¹ Eliya umwina Tishiba, ukufuma ku Tishibe mu Gileadi, atile kuli Ahabu, ''Ngefyo Yawe, Lesa wa bena Israeli uwabako, uwo njiminine ku cinso cakwe, takwakatale akuba umume nangu imfula ino myaka kano nga natila ifyo.'' ² Ishiwi lyakwe Yawe lyaishile kuli Eliya, lyatile, ³ ''Fuma kuno no kuya ku kabanga; fisama pa cishiba ca Keriti icabela ku kabanga ka Yodani. ⁴ Cikalacitika ifi ukalanwa amenshi ukufuma mu cishiba, kabili ni konkomesha ba mwankole uku kulisha kulya.'' ⁵ Eico Eliya aile no kucita ngefyo amashiwi yakwa Yawe yamukonkomeshe. Aile mukwikala pa cishiba ca Keriti ku kabanga ka Yodani. ⁶ Ba mwankole balemuletela umukate ne nama ulucelo kabili umukate, ne nama icungulo, kabili alenwa amenshi ukufuma mu cishiba. ⁷ Leelo panuma ya nshita icishiba calikamine pa mulandu takwali imfula ku mpanga ilya. ⁸ Ishiwi lyakwa Yawe lyaishile kuli ena, lyatile, ⁹ ''Ima, kabiye ku Sarefati, iyaba ku Sidoni, no kwikala kulya. Mona, nikonkomesha mukamfwilwa kulya ku kulakwafwa iwe.'' ¹⁰ Eico aimine no kuya ku Sarefati, kabili ilyo aishile ku mpongolo ya musumba mukamfwilwa ali kulya alelonhanika utumuti. Eico amwitile no kutila, ''Napapata ndeteleko amenshi aya nono muli mulongwe pakuti inwe.'' ¹¹ Lilya linefye aleya mukutapula amenshi amwitile, no kutila, ''Napapata ndetelako akaputulwa ka mukate mu minwe yobe.'' ¹² Ayaswike, ''Ngefyo Yawe Lesa obe abako, shikwetepo umukate uuli onse, lelo ulupifye lwabunga muli mulongwe na mafuta ayanono mu mutondo. Lolesha ndelonganika utumuti tubili pakuti ndeya mu kati no kukwipikila ne mwine na kumwana wandi umwaume, pakuti tulye ifi, no kufwa.'' ¹³ Eliya atile kuli ena, ''Witina. Kabiye no kucita ngefyo usosele, leelo mpangila umukate uu nono pakubala no ku uleta panse kuli ine. Elyo panuma upange shimo kuli iwe na ku mwana obe umwaume. ¹⁴ Pantu Yawe Lesa wakwa Israeli, atile, 'Ubunga muli mulongwe tabwakapwe, tapali amafuta aya kaleka ukusuma, mpaka ubushiku bulya Yawe akatuma imfula pe sonde.'' ¹⁵ Eico acitile ngefyo Eliya amwebele. Ena na Eliya, ukubikapo na ing'anda yakwe, balile pa nshiku ishingi. ¹⁶ Ubunga muli mulongwe tabwapwile, tapali namafuta ayalekele ukusuma mu mutondo, ukulingana ngefyo amashiwi yakwa Yawe yatile, ngefyo alandile muli Eliya. ¹⁷ Panuma ya ifi fyonse umwana mwaume wakwa kanakashi, umwanakashi umwine wa ng'anda, alilwele. Ubulwele bwakwe bwalikosele nganshi icakuti talepema no kupema. ¹⁸ Eico nyina wakwe atile kuli Eliya, ''Cishi iwe wabela umulwani na ine, we mwaume wakwa Lesa? Waishile kuno mu kunjibukisha imembu shandi no kunjipaila umwana wandi umwaume?'' ¹⁹ Elyo Eliya amwaswike, ''Mpela umwana obe umwaume.'' Asendele umulumendo ukufuma mu minwe yakwe no kumusenda pamulu wamuputule uko aleikala, no kulalika umulumendo pa bushiku bwakwe. ²⁰ Alilile kuli Yawe no kutila, ''Yawe Lesa wandi kabili mwaleta ifyabipa kuli mukamfwilwa uo ndeikalapo, pa kumwipaila umwana umwaume wakwe? ²¹ Elyo Eliya alambalele umwine pa mwana imiku itatu alelilila nkuli Yawe nokutila, ''Yawe Lesa wandi, namilomba, napapata lekeni umweo wa uyu mwana ubwelele muli ena.'' ²² Yawe aumfwile kwi shiwi lyakwa Eliya; umweo wa mwana wabwelelemo muli ena, kabili alitutubwike. ²³ Eliya abulile umwana no kumusenda ukumufumya mu muputule wakwe amutentemushisha mu ng'anda; apele umulumendo kuli nyina no kutila, ''Lolesha, umwana obe umwaume mutuntulu.'' ²⁴ Umwana kashi atile kuli Eliya, ''Nomba naishiba ukuti uli muntu wakwa Lesa, kabili neshiwi lyakwa Yawe mukanwa kobe lya tishinka.''