¹ Solomon aipele umwine ukupila muli Farao imfumu yamu Egypt. Asendele umwana mwanakashi wakwe Farao nokumuleta mumusumba wakwa David mpaka apwisha ukukula ing'a yakwe, ing'anda yakwa yawe,necibumba ukushingulusha yerusalemo. ² Abantu baleipaila amalambo pancende iyapamulu, pantu takwali ing'anda yakulilwe mwishina lyakwa yawe. ³ Solomon alangile ukutemwa yawe mukwendela mufipoope Fyakwa David wishi wakwe, lelo aleipaya amalambo nokocela pacenda yapamulu. ⁴ Imfumu yaile ku Giboene kukwipaila amalamba kulya, pantu ekwali incende iyapamulu sana kulya. Solomoni apele ikana limo ubupe bwakoca pacipailo cilya. ⁵ Yawe amonekele ku Giboane kuli Solomoni muciloto mubushiku atile,''Epusha! Eco nalakupeela?'' ⁶ Kanshi Solomoni atile, mwalanga icipangano icikalamba icankumbu kumubomfi wenu, David taata, pantu endela pacinso cenu mucishinka, mubulungami, mubololoke, na mukutambalala kwa mutima. Mwamusungile icipangano icikalamba icankumbu nokumupela umwana umwaume pacipuna cakwe lelo. ⁷ Nomba Yawe mwe Lesa wandi, mwampanga umubomfi wenu imfumu pancende yakwa David taata, elyo ndi mwaice. Inshaishiba ukufuma nokwi ngila. ⁸ Umubomfi wenu ali pakati kabantu uo musalile, abantu abeengi, abafulishe abashinga pendwa. ⁹ Kanshi pela umubomfi obe umutima wa kumfwikisha pakupingula abantu boobe, mukulinganya ubusuma no bubi. Pantu nani engapingula abantu benu kubwingi?'' ¹⁰ ukulomba kwakwa Solomoni kwasekeshe shikulu. ¹¹ Kanshi Lesa atile kuli ena, ''Pantu mwaipusha ififintu nokukana ipusisha inshiku ishingi nangu ubukankala nagu umweo kubalwani bobe, waipusha wemwine ukumfwikisha pakulinganya umulinganya, ¹² mona nalacita conse ico walaipusha kuli ine ilyo waipusha mubusuma. Nakupa amano nomutima wakumfwikisha, mukuti takwali uwali nga iwe, kabilitakwakabe uukema panuma yobe. ¹³ Nalakupela nofyo ushipwishe, pamo ubukankala no bukata, mukuti tamwakabe mushamfumu ukuba ngaiwe munshiku shobe. ¹⁴ Ngawaenda munshila yandi wakonka ifipope fyandi na mafunde yandi, ngefyo wiso David aendele, elyo inkafusha inshiku shobe.'' ¹⁵ Elyo Solomoni ashibwike kabili moneni, cali ciloto. Aishile ku Yerusalemu nokwimanina kucinso cacipao cacipangano cakashikulu. Apele ifyabupe fyakoca nefya mutende, nokupanga umutebeto wababomfi bakwe bonse. ¹⁶ Elyo abanakashi babili abvali bacilende baishile kumfumu nokwiminina kucinso caiko. ¹⁷ Umwanakashi umo atile, ''iye shikulu wandi uyu mwanakashi naine twaikala munganda imo, kabili nalifyele umwana nao mung`anda. <sup>18</sup> Cacitike mubushiku bwalenga citatu ibe nalifyala afyala. Twali pamo. Takwali umbi umuntu uwali nao mung`anda, lelo ifwefye babili epela. ¹⁹ Elyo umwana wakwe umwaume afwile ubushiku, pantu alimutinike. ²⁰ Kanshi ashibwike pakati kabushiku nokusenda umwana wandi umwaume ukumufunya apo nali, ninshi ababomfi benu balilele, nokumulalika pamabele yakwe, nokulalika umwana wakwe uwafwa pamabele yandi. ²¹ Elyo naimine ulucelo kunkosha umwana wandi, alifwile. Lelo ilyo naposesheko amano ukumulolesha mulucelo, tali umwana mwaume wandi uo afyele.'' ²² Elyo umbi umwanakashi atile ati, ''Awe, uyu uwamweo mwana mwaume wandi, noyo afwile mwana obe umwaume.'' Umwanakashi wakubalilapo atile ati, Awe uyu afwile mana obe umwaume, nouli nomweo mwana mwaume wandi.'' Ifi efyo balandile pacinso camfumu. ²³ Elyo imfumu yatile, '' umo pali imwe aletila mwana mwaume wandi uuli nomweo, nomwana obe umwaume nafwa, kabili umbi aleti, Awe umwana obe umwaume untu afwile, kabili noyu ali nomweo mwana mwaume wandi.''' ²⁴ imfumu yatile, ''Ndetela ulupanga.'' Kanshi baletele ulupanga pacinso camfumu. ²⁵ Elyo imfumu yatile, ''Akanya umwana ali nomweo pabili nokupela icipimfya kuli uyu mwanakashi nacimbi kuli umbi.'' ²⁶ Elyo umwanakashi uwali umwine wamwana umutuntulu atile kumfumu, pantu umutima wakwe waliswikemo ukulangulukila umwana wakwe umwaume, kabili atile, iye, mweshikulu mupeleni umwana wamweo, kabili mwimwipaya.'' Lelo umwanakashi umbi atile, '' Tabe wandi nagu uobe. Mwakanyeni.'' ²⁷ Elyo imfumu yaaswike nokutila, ''Pela umwanakashi uyo wacibalilapo umwana wamweo, kabili mwimwipaya. Ena enyina.'' ²⁸ Ilyo bonse abena Israeli baumfwile imipingwile yapingwile imfumu, batiinine imfumu, pantu balimwene ukuti amano yakwa Lesa yali muli ena pakupela ubupingushi.