwana kulepa. ³ Napakwingililapo ku ntanshi ye tempele yali imikono ya cibumba amakumi yabili mu butali, ukulinganafye na mwana bwipi bwe tempele, na imikono ikumi mu bwipi ku ntanshi ye tempele. ⁴ Ku ng'anda apangileko amawindo ayakwete amafulemu ayakulu kunse ukucila mukati. ⁵ Kabili na ku cibumba ca ng'anda akulileko imiputule ukushinguluka konsefye kunse na mukati ka miputule. Akulile imiputule ukushinguluka shonse imbali. ⁶ Umuputule wa cepeshepo wali imikono isano mwa bwipi, na pakati yali imikono nutanda mwana bwipi, na iya butatu yali imikono cine lubali mwana bwipi. Pantu kunse alipangileko ukwakushintilila imyalo mu cibumba ca ng'anda ukushinguluka pakuti imyalo taipitile mu cibumba ca ng'anda. ⁷ Ing'anda yakulilwe na mabwe ayapekanishiwe kabela. Takwali sando, isembe, nangu icili conse ica cela ifyaleumfwika mu ng'anda libe ilyo balekula. ⁸ Ku lubali lwa kukulyo ulwetempele kwali umwinshi uwa panshi, elyo umo waile pa mulu na matabo yakuninapo uwali pakati, kabili ukufuma pakati ukuya kuwalenga butatu. ⁹ Eico Solomone akulile itempele no kulipwisha; afimbile ing'anda na myalo ne fipampa fya muti wa mukedari. ¹⁰ Akulile ne miputule ya mumbali ya ku ng'anda ye tempele, cilalubali imikono isano mwana butali; baleisuntinkanya ku ng'anda na imbao sha mukedari. ¹¹ Ishiwi lya kwa Yawe lyaishile kuli Solomone, ukutila, ¹² '''Pali ili tempele ilyo ulekula, nga cakuti ukalaenda mu fipope fyandi na ukucita ubupingushi bwandi, ukusunga amakambisho yandi no kwenda muli yena, naine ninshi nkafikilisha amalayo yandi kuli iwe ayo napangile kuli Davidi wiso. ¹³ Nkekala mu bena Israele kabili nshakabalekeleshe.'' ¹⁴ Awe Solomone akulile itempele nokulipwisha. ¹⁵ Kabili akulile ifibumba fya mukati ka ng'anda na mbao sha mukedari. Ukufuma panshi ya ng'anda ukufika na mu nsonta, ayafimbile mu kati ne mbao, kabili afimbile panshi ya ng'anda na imbao sha mukupri. ¹⁶ Akulile imikono amakumi yabili ku numa ya ng'anda ne mbao sha mukedari ukufuma panshi ukufika mu nsonta. Akulile uyu muputule ukuba umuputule wa mu kati na nkati, incende imo iyashila. ¹⁷ Ing'anda nkalamba, ekutila, incende iyashila iyali ku ntanshi ya ncende shonse ishashila, yali imikono amakumi yane mwana butali. ¹⁸ Kwali mbao sha mukedari mu kati ka ng'anda, fyabashilwe nge mbao na maluba ayaisuka. Konse kwali imbao sha mukedari mukati. Tapali ne libwe ilyalemoneka mukati. ¹⁹ Solomone apekenye umuputule mukati ka ng'anda ukuti engabikako icipao ca cipangano cakwa Yawe kulya. ²⁰ Umuputule wa mukati wali imikono amakumi yabili mu kutambuluka, imikono amakumi yabili mwana bwipi, na imikono amakumi yabili mwana butali. Solomone abikile ku cibumba na golde wine wine na kucipailo imbao sha mukedari. ²¹ Solomone abikileko golde wine wine mu kati ke tempele, kabili apishisheko imyololo ya golde ku ntanshi ya muputile wa mukati, na ukubikako golde ku ntanshi. ²² Na ku ng'anda yonse abikileko golde mpaka itempele lyonse lyapwa. Kabili abikile golde ku fipailo fyonse ifyali mukati ka muputule, ²³ Solomone apangile ba kerubali baili aba mbao sha mafuta, umo alepele imikono ikumi limo, pa miputule ya mukati. ²⁴ Ipindo limo ilya kubalilapo ilya kerubali lyali imikono isano mwana butali na kulubali lwe pindo nako imikono isano mwana butali. Eico ukufuma pa mpela ye pindo ukufika pa mpela yepindo lya kulya lubali pali intamfu imikono ikumi. ²⁵ Na karubi umbi nao alikwete amapindo ayali imikono ikumi. Bonse ba kerubi balilingene ubutali kabili balifye cimo cine. ²⁶ Ubutali bwa kerubi umo bwali imikono ikumi na umbi kerubi alifye fimofine. ²⁷ Solomone abikile ba kerubi mukati ka muputule. Amapindo yaba kerubi yali ayafunguluka pakuti ipindo limo lyaikala ku cibumba na limbi ipindo lya kwa kerubi lyaikata ku cibumba. Amapindo yaikatanine pakati ka ncende yashila. ²⁸ Solomone abikile golde kuli kerubi ²⁹ Abashileko ba kerubi ku fibumba fyonse ifya ng'anda, no tuncindu, na maluba, kunse na mukati ka miputule. ³⁰ Solomone abikile golde panshi ya ng'anda, konse kunse na mukati ka miputule. ³¹ Solomone apangile ifibi fya mbao sha mafuta pa mwinshi wa mukati ka muputule. incenshi sha mumbali na incenshi sha pa mwinshi shali nefiputulwa fisano. ³² Apangile ifibi fibili ifya mbao sha mafuta, kabili abshilepo ba kerubi, utuncindu, na amaluba. Abikileko golde na ukusansako golde kuli ba kerubi na utuncindu. ³³ Muli iyi nshila, Solomone apangile incenshi shapa mwinshi we tempele ne mbao sha mafuta ishakwete ifipande fine ³⁴ na ifiibi fibili ifya mbao sha mukedari. Ne fipandwa fibili ifya cibi faleisukila na fimbi ifipandwa fibili ifya cibi nafyo fyaleisukila. ³⁵ Abashileko kerubi, utuncindu na maluba, kabili nokubikako golde ku fyabashilwe. ³⁶ Akulile mukati ulubansa ulwali ne mitande itatu aya mabwe ya patulwa no mutande wa myalo iya kerubi. ³⁷ Umufula wa ng'anda yakwa Yawe walilele mu mwaka walenga ine, mu mwenshi wa Sivu. ³⁸ Mu mwaka walenga ikumi na umo, mu mwenshi wa Buli, umwenshi wa cine konse konse, ing'anda yalipwile muli fyonse ukulingana nefyo yali no kuba. Solomone asendele imyaka cine lubali ukukula itempele.