¹ Kwaishile icebo cakwa Yawe kuli Yehu mwana Hanani pali Baasha, atile, ² ''Pamulandu wakuti na kwimishe ukufuma ku lukungu nokukulenga ukuba intungulushi pa bantu bandi Israeli, waendele mu nshila yakwa Yeroboamu nokulenga abantu bandi Israeli ukubembuka, pakunkalifya pa membu shabo. ³ Mona, nkalofya Baasha na bamung'anda yakwe kabili nkalenga aba mu ng'anda yobe ukuba ngaba mu ng'anda yakwa Yeroboamu mwana nebati. ⁴ Imbwa shikalya umuntu onse uwa muli Baasha uwa fwila mu musumba, ne fyoni fya mulwelele fikalya umuntu onse ukafwila mu mpanga.'' ⁵ Pamilandu yashalako iyakwa Baasha, ifyo acitile, na bumpalume bwakwe, bushe tafyalembwa mwibuku lya milandu lyasha mfumu yakwa Israeli? ⁶ Baasha alele ukwalala ifikolwe fyakwe nokushikwa mu Tisa, na Ela umwana wakwe ewali imfumu pepunda lyakwe. ⁷ Kabili muli kasesema Yehu mwana Hanani emwaishile ishiwi lyakwa Yawe pali Baasha na bang'anda yakwe, Bonse pantu bali bembwike mu menso yakwa Yawe, pakumukalifya kwa kufulwa ku mulimo ya minwe yakwe, pakuba nge ng'anda yakwa Yeroboamu, kabili pantu aipeye bonse aba mu ng'anda yakwa Yeroboamu. ⁸ Mu mwaka walenga amakumi yabili na mutanda iya kwa Asa imfumu yakwa Yuda, Ela mwana Baasha atendeke ukuteka Israeli mu Tisa; Atekele imyaka ibili. ⁹ Umubomfi wakwe Simri, kapito wa hafu wamaceleta yakwe, alimupangile. Nomba Ela ali mu Tisa, alenwa nokukolwa mu ng'anda yakwa Asa, uwali kangalila mu ng'anda ku Tisa. ¹⁰ Simri aingilemo, amuma noku mwipaya, mu mwaka walenga amakumi yabili na cine lubali kuli Asa imfumu yaku Yuda, no kutendeka ukuteka pepunda lyakwe. ¹¹ Ilyo Simri atendeke ukuteka no kutekwa pa cipuna cakwe ica bufumu, iaipeye aba mu ng'anda bonse yakwa Baasaha. Tashilepo nangu umo umwaume uwa mweo ku bantu bakwa Baasha nangu fibusa. ¹² Eico Simri aonawile bonse aba mu ng'anda yakwa Baasha, ukulingana na mashiwi yakwa Yawe alandile pali Baasha kuli Yehu kasesema, ¹³ pamembu shonse isha kwa Baasha ne membu shakwa Ela umwana wakwe Isho ba citile, nesho balengele Israeli ukubembuka, pa kuti bakalifye Yawe, Lesa wakwa Israeli, ku tulubi twabo. ¹⁴ Pamilandu na imbi yashalako iya kwa Ela, na fyonse ifyo acitile, bushe tafyalembwa mwibuuku lya milandu lya shamfumu shakwa Israeli? ¹⁵ Mu mwaka walenga amakumi yabili na cine lubali iya kwa Asa imfumu yakwa Yuda, Simri atekele fye inshiku cine lubali mu Tisa. Nomba abashilika ba nkondo ba citile nkambi mupepi na Sibetoni waba Pelishiti. ¹⁶ Abashilika ba nkondo ba pangile inkambi nokumfwa ukuti, ''Simri na pangila nokwipaya imfumu.'' Eico bulya bwine bushiku mu nkambi, onse Israeli asontele Omri, umukalamba waba shilika, ukuba imfumu pali Israeli. ¹⁷ Omri aile ukufuma ku Gibetoni na Israeli onse pamo, no kushinga Tisa. ¹⁸ Eico ilyo Simri amwene ukuti umusumba wa pokwa, aingile mu lupungu lwa kwikalamo ulwa ng'anda ya mfumu aocele ne ng'anda ya mfumu nokupila mulya mwine kabili alifwile ku mulilo. ¹⁹ Cacitikile pamembu isho acitile mu kucita ifishalungama mu menso yakwa Yawe, pakwenda mu nshila yakwa Yeroboamu na mulubembu luntu acitile, no kulenga Israeli ukubembuka. ²⁰ Pa milandu ya shalako iya kwa Simri, ne fyo apangile imfumu, bushe tafyalembwa mwibuku lya milandu ya shamfumu shakwa Israeli? ²¹ Elyo abena Israeli ba yabanikene amabumba yabili. Ibumba limo lya konkele Tibuni mwana Ginati, pakumucita imfumu, ne bumba limbi lya konkele Omri. ²² Leelo abantu aba konkele Omri bali aba kosa ukucila abantu ba konkele Tibuni umwana wakwa Ginati. Eico Tibuni alifwile, na Omri ewali imfumu. ²³ Omri atendeke ukuteka pali Israeli mu mwaka walenga amakumi yatatu na umo uwa kuteka kwa kwa Asa imfumu yakwa Yuda, kabili atekele imyaka ikumi limo na ibili. Atekele ukufuma ku Tisa imyaka mutanda. ²⁴ Ashitile no lupili lwa Samaria kuli Shemere pa matalanta yabili aya silbere. Akulile no musumba pa lupili nomusumba waleitwa Samaria, panuma lye shina lyakwa Shemere uwali kale umwine walupili. ²⁵ Omri alcita ifya bipa mu menso yakwa Yawe kabili acitile ifya bipa uku cila bonse aba mutangilile. ²⁶ Pantu aendele mu nshila shakwa Yeroboamu umwana wakwa Nebati na mumembu shakwe isho alengele Israeli ukubembuka, pa kukalifya Yawe Lesa wakwa Israeli, ku tulubi twabo utwafye. ²⁷ Pamulandu yashalako iya kwa Omri na fintu acitile, nabumpalume alangile, bushe tafya lembwa mwibuuku lya milandu ilya mfumu shakwa Israeli? ²⁸ Omri aleele pamo nefikolwe fya kwe kabili ashikilwe mu Samaria na Ahabu umwana wakwe ewali imfumu pepunda lyakwe. ²⁹ Mu mwaka walenga amakumi yatatu na cine konse konse kuli Asa imfumu yakwa Yuda, Ahabu umwana wakwa Omri tendeke ukuteka pali Israeli. Ahabu mwana Omri atekele pali Israeli mu Samaria imyaka amakumi yabili na ibili. ³⁰ Ahabu umwana wakwa omri acitile ifya bipa mu menso yakwa Yawe, ukucila bonse aba leteka kale. ³¹ Cali kuli Ahabu kwati mulandu unono ukwenda mu membu shakwa Yeroboamu mwana Nebati, alundilepo no kupa Yesebele mwana Etibali imfumu yabena Sidoni, aile muku bombela Baali nokumukontamina. ³² Akulile ne cipailo cakwa baali mu ng'anda yakwa baali, cintu akulile mu Samaria. ³³ Ahabu apangile ne cimuti caimikwa. Ahabu acitile ifintu ifingi ifya ku kalifya Yawe Lesa wakwa Israeli, ukucila isha mfumu shonse isha mutangilile. ³⁴ Mu kuteka kwa kwa Ahabu, Hiele umwina Betele akulile Yeriko. Hiele apangile umufula wa musumba Abiramu alifwile, ibeli lyakwe umwaume; na Segubu, kasuli wakwe umwaume, afwile ilyo balekula impongolo sha musumba, umwabelele amashi yakwa Yawe ayo alandile muli Yoshua mwana Nuni.