¹ Beni hadadi imfumu pali Aramu alonganike abashilika bakwe bonse pamo. Kwali ne shamfumu amakumi yatatu na shibili pamo nankwe na bakabalwe na maceleta. Alile, no kupoka Samaria no kulwa nankwe. ² Yatumine intumi ku musumba wa Ahabu ku mfumu yabena Israeli, no kutila kuli yena, ''Beni Hadadi atile ifi: ³ 'Silfere yobe na golide obe fyandi. Pamo nabakashi na bana, nefisuma fine, fyaba fyandi.''' ⁴ Imfumu pali Israeli yaswike no kutila, ''Cibe ifyo fine mwalanda, mwe shikulu wandi, imfumu. Ine na fyonse ifyo nakwata fyenu.'' ⁵ Nentumi shaishile nakabili nokutila, ''Beni Hadadi atile ifi. 'Natumine ishiwi kuli iwe natile nati ufwile ukumpa silbere yobe, golide obe, abakashi bobe, na bana bobe. ⁶ Nomba ndetuma umubomfi wandi kuli imwe mailo nga ino ine nshita, no kwisa fwailisha mu ng'anda yobe ne ng'anda ya babomfi bobe. Bakafwailikisha na maboko yabo no kusenda conse icikawama mumenso yabo.'' ⁷ Elyo imfumu yabena Israeli yaitile abakalamba bonse abailya mpanga pamo no kutila, ''Napapata ishibeni no kulolesha ukuti uyu mwaume aletele ubwafya. Aletele amashiwi kuli ine ayakuti alefwaya ukumpoka abakashi, abana, na silbere na golide, naine nshikene kuli ena.'' ⁸ Bonse abakalamba na bonse abantu batile kuli Ahabu, ''Taufwile ukumfwa ena nangu kusumina ku kukambisha kwakwe.'' ⁹ Eico Ahabu atile kuntumi shakwa Beni hadadi, ''Kebeni shikulu imfumu yandi, 'Ninsumina kuli conse ico mwatumine ku mubomfi wenu umuku wakubalilapo, nomba nshasumine ukupingulwa ukwacibili.'' Eico intumi shaile nokusenda ubu bwasuko kuli Beni Hadadi. ¹⁰ Elyo beni Hadadi atwele uwasuka kuli Ahabu, no kutila, ''Ngateifyo tulesa tucite ico kuli ine no kulundapo, efyo ne mito ya mu Samaria ikabe iyalinga kunantu bonse abakankonka ku kukwata inkama kuli cila umo.'' ¹¹ Imfumu yabena Israeli yaaswike no kutila, ''Mwebeni Beni Hadadi, 'Takuli nangu umo uwaibikapo umwine, afwile aumfwe nga uulefula.'' ¹² Beni Hadadi aumfwile aya amashiwi ilyo alenwa, ena ne mfumu ishali nankwe ilyo bali mumatenti yabo. Beni Hadadi akonkomeshe abaume bakwe, Itantamikeni mwebene munkonka ku bulwi.'' Eico baipekenye abene mu kunkonka ku bulwi no kulwisah umusumba . ¹³ Mona, kasesema aishile kuli Ahabu imfumu yabena Israeli nokutila, ''Yawe atila, 'Namumona uyu umushilika umukalamba? Mona, ndemubika muminwe yenu ilelo, nokuti mwishibe ukuti nine Yawe.'' ¹⁴ Ahabu alyaswike, ''Kuli nani?'' Yawe alyaswike nokutila, ''Ababomfi banono abalebombela mubulashi bwamiputule.'' kabili Ahabu atile, ninani aletampa ubulwi?'' Yawe alyaswike, ''Niwe.'' ¹⁵ Elyo Ahabu atungulwile ababomfi abanono abalebombela mubulashi bwamiputule. Impendwa yabo bali imyanda ibili amakumi yatatu nababili. Panuma yabo abatungulwile bonse abashilika, bonse abalwa mu Israeli; bali impendwa amakana cine lubali. ¹⁶ Baile kunse akasuba pamutwe. Beni Hadadi alenwa umwine nokukolwa mwitenti lyakwe, ena naba shamfumu amakumi yatatu na babili abalemutungulula. ¹⁷ Na babomfi abanono abalebombela mubulashi bwamiputule ebabalilepo ukuya pantanshi. Elyo Beni Hadadi aebelwe ne ntumi ukuti nafume kunse, ''Abaume nabesa ukufuma ku Samaria.'' ¹⁸ Beni Hadadi atile, ''Conse ico beshile naco umutende nangu inkondo, balekeni babe abatuntulu.'' ¹⁹ Eico ababomfi abanono abalebombela mubulashi bwamiputule. Bafumine kunse yamusumba na bashilika balibakonkele. ²⁰ Cila mwaume alipeye umunankwe. Abena Aramu bali fulumwike na Israeli aliba pepekemo bena. Beni Hadadi imfumu yaku Aramu alibutwike pali kabalwe eka kumo nabaume bapali bakabalwe. ²¹ Elyo imfumu yabena Israeli yaile kunse no kwimina bakabalwe na maceleta, no kwipaya abena Aramu mumfwa iikalamba. ²² Eico kasesema aishile ku mfumu yabena Israeli nokutila kuli bena, ''Kabiye, uikoshe wemwine no kumfwa nokupekanya ico uli nokucita, pantu ku kwisa kwamwaka imfumu yabena Aramu ikesa mukukufwailisha nakabili.'' ²³ Ababomfi bamfumu yaku Aramu batile kuli ena, ''Tulesa nitu lesa twamumikonko. Emulandu wine bakwatila amaka ukutucila. Leelo nomba natukwe nabo pancende iyabatama, na mucishinka tukaba na maka ukubacila ifintu baba. ²⁴ Eico ufwile ukucita ifi: Fumyeni ishamfumu shonse pancende shafifulo fyashiko nokupyanishapo abashilika bankondo. ²⁵ Imyeni abashilika ngabalya abashilika tulufishe- kabalwe pali kabalwe na iceleta pe celeta lelo kuti twalwa nabo pancende iyabatama. Elyo mucishinka tukaba namaka ukubacila fintu baba.'' Eico beni Hadadi aumfwile ukuoandwa amano na kufyo bamupandile amano. ²⁶ Panuma yakwamba kwamwaka, Beni Hadadi alonganoke aba Aramu nokuya ku Afeki nokulwa na Israeli. ²⁷ Abantu ba mu Israeli balongene nokusunguka pakulwa nabo. Nabena Israeli balinganikwe libela kwati tumikuni tubili utwambushi, leelo aba Aramu baiswile icalo lubali. ²⁸ Elyo umwaume wakwa Lesa aishile mupepi no kulanda kumfumu yabena Israeli nokutila, ''Yawe atila: 'Pantu aba Aramu batile ifi Yawe ni kalesa kamumukonko, nomba tekalesa kamumupokapoka, ndebika ibumba ilikalamba muminwe yobe, nokuleka wishibe ukuti nine Yawe.'' ²⁹ Eico abashilika bakolongene ukulingana naba inshiku cine lubali. Elyo mubushiku bwalenga cine lubali ubulwi bwalitendeke. Na bantu bakwa Israeli balipeyepo abena Aramu abenda kumakana amakana umwanda umo(100,000) mubushiku bumo. ³⁰ Nabashele bafulumukile ku Afeki, mu musumba ne cibumba caponene pabaume abashele amakana amakumi yabili na cine lubali. Beni Hadadi afulumukile nokuya mumusumba, mumuputule wa mukati. ³¹ Ababomfi bakwa Beni Hadadi batile kuli ena, ''Lolesha nomba, twalyumfwa ukuti imfumu shang'anda yakwa Israeli ni mfumu shaluse. Twapapata shilekeni tufwale insamu ukushinguluka imisana yesu ne myando ukushinguluka imitwe yesu nokuya ku mfumu yabemna Israeli. Nalimo kuti babika umweo obe pambali.'' ³² Eico bafwele insamu mumisana yabo ne myando ukushinguluka imitwe yabo elyo baile kumfumu yaku Israeli nokutila, ''Umubomfi wenu Beni Hadadi atile, 'Napapata lekeni njikale.'' Ahabu atile, ''Acili epo ali? Nimunyinane.'' ³³ Leelo abaume balefwaya ukumfwa icishibilo ukufuma kuli Ahabu, eico mukwangufyanya balimwaswike ena, ''Ee, munyinenwe Beni Hadadi epo acili.'' Elyo Ahabu atile, ''Kabiyeni mu mulete ena. Elyo Beni Hadadi aishile kuli ena, na Ahabu aishile kuli ena ku kumuninika peceleta lyakwe. ³⁴ Beni Hadadi atile kuli Ahabu, ''Ndebwesha kuli iwe imisumba intu tata apokele kuli ba wiso, na iwe ukapange ifisankano fyobe wemwine mu Damasikasi, ngafintu tata acitile mu Samaria.'' Ahabu alyaswike, ''Pacipangano ici ndekuleka uye.'' Eico Ahabu apangile icipangano nankwe nokumuleka aye ena. ³⁵ Naumbi umwaume, umo uwamubana baume ba bakasesema, atile kuli umo uwamuli bakasesema banankwe kwishiwi ilya kwa Yawe, ''Shinguma.'' Nomba umwaume alikene ukumuma ena. ³⁶ Elyo kasesema atile kuli bakasesema banankwe, ''Pantu wakana ukumfwa kwishi lyakwa Yawe, ilyo walaya ukufuma pali ine, inkalamo ilekwipaya.'' Ilyo fye ulya mwaume afumine pali ena, inkalamo yamwimine ena nokumwipaya ena. ³⁷ Elyo kasesema asangile umwaume naumbi, ''Napapata nguma.'' Eico umwaume alimumine ena nokumulepula ena. ³⁸ Elyo kasesema afuminepo nokuya mukulolela imfumu pambali yanshila, nailufyanya umwine kucabutonde cintu afimbile pamenso yakwe. ³⁹ Lintu imfumu yalepita, kasesema alilile sana kumfumu nokutila, ''Umubomfi wenu acifuma mubulwi, no mushilika acinjimika nokuleta umwaume kuli ine nokutila. 'Sunga uyu muntu. Ngacakuti munshila iili yonse aluba, umweo obe ukapelwa pamweo wakwe, nangu ukalipilepo talenti wa silbere.'' ⁴⁰ Nomba pantu umubomfi wenu ali uwapamfiwa ukuya kuno na kulya, no mwaume alifyukile.'' Elyo imfumu yaku Israeli yatile kuli ena, ''Ifi efikaba ukukandwa kobe- iwe efyo wasala wemwine .'' ⁴¹ Elyo kasesema bwangu bwangu afumishepo icisalu cabutonge pamenso yakwe, na kumfumu yabena Israeli yalimwibukishe ukuti ni umo uwa muli bakasesema. ⁴² Na kasesema atile kumfumu, ''Yawe atile, ''Pantu wamuleka aye ukufuma mukuboko kobe umwaume uo naebele ukumwipaya, umweo obe ulelinganya pamweo wakwe, na bantu bobe pabantu bakwe.'' ⁴³ Eico imfumu pali Israeli yafuminepo nokuya ku ng'anda yaiko iyakutumana, naifulwa nokuya mu Samaria.