¹ Kabili Ahabu aebele Yesebele conse ico Eliya acitile, no mo monse alapile bakasesema bonse ku lupanga. ² Lyane Yesebele atumine inkombe kuli Eliya ukutila, ''Efyo imilungu icitile kuli ine kabili ilundepo, nga nshkalenge umweo obe nga umo uwamuli bene. ³ Nao ali tininine, alimine, ailile umweo wakwe. Afikile na ku Beere-sheba uwa kuli Yuda, no kusho umulumendo wakwe kulya. ⁴ Wene aile muma tololo ulwendo lwa bushiku bumo, e lyo aikala mwi samba lya cimpusa ca cifuti, alailombelo kufwa, no kutila, Epela; nomba mwe Yehoba buleni umweo wandi pantu ine nshili musuma ukucila batata. ⁵ Elyo asendeme, n kulalo tulo mwisamba lya cimpusa ca cifuti. Kabili moneni, malaika ali mukumishe no kutila kuli wene, ''Ima ⁶ ulye.'' Nao aliloleshe, kabili moneni kumitwe kwali icipapatu icafumbikwa mumabwe yakaba, na mulongwe wa menshi. Awe alile no kunwa, elyo abwekeshepo ukusendama. ⁷ Mlaika wakwa Yhoba alibwekelamo umuku wacibili, ali mukumishe nokutila, ''Ima Ulye., pantu ulwendo nalukukosela.'' ⁸ Awe alimine nokulya nokunwa, elyo aendele kumaka yafyakulya filya inshiku amakiumi yane, akasuba no bushiku ukufika pa Horebu ulupili lwakwa Lesa. ⁹ Eko aile ingila mu ninga nokutubilishamo. Elyo moneni icebo cakwa Yehoba caishile kuli wene nokutila, ''Nishani ukuba pano we Eliya? ¹⁰ Nao atile, ''Ukupimpa ni mpimpa ukubombela Yehoba Lesa milalo; pantu abena Irsaeli naba sula cipingo cenu, ne fi pailo fyenu nabafyomona, na bakasesema benu naba bepaya ku lupanga; na ine nashala neka, kabili balefwayo mweo wandi ukuubula. ¹¹ Ishiwi lyatile, ''Fumakeminine mu lupili kucinso cakwa Yehoba.'' Moneni Yehoba alepita no mwela uukalamba kabili uwakosa uwalepwile mpili no kutobaula amabwe ayasumbuka ku cinso ca kwa Yehoba, Yehoba tali mumwela. Panuma yamwela kwaise cinkukuma; Yehoba tali mu ci nkukuma. ¹² Panuma yacinkukuma kwaisa umulilo; Yehoba tali mumulilo. Panuma yamulilo kwaisa ishiwi lykantepentepe ilya yanguka. ¹³ Nomba Eliya pa kumfwa, e lyo akupilepo ica kufimbana cakwe pa cinso cakwe alifumine, no kwiminina pamwinshi wa ninga. Kabiloi moneni, kuli wene kwaishile ishiwi, no kutila, ''We Eliya, ni shani kuli iwe pa kuba pano?'' ¹⁴ Nao atile, ''Ukupimpa ni mpimpa ukubombela Yehoba Lesa wa milalo; pantu abena Israeli naba Sula cipingo cenu, ne fipailo fyenu nabafyonomona, na bakasesema benu naba bepaya ku lupanga; na ine nashala neka kabili balefwayo mweo wandi ukuubula. ¹⁵ Elyo Yehoba atile kulu wene, ''Kabiye, bwelela munshila ya matololo ku Damaseke; ilintu ukafika, ukasube Hasaele ku kube mfumu pali Aramu, ¹⁶ na Yehu mwana Nimshi ukamusube kukuba imfumu pali Israeli, na Elisha mwana Shafati umwina Abelmohola ukamusube kukuba kasesema mwi punda lyobe. ¹⁷ Namba uukapusuka ulupanga lwakwa Hasaele, Yehu akamwipaya, no ukapusuka ku lupanga lwakwa Yehu, Elisha akamwipaya. ¹⁸ Lelo nkashapo aba muli Israeli amakana cinelubali, amakufi yonse ayashafukamina kuli Baali, na kanwa akashamufyompa. ¹⁹ E ico Eliya aile ukufma kulya, kabili, asangile Elisha mwana Shafati alelima, ne ng'ombe sha makoli ilyalenge kumi na yabilishilemutangilila, kabili wene aleenda ku she koli ilyalenge kumi na yabili; Eliya aile kuli wene, no kupose ca kufibana cakwe pali wene. ²⁰ Nao ashile ing'ombe abutukile ku kukonka Eliya, no kutila, shi ndekeni nje mfompe tata na mayo elyo njise mukonke. Nao atile kuli wene kabiye, bwelelamo; pantu cinshi ico ncitile kuli iwe? ²¹ Awe abwelele mukumukonka, ailebule ng'ombe she koli lilya, alishipeye, na ku fipe fya ng'ombe e ko aipikile iminofu ya shiko no kupela abantu, na bo balilile. Lyene aliminine, alakonka Eliya, no kumupyungila.