¹ Eico panuma ya nshiku ishingi ishiwi lya kwa Yawe lyaishile kuli Eliya, mu mwaka walenga butatu iya cilala, lyatile, ''Kabiye, kailange kuli Ahabu kabili ndetuma imfula mu mpanga.'' ² Eliya aile mukuilanga kuli Ahabu; nomba icipowe calikosele mu Samaria. ³ Ahabu aitile Obadia, ulwaleyangalila isano. Nomba Obadia aletina sana Yawe, ⁴ pantu ilyo Yesebele aipeye ba kasesema bakwa Yawe, Obedia abulile umwanda umo uwa bakasesema no kubafisa abali amakumi yasano yasano mu lucengo no kubalisha umukate na menshi. ⁵ Ahobu atile kuli Obadia, ''kabiye kapite mu mpanga monse mutumfukumfuku twamenshi na mufishiba. Limbi kuti twasango icani icakulisha bakabalwe ne mfalashi ifya mweo, eico pa kuti twilufya inama shesu shonse.'' ⁶ Eico bayakene impanga umwakuyapita pakati kabo nokufwaya amenshi, Ahabu aile munshila imo eka na Obadia aile munshila imbi. ⁷ Lilya line fye Obadia ali mu musebo, Eliya ukwabula ukwibukila alimukumenye. Obadia alimwibukishe nokwisa pona panshi ubunkupeme. ⁸ Atile, ''bushe niwe, we shikulu Eliya?'' Eliya amwaswike, ''Nine. Kabiye kebe shikulu obe, 'Moneni, Eliya ali kuno.''' ⁹ Obadia ayaswike, ''Ninshi nabembuka, pakuti upele umubomfi obe mu minwe yakwa Ahabu, kuli ena ku kunjipaya? ¹⁰ Ngefyo Yawe Lesa obe uwabako, takuli inko nangu ubufumu uko shikulu wandi tatuma abaume abakumifwaya. Ilyo lyonse uluko nangu ubufumu bwa tila, 'Eliya tali kuno,' Ahabu alebalenga ukubula umulapo wakulapa ukuti tabamusangile iwe. ¹¹ Tafilacitika nomba muletila, 'Kabiye, kebe shikulu obe ukuti Eliya ali kuno.'' ¹² Apapenefyee nga naya ukufuma kuli iwe, umupashi wakwa Yawe ulemisenda ku ncende imbi uko shaishibe. Elyo ndeya no kweba Ahabu, kabili ilyo tamisange iwe alenjipaya. Tafilacitika ine, ne mubomfi wenu napele Yawe ukufuma kuli bumusepela bwandi. ¹³ Bushe tafyalebwa kuli iwe, mwe shikulu, ifyo na citile ilyo Yesebele aipeye abakasesema bakwa Yawe, ifyao nafishile bakasesema bakwa Yawe, abali umwanda umo ukuba kanya mumakumi yasano nokubafisa mulucengo no kubalisha umukate na menshi? ¹⁴ Nomba muletila kuli ine, 'Kabiye nokutila kili shikulu obe ukuti Eliya ali kuno,' Eico pakuti anjipaye.'' ¹⁵ Elyo Eliya ayaswike, 'Ngefyo Yawe wa mabumba uwabaka, uo njimanine ku cinso cakwe, mucishinka ndeilanga kuli Ahabu leelo.'' ¹⁶ Eico Obadia aile mu kukumanya Ahabu, no kumweba ifyo Eliya asosele. Elyo imfumu yaile mu kumukumanya Eliya. ¹⁷ Ilyo Ahabu amwene Eliya, atile kuli ena, ''Bushe niwe? Uli umo uuleta amafya mu Israeli!'' ¹⁸ Eliya amwaswike, ''Shaletapo amafya pali Israeli, lelo niwe nolupwa lwakwa wiso ebamo abalengele amafya mukukana amafunde yakwa Yawe no kukonka ba Baali. ¹⁹ Ukutampa nomba line tuma ishiwi nokukolonganya kuli ine abena Israeli bonse pa lupili lwa Kamele, pamo na bakasesema bakwa Baali imyanda ine na makumi yasano nabakasesema bakwa Ashera imyanda ine uulya kwitebulo lyakwa Yesebele.'' ²⁰ Eico Ahabu atumine amashiwi ku bantu bonse abamu Israeli kabili alonganike ba kasesema pamo pa lupili lwa Kamele. ²¹ Eliya aishile mupepi ya bantu bonse no kutila, 'Nililali mukasunga ukucinja amatontonkanyo yenu? Nga cakuti Yawe ni Lesa, mukonkeni. Lelo nga cakuti Baali ni Lesa, elyo mukonkeni. '' Tafilacitika abantu tabamwaswike ishiwi. ²² Elyo Eliya atile ku bantu, ''Ine, njineka, uwashala nga kasesema wakwa Yawe, leelo bakasesema ba kwa Bali abaume imyanda ine na makumi yasano. ²³ Eico lekeni batupele ing'ombe ishilume shibili. Lekeni basale ing'ombe iilume imo abene no kuiputula mu tupimfya, no kuilalika pa nkuni, leelo mwibikamo mulilo mwisamba lya ici. Elyo nalapekanya cilume wa ng'ombe umbi, mu mulalike pa nkuni, kabili mwibikamo umulilo mwisamba lyakwe. ²⁴ Elyo muleita peshina lyakwa Lesa wenu, kabili ndeita peshina lya kwa Yawe, na Lesa uleasukila mu mulilo, elyo mu muleke abe Lesa.'' Eico abantu bonse bayaswike nokutila, ''Cilifye bwino.'' ²⁵ Eico Eliya atile kuli ba kasesema bakwa Baali, ''Saleni ing'ombe imo iilume mwebene no kuibalilapo ukuipekanya pantu iwe muli bantu abengi. Elyo mwite peshina lyakwa Lesa wenu, leelo mwaibikamo umulilo mwisamba lya ng'ombe iilume.'' ²⁶ Balibulile ing'ombe iilume iya pelwe kuli bena no kuipekanya, kabili baitile peshina lya kwa Baali ukufuma ulucelo mpaka akasuba, baletila, ''Baali, tumfwe.'' Leelo takwali ishiwi, nangu uuli onse uwa kwasuka . Baletinda ukushinguluka icibumbili ca cipailo ba pangile. ²⁷ Mu kasuba Eliya abatumfwishe nokutila, ''Bilikisheni! Ni Lesa! Epali aletontonkanya, nangu aletusha umwine, nangu aleenda mu lwendo, nangu epali nalala kabili alingile ukubuka.'' ²⁸ Eico bapunjishe sana, no kuicenaula abene, ngefyo balecita lyonse, na lupanga na mafumo, mpaka umulopa wabo walasuma ukufuma muli bena. ²⁹ Akasuba pakati ka mutwe kapita, kabili batwalilile fye ukusabaila mpaka inshita ya mutulo we lambo lya cungulo, leelo takwali ishiwi nangu uli onse uwakwasuka; takwali nangu umo uwabikileko amano kufyo balepapata. ³⁰ Elyo Eliya atile ku bantu bonse, ''Iseni mupepi na ine, '''Na bantu bonse baishile mupepi na ena. Elyo alungishe icibumbili ca cipailo ca kwa Yawe ica ponene mu bonaushi. ³¹ Eliya asendele amabwe ikumi na yabili, cila libwe lya leimininako umutundu umo uwa bana bakwa Yakobo- ni Yakobo uo ishiwi lyakwa Yawe lyaishile, no kutila, ''Israeli likaba lishina lyobe.'' ³² Ku mabwe akulileko icibumbili ca cipailo mwi shina lya kwa Yawe no kwimba umufolo ukushingulusha icibumbili ca cipailo, icikulu icakwingisha ba siya babili abambuto. ³³ Apekenye inkuni sha mulilo, ukuputula ing'ombe iilume mutuputulwa, no kulalika utuputulwa twa ng'ombe iilume pankuni. Atile, ''Isusheni ba mulongwe na menshi abali bane no kwitila pa mutulo wa koca na pankuni.'' ³⁴ Elyo atile, ''Citeni umuku wabubili, ''Kabili balicitile ici umuku wa butatu,'' kabili bacitile ici umuku wa butatu. ³⁵ Amenshi yabutwike ukushinguluka icibumbili ca cipailo no kwisusha umufula. ³⁶ Fyalecitika pa nshita ya mutulo we lambo lya cungulo, ulya Eliya kasesema aishile mupepi no kutila, ''Yawe Lesa wekwa Abrahamu, uwa kwa Isaki, kabili uwa kwa Israeli, lekeni cishibikwe buno kuti njimubomfi wenu, no kuti imbombe ifi fintu kwi shiwi lyobe. ³⁷ Ngufweni, Yawe, ngufweni, ukuti aba bantu beshibe ukuti nimwe, Yawe Lesa wabo, kabili ukuti niwe walula imitima yabo ukubwelela kuli we mwine.'' ³⁸ Elyo umulilo wakwa Yawe walipinene no koca umutulo wa koca, ukubikapo ne nkuni, amabwe, bo lukungu, no kukamya amenshi ayali mu mufolo. ³⁹ Ilyo abantu bonse bamwene ifi, bankontamike ifinso fyabo panshi no kutila, ''Ýawe, ni Lesa! Yawe ni Lesa!'' ⁴⁰ Eico Eliya atile kuli bena, ''Sendeni ba kasesema bakwa Baali. Mwileka nangu umo pali bena abutuke.'' Eico ba basendele, na Eliya aletele ba kasesema bakwa Baali ukubatentemushisha ku mumana wa Kishoni no kubepaya kulya. ⁴¹ Eliya atile kuli Ahabu, ''Ima no kunwa pantu kulya kuli ukubulukuta kwa mfula iikulu.'' ⁴² Eico Ahabu aile mu kulya no kunwa. Elyo Eliya aile pamulu wa Kamele, afukeme umwine panshi pamushili nshi nokubika icinso cakwe pakati kamakufi yakwe. ⁴³ Atile ku mubomfi wakwe, ''Kabiye ninika nomba lolesha lwakuli bemba.'' Umubomfi wakwe aninike no kumona no kutila, ''Takuli icili conse.'' Eico inshita yalenga cine lubali Eliya atile, ''Kabiye na kabili.'' ⁴⁴ Panshita ya lenga cine luabali umubomfi atile, ''Mona, kuli ikumbi ileninika ukufuma pali bemba, ilinono ngo lupi lwa muntu.'' Eliya ayaswike, ''Ninika nokutila kuli Ahabu, 'Pekanya iceleta lyobe no kutentemuka ilyo imfula tailakukanya.'' ⁴⁵ Cacitike pakashita akanono ilyo umulu wa fitishe ku makambi ne cimwela, kabili kwali imfula iikalamba. Ahabu ayeseshe nokuya kuli Yesele, ⁴⁶ leelo ukuboko kwa kwa Yawe kwali pali Eliya. Akakile ilamba mu mwingila wakwe no kubutuka pantanshi yakwa Ahabu ku ciponta cakwa Yesele.