¹ Nomba mukuya kwa nshita, Nobote ali ne bala lya mwangashi mu Yerusalemu, mupepi ne cipango cakwa Ahab, imfumu yaku Samaria. ² Ahab atile kuli Nobote, ukutila, ''Mpela ibala lyobe ilya mwangashi, pantu lili mupepi ne ng'anda yandi. Tukabushanye, nalakupela ibala lya mwangashi ilisuma, nangu nga watemwa, nkalipela umutengo waliko mu lupiya.'' ³ Nabote aaswike Hab, ''Yawe alikanya ukupela icakupyana ca fikolwe fyandi kuli imwe.'' ⁴ Eico Hab aile mu cipango cakwe no bulanda no bukali pamulandu no bwasuko ubo Nabote umwina Yesreele amupele elyo atile, ''Tekuti mpele imwe icabupyani cafikolwe.'' Alambalele mubusanshi, apilibwile icinso cakwe akene nokulya ifyakulya ifili fyonse. ⁵ Yesebele umukashi wakwe aishile kuli ena nokutila kuli ena, ''Cinshi umutima obe wabela no bulanda, icakuti taulile ne cakulya?'' ⁶ Amwaswike ena ukuti, ''Inandile na Nabote umwina Yesree nokutila kuli ena mpela ibala lyobe ilya mwangashi pa lupiya, nangu nga cakusekesha, ine nalakupela ibala limbi ilya mwangashi libe lyobe.' Elyo ayaswike ukuti; tekuti nkupele ibala lyandi ilya mwangashi.'' ⁷ Elyo Yesebele umukashi wakwe amwaswike ena, ''Bushe teiwe ucili uleteka umusumba wa Israele? Ima nokulya; leka umutima obe usamwe. Nkakupokela ibala lya mwangashi kuli Nabote umwina Yeseleti.'' ⁸ Elyo Yesebele alembele amakalata mwishina lya kwa Hab, akomenenepo ne ca kukomenenapo cakwe, nokuyatuma kubakalamba ba fyuma abaleikala nankwe umo balekumanina, nabaleikala na Nabote. ⁹ Alembele amakalata, atile, ''Bilisheni ukuleka ukulya na ukuteka Nabote kuntanshi ya bantu. ¹⁰ Kabili mukesepo na bantu abashaba na cishinka abaume pamo nankwe no kuleka bamulandile ubunte bwabufi, ukutila, 'nautipa Lesa kabili imfumu.' ''Elyo mu mufumye ukumupola amabwe mpaka afwe. ¹¹ Eico abantu ba mumusumba, nabakalamba na bafyuma abaleikala na Nabote mu musumba wakwa Nabote, bacitile ifyo Yesebele alondolwele kuli bena, ngefyo fya lembelwe mu makalata ayo atumine kuli bena. ¹² Babilishe ukuti kube ukuleka ukulya kabili batekele Nabote kuntanshi ya bantu. ¹³ Nabantu babili abashaba na cishinka baishilemo nokwila kuntanshi yakwa Nabote; bamushinine na ubunte bwabufi Nabote pa bantu, batile, ''Nabote atipile Lesa ne mfumu.'' Elyo bamusendele kunse ya musumba nokumupola amabwe mpaka afwa. ¹⁴ Elyo abakalamba batumine amashiwi kuli Yesebele, batile, ''Nabote naba mupola amabwe kabili na fwa.'' ¹⁵ Ilyo Yesebele aumfwile ati Nabote nabamupola amabwe kabili nafwa, asosele kuli Ahab, ''Ima nokuya poka ibala lya mwangashi lyakwa Nabote umwina Yesreeti, ilyo akene ukukupela palupiya, pantu Nabote tali no mweo nafwa.'' ¹⁶ Elyo Ahab aumfwile ati Nabote nafwa, alimine nokuya kwibala lya mwangashi ilya kwa Nabote umwina Yesreet alisendele noku lipyana. ¹⁷ Elyo icebo cakwa Yawe caishile kuli Eliya umwina Tishibiti, nokutila, ¹⁸ ''Ima nokuya kumanya Ahab imfumu ya Israele, uwaikala mu Samaria. Ali mwibala lya mwangashi ilya kwa Nabote, uko ele mukulipyana. ¹⁹ Ukalande kuli ena ukatile Yawe atila, 'Nawipaya uwali nokupyana?' Elyo ukamwebe ati Yawe atila, 'Mu ncende umo imbwa shalemyanga umulopa wakwa Nabote, imbwa shili nokumyanga umulopa obe, eee, umulopa obe.''' ²⁰ Ahab atile kuli Eliya, ''Bushe naunsanga, wemulwani wandi? ''Eliya alyaswike, ati ninkusanga, pantu nauishitisha wemwine mukucita icabipa mu menso yakwa Yawe. ²¹ Yawe asosa ifi kuli iwe; 'Mona, nkaleta ubusanso pali iwe kabili ukapwishishisha no kulofya no kuputulako kuli Ahab onse umwana mwaume no musha no muntu umuntungwa mu Israele. ²² Ndinokupanga ulupwa lobe nga ulupwa lwakwa Yeroboam umwana mwaume wakwa Nebat, kabili nga ulupwa lwa Baasha umwana mwaume wakwa Ahijah, pantu wakalifya mubukali no kulenga Isarele ukubembuka.' ²³ Yawe asosa kabili ukukuma kuli Yesebele ati, imbwa shikalya Yesebele ku mbali ya cibumba cakwa Yesreel.' ²⁴ Onse uwakulubali lwa kwa Ahab ali nokufwila mu musumba, nembwa shikalya, nefyuni fya mulwelele fikalya onse uwafwila mwibala.'' ²⁵ Takwali nangu umo uwali nga Ahab, uwashitishe umwine mukucita icabipa mu menso yakwa Yawe, uo umukashi wakwe Yesebele amulengele ukubembuka. ²⁶ Ahab acitile ifyabunani fya tulubi uto alekonka, ngefyo bonse abena Amoriti ifyo bacitile, abo Yawe afumishe pa bantu kwa Israele. ²⁷ Ilyo Ahab aumfwile aya mashiwi, alepwile ifyakufwala fyakwe nokufwala amasaka pa mubili wakwe nokuleka ukulya no kulala mu masaka nokuba no bulanda nganshi. ²⁸ Elyo icebo cakwa Yawe caishile kuli Eliya umwina Tishibe, ukutila, ²⁹ ''Bushe naumona ifyo Ahab aicefya umwine kuli ine? Nshakalete ubonaushi mu nshiku shakwe; nimunshiku shabana bakwe abaume umo nkaleta ubonaushi pa lupwa lwakwe.''