¹ Iramu imfumu ya ku Turi yatumine ababomfi bakwe kuli Solomone pantu yalyumfwile ukuti nabamusuba ukuba imfumu mu ncende yakwa wishi, pantu Hirame alitemenwe Davidi. ² Solomone atumine amashiwi kuli Hiramu, ukutila, ''Walishiba ukuti Davidi tekuti akule ing'anda ³ mwishina lya kwa Yawe Lesa wakwe pamulandu wa bulwi buntu bwa mushinguluka, pantu munshita ya bwikashi bwakwe Yawe alibikile abalwani bakwe ukuba apakunyanta amakasa yakwe. ⁴ Lelo nomba Yawe Lesa wandi nampela ukutusha konse konse, Takuli uuletulwisha nangu ububi ubuletuponena. ⁵ Eco ndefwaya ukukula itempele mwishina lya kwa Yawe Lesa wandi, ngefyo Yawe asosele kuli Davidi taata, ati, 'Umwana mwaume obe, uo nkabika pa cipuna cobe ica bufumu mu ncende yobe, akakula itempele mwishna lya ndi. ⁶ Nomba pali ico kambisheni abakutema imiti ya mukedari ukufuma ku Lebanone iya ndi. Ababomfi bandi bakasankama mu babomfi benu, kabili nkamipela amalipilo ababomfi bobe ukulingana nafyonse ifyo walalanda. Pantu walishiba ukuti tamuli nangu umo muli ifwe uwaishiba ukutema imiti nga abena Sidone,'' ⁷ Ilyo Hiramu aumfwile amashiwi yakwa Solomone, alisekelele nganshi na ukutila, ''Acindikwe Yawe pali buno bushiku, uwapele Davidi umwana mwaume wa mano uwakuteka impuka ya bantu abafula ifi.'' ⁸ Hiramu atumine amashiwi kuli Solomone, ukutila, ''Ningufwa imilai iyo watumine kuli ine. Nalapela shonse imbao sha mukedari ne mbao sha mukupri. ⁹ Ababomfi bandi bakaleta ifimuti ukufuma ku Lebanone nokuleya kuli bemba, kabili nkashikaka no kushituma shikaye shileelelapali bemba shekesefika na ku ncende uko ukanjeba. Ukacita ifyo nkafwaya ukupela ifyakulya kuba ng'anda yandi.'' ¹⁰ Eico Hiramu apele Solomone shonse imbao sha mukedari ne mbao sha mukupri ukulingana nefyo alefwaya. ¹¹ Solomone apele Hiramu ingano amadalamu amakana amakumi yabili ifyakulya kuba ng'anda yakwe na amakana amakumi yabili aya mafuta ayafuma ku miolife. Solomone alepela ifi kuli Hiramu cila mwaka. ¹² Yawe apele Solomone amano, ngefyo amulaile. Pali umutende apakati kakwa Hiramu na Solomone, nabonse babili baipangile icipangano. ¹³ Imfumu Solomone yalembele abakubomba umulimo uwakupikishiwa ku bena Israele bonse. Abalembelwe umulimo wa kupatikishiwa bali abaume amakana amakumi yatatu. ¹⁴ Abatumine ku Lebanone, amakana ikumi limo umwenshi umo mu mulimo. Umwenshi umo baleba mu Lebanone na imyenshi ibili baleba mu mwabo. Adoniramu ewalebatungulula abalembelwe umulimo wakupatikishiwa. ¹⁵ Solomone akwete abakusenda ifipe amakana amakumi cine lubali amakana cine konse konse bali niba kaputula wa mabwe, ¹⁶ pamo na bakapitao abaleyangalila umulimo na ukumona abalebomba bali amakana yatatu imyanda itatu. ¹⁷ Imfumu yakambishe ukuti bembe amabwe ayakalamba aya mutengo apakuti babike umufula we tempele. ¹⁸ Eico bakakula bakwa Solomone na bakakula bakwa Hiramu na bena Gebali ebaputwile na ukupekanya imbao na mabwe yakukulila itempele.