¹ Ilyo Davidi apalamine ku nshita yakufwa aitile umwana wakwe Solomoni no kumweba amashiwi aya ati, ² ''Ine nomba napalamina ukuya ku nshila iyilolako ifikolwe fyonse. eico ndefwaya ube umuntu uwakosa kabili umwaume uwashipa. ³ Ufwile ukuba umuntu uwakucita ifintu fyonse ifyo Yawe Lesa obe afwaya. Uleenda mu nshila shakwe no kubaka amafunde yakwe fyebo fyakwe ne fipope fyakwe, na fyonse ifyo amafunde yafwaya ngefyo calembwa mu mafunde yakwa mose. Ici cikalenga ukuti ukalepaalwa muli fyonse ifyo ulecita na konse uko uleya. ⁴ Kabili ni pakuti Yawe akabe uwakufikilisha ubulayo bwakwe kuli ine, ukulingana nefyo alandile ukuti, 'abana bobe nga batekanya mu bwikashi bwabo, na pa cinso candi bakaleenda kuli abapetama ne mitima yabo elyo na mano yabo yonse, ninshi tawakatale aubulisha umwana mwaume uwakwikala pa bufumu mu Israeli.' ⁵ ''Nomba iwe walishiba bwino ifintu ifyo Yoabu mwana seruiya acitile kuli ine ilyo aipeye abakalamba ba fita fya nkondo ifya bena israeli babili, abune mwana Neri na Amasa mwana Yete. Alibepeye no kusumya umulopa mu musana elyo na ku ndyato shali ku makasa yakwe. ⁶ Eico ukamucitile umwabela amano yobe, icikulufye wikaleka akaifwile imfwa yamutende. ⁷ ''Lelo ukalange uluse kuli bamwana Basilai uwa ku Gileadi, no kubalenga ukuti bakalelyafye nobe petebulo lyobe. Bena balingafwile pali ilya nshitanafulumwike kuli munonko Abusalomu. ⁸ ''Eico ibukisha Shimei mwana Gera umwina Benjamini uwa ku Baharumi ulya uwanktukile insele ishingi nganshi bulya bushiku naile ku Manaimu ukuti epo acili. Ilyo aishile mukunkumanya wa Yordani, ine nalilapile kuli ena peshina lyakwa Yawe ukuti tali nakufwa ku lupanga. ⁹ Lelo nomba wimulinga ukuba uwakaele. Iwe uli muntu uwamano nganshi eico uli nokwishiba ifya kumucitila. Ukuamonefye ukuti akengile mu calo ca bafwa ku mfwa yakusuuma umulopa.'' Davidi afwa ¹⁰ Elyo Davidi afwile no kuya lala ukwalola ifikolwe fyakwe, ashiikilwe mu musumba wakwa Davidi. ¹¹ ateekele icalo ca Israeli pa myaka amakumi yane Imyaka cine lubali mu hebuloni elyo imyaka amakumi yatatu na itatu ateekele mu Yerusalemu. ¹² Efyo Solomoni abuulile amalo yakwa wishi Davidi no buteeko bwakwe Adoniya afwa ¹³ Nomba Adoniya, umwana wakwa Hagiti, alimine aya kuli Batisheba, nyina wakwa Solomoni. ¹⁴ elyo Batisheba amwipusha ati, ''Bushe waisa mu mutende?'' ¹⁵ Nao ayasuka ati, ''Ee ni mu mutende, ''Ukulingana ngefyo waishiba, nine nali nokuba imfumu ya bena Israeli, na bonse balesubilafye ukuti nine ndi nokuba imfumu yabo. Nomba ifintu fyapilibuka, no bufumu bwaba kuli munyina ne ico bwali bwakwe ukufuma kuli Yehoba. ¹⁶ Nomba icintu cimo ndelombako kuli imwe mwishumpulako icinso cenu. ¹⁷ Na o atile sosa. Shi nsoseleniko kuli Solomoni pantu tekuti ashumpule icinso cakwe kuli imwe. Ukuti ampe Abishagi umwina Shunemu kukuba umukashi wandi. ¹⁸ Na o Batisheba atile cisuma ndekusosela kumfumu. ¹⁹ Awe Batisheba aileingila kumfumu kuku sosela Adoniya kuli yene. Ne mfumu yaimine kuku mukumanya, no kumufyompa; elyo yaikele pa cipuna caiko, yalengele ne cipuna ukutekelwa kuli nyina kwa mfumu. na o aikalile ku lwa kukulyo kwa iko. ²⁰ Elyo atile, ''Ine ndelomba akantun kamo kuli imwe: mwishumpalako icinso cenu.'' Ne mfumu yatile kuli wene, ''Lombeni mayo.'' pantu nshshumpule icinso kuli imwe. ²¹ Na o atile, '' Lekeni Abishagi umwina Shunemu apelwe kuli Adoniya munonko kukuba umu kashi. Ne mfumu Solomoni nyalyaswike kuli nyina nokutila, ''Nga cinshi ico mulelombela Adoniya Abishagi umwina Shenemu apelwe kuli Adoniya munonko kukubo mukashi. ²² Ne mfumu Solomone yalyaswike no kutila kuli nyina nga cinshi ico mulelombela Adoniya Abishasgi umwaina Shunemu? kanshi mumulombele no bufumu; pantu wene e mukalamba wandi, kabili kuli wene kwaba Abitari shimapepo na Yoabu mwana Seruya. ²³ Lyene umu Solomone yalapile Yehoba aiti, Lesa efyo acite kuli ine kabili efyo alundeko, Adoniya nga tasosele icebo ici mu letelelo mweo wakwe. ²⁴ Eico nomba umweo wakwa Yehoba uwampampamike pacipuna cakwa Dabidi tata uwancitile ne n'ganda ifyo asosele buno bushiku ku Adoniya alefwa! ²⁵ Awe imfumu Solomone Yatumine ku kuboko kwakwa Beneya mwana Yehoyada, uwamuwilepo,na afwile. ²⁶ Kabili kuli Abiatari shimapepo imfumu yatile, kabiye ku Anatote ukuli amailime yabe; pantu iwe uli muntu uufwile ukufwa buno bushiku lelo nshakwipaye, pantu walesendele cipao cakwa shikulu Yehoba ku cinso cakwa Dabidi tata kabili pantu walecushiwa muli fyonse ifyo tata alecushiwamo. ²⁷ Awe solomone atamfishe abiatari mu kuba shamapepo kuli iYehoba ku kufishe shiwi lyakwa Yehoba ilyo asosele ilwa n'ganda yakwa Eli mu Shilo. ²⁸ Ilyashi ili lyasukile alisafika kuli Yoabu (pantu Yoabu ayalukile ku kukonka Adiniya nelyo ashayalukile ku kukonka Abishalomu), elyo Yoabu afulumukile kwi Hema lyakwa Yehoba, no kwaikata ku nsengo shacipailo. ²⁹ kabili caebelwe ku mfumu Solomone aciti Yoabu na fulumukila kwiyema lyakwa Yehoba kabili monenii ali mumbali yacipailo, lyene Solomone atumine Benaya mwana Yehoyada ati kabiya kamuwepo. ³⁰ Nao Benaya aishile kwi Hema lyakwa Yehoba no kutila kuli iwene ifyoyatila imfumu Fuma,. Nao atile iyo; pantu ndefwila pano. Benaya abweseshe icebo ku mfumu ati efuyo Yeoabu asosa kabili efyo anyakwile. ³¹ Ne mfumu yatile kuli wene cite fyo asosa; umuwepo pali ine na pan'ganda yakwa tata umulopa uwabulo mulandu, uo Yoabu asumishe. ³² Yehoba alebwesesho mulopa pamutwe wakwe pakuti awile pabaume babili abalungama kabili aba suma ukumucila , no kubepaya apo tata Dabidi taishibe. Abnere mwana Nere mushika wamulalo wakwa Israeli, na Amasa mwana Yetere mushika wamulalo wakwa Yuda. ³³ Efyo imilopa ile bwelela pamutwe yakwa Yoabu, napa mutwe wabufyashi bwakwe umuyaya: lelo kuli Dabidi nakubufyashi bwakwe na ku ng'anda yakwe na ku cipuna cakwe kube umutende umuyayaya uwafuma kuli Yehoba! ³⁴ Lyene Beneya mwana Yehoyada aliminine, alimuwilepo, no kumwipaya: na o ashikilwe mu ng'anda yakwe mumatololo. ³⁵ Kabili imfumu yabikile Benaya mwana Yehoyada mwipunda lyakwe pa mulalo; na Sadoke shimapepo imfumu ya munikile mwi punda lyakwa Abiatari. ³⁶ Elyo imfumu yatumine ku kwita Shimei, no kutila kuli wene, ''Kule ng'anda muno Yerusalemu, emo wikale; wilafumamo ukuya uku nangu uku. ³⁷ Pantu mu bushiku wafumamo ukya wayabuka no mumana Kidrone, ukwishiba wishibe ukuti cine cine ukafwa! Umulopa obe ukaba pa mutwe obe!'' ³⁸ Nao Shimei atile kumfumu, ''Icebo ici cisuma; ifyo shikulu imfumu yasosa, efyo umubomfi wenu alecita.'' Awe Shimei aikele mu Yerusalemu inshiku ishingi. ³⁹ Nomba pa mpela ya myaka itatu, babili ba mu basha bakwa Shimei babutukile kwa Akishi mwana Maaka, imfumu ya Gati. Kabili baebele Shimei, abati, ''Mona, abasha bobe bali mu Gati.'' ⁴⁰ Nao Shimei alimine akakile impunda yakwe amalamba, ile naku Gati, kuli Akishi, ku kufwaya abasha bakwe. Shimei aliile nokubwesha ababomfi bakwe ku Gati. ⁴¹ Elyo caebelwe kuli Solomone, aciti, ''Shimei afumine mu Yerusalemu, aile ku Gati, no kubwela. ⁴² Awe imfumu yatumine ku kwita Shimei, no kutila kuli wene, ''Bushe nshakulengele ukulapa Yehoba, nokukukonkomesha nati, mubushiku wafuma waya uku nangu uku wishibe ukwishiba ukuti cine cine ukafwa? Kabili watile kuli ine ukuti icebo ici naumfwa cine cine cisuma. ⁴³ Nga kanshi cinshi ico usha sungile umulapo wakuli Yehoba, ne funde ilyo nakwebele? ⁴⁴ Kabili imfumu yatile kuli Shimei, ''Iwe nawishiba ububi bonse ubo umutima obe waishibila, ubo wacitile kuli Dabidi tata. Yehoba alebwesesha ububi pamutwe obe. ⁴⁵ Lelo imfumu Solomoni yakulaba iya palwa, ne cipuna cakwa Dabidi cakulabe capampamikwa ku cinso ca kwa Yehoba umuyayaya. ⁴⁶ Elyo imfumu yatumine Beneya mwana Yehoyada; wene alifumine amuwilepo, na o alifwile. Kabili ubufumu bwapampamikwe mu kuboko kwa kwa Solomone.