¹ Awe baikele imyaka itatu ukwabula ubulwi pakati ka Israeli na Aramu. ² Nomba mumwaka wacitatu Yehoshafati imfumu yakwa Yuda atentemukile kumfumu yakwa Israeli. ³ Ninshi yatile kuba bomfi baiko, ''Bushe namwishiba ukuti Ramote-gileadi wesu naifwe twikele abatalala ukwabula ukupoka mukuboko kwa mfumu ya kwa Aramu?'' ⁴ Elyo yatile kuli Yehoshafati, ''Bushe tuleya nobe mukulwa ku Ramote-gileadi? Nao Yehoshafati atile kumfumu ya Israeli, ''Ine ngi nga imwe nabantu bandi baba nga bantu benu na bakafwalo bandi baba nga benu. ⁵ Kabili Yehoshafati atile kumfumu yakwa Israeli shibaleni mwipushe kucebo ca kwa Yehoba. ⁶ Eico imfumu yalonganike bakasesema nalimo imyanda ine, nokutila kuli bene, ''Bushe nkaye kukulwa pa Ramote-gileadi atemwa nkaleke? Nabo batile, ''Nina, kubulwi, pantu shikulu akaupela mukuboko kwamfumu.'' ⁷ Elyo Yehoshafati atile, ''Bushe pano tapali kasesema wakwa Yehobas uo twingepushako kuli wene? ⁸ Ne mfumu yakwa Israeli yatile kuli na umuntu umbi uo twingepushako Mikaya mwana Imala; lelo nalimupata pantu tansesemena busuma kano ububi. Nao Yehoshafati atile, ''Imfumu isose ifi. ⁹ Eico imfumu yakwa Israeli yaitile mushika, nokutila, ''Leta bwangu Mikaya mwana Imla.'' ¹⁰ Nomba imfumu yakwa Israeli na Yehoshafati imfumu yakwa Yuda, shaikele umuntu nomuntu pacipuna caiko, nashifwala na malaya ya shiko, pambilibili pa mwinshi wa mpongolo ya Samaria, nabakasesema balesesema kucinso cabo. ¹¹ Ninshi Sedekia mwana Kenana ali citile insengo sha cela nokutila, ''Efyo Yehoba atile kuli ishi eko ukupunkila abena Aramu bakasuke bakapwe.'' ¹² Na ba kasesema bonse ninshi balesesema ukuti, ''Nina ukaye ku Ramote-gileadi pantu Yehoba akaupela mukuboko kwa mfumu.'' ¹³ Kabili inkombe iyaikle kukwita Mikaya, aiti, ''Mona icebo caba kasesema cili akanwa kamo shileka icebo cobe cibe nga umo uwamuli abo, no kusose cisuma. ¹⁴ Nao Mikaya atile, ''Umweo wakwa Yehoba, ico alejneba eco ndesosa. ¹⁵ Ilintu afikile ku mfumu, imfumu yatile, ''We MIkaya bushe tukaye ku Ramote-gileadi mukulwa, napamo tukaleke? Nao atile, ''Nineni nokushuka, pantu Yehoba akaupela mukuboko kwamfumu!'' ¹⁶ Imfumu yatile kuli wene, ''Bushe ndekulenga ukulapa imiku inga ukuti wisosela kuli ine cimbi kano icishinka mwishina lyakwa Yehoba? ¹⁷ Nao atile, ''Namwene abena Israeli napashilwa palupili nge mpanga ishishaba na mucemi; kabili Yehoba atile, ''Aba bantu tababa nashikulu bwibo; ba bwelele kungánda umuntu no muntu umu tende! ¹⁸ Eico imfumu yakwa Israeli yatile kuli Yehoshafati ukti, ''Bushe nshisosele kuli iwe ukuti tenga nsesema busuma kano ububi? ¹⁹ Mikaya atile, ''Eico umfweni icebo cakwa Yehoba, nimbona Yehoba ekele pacipuna cakwe, no mulalo onse uwa mumulu nawiminina pali wene kukwa kukulyo kwakwe nokwakukuso kwakwe. ²⁰ Kabili Yehoba atile, ''Nani alelembeleka Ahabu, nokuleka anine, nokuwa mu Ramote-gileadi? No yu ale sose fi noyu alesose fi. ²¹ Wasuka wafuma umupashi umo waiminina ku cinso cakwa Yehoba, nokutila, ''Ine ndemilembeleka.'' Yehoba atile kuli wena, ''Ni kunshi? ²² Nao watile, ''Ndefuma, ndefuma ndeyaba umupashi wabufi mutunwa twabakasesema bakwe bonse. Yehoba atile, ''Ukamubembeleka na kabili ukamunasha; fuma nkucite fi. ²³ Nomba moneni Yehoba nabika umupashi wakubepa mutunwa twabakasesema bonse aba; kabili Yehoba nasosela imwe ububi. ²⁴ Elyo Sedakia mwana Kenana apeleme aumine Mikaya pe saya, no kutila, ''Nikwi ukwapita umupashi wakwa Yehoba pakufuma kuli ine nokuya sosa kuli iwe? ²⁵ Nao Mikaya atile, ''Mona iwe, uamona ubo bushiku ilyo ukengila mumuputule wa mukati ka kufisama. ²⁶ Ilyo imfumu yakwa Israeli yatile bula Mikaya nokumu bwesesha kuli Amone mushika wa musumba, na kuli Yoashi umwana mwaume wa mfumu no kutila, ²⁷ ''Efyo imfumu yatila, bikeni uyu muntu mucifungo, nokumulisha icilyo cakufyenenkesha noku mupela amenshi yaku fyenenkesha ukufika ilyo nkabwela umutende. ²⁸ Nao Mikaya atile, ''Ukubwela nga mwabwela umutende ninshi Yehoba tasoselel muli ine. kabili atile, ''Umfweni mwe bantu nabantu. ²⁹ Elyo imfumu yakwa Israeli na Yehoshafati imfumu yakwa Yuida baninine, baile ku Ramote-gileadi. ³⁰ Kabili imfumu yakwa Israeli yatile kuli Yehoshafati, ''Ndilufyanya nokwingila mubulwi, lelo iwe ufwale ama laya yobe. Awe imfumu ya Israeli yaliilufyenye, yaingile namu bulwi. ³¹ Ninshi imfumu yakwa Aramu yalyebele bamushika amakumi yatatu na babili aba maceleta yaiko ukuti, '' Mwilalwa na munono nagu umukalamba kano fye imfumu yakwa Israeli yeka.'' ³² Nomba ba mushika bamaceleta pakumona Yehoshafati, batile, ukuba emfumu yakwa Israeli, kabili bayalukile pali wene kukulwa; na o Yehoshafati alikutile. ³³ Nomba ba mushika ba maceleta pa kumona ukuti te mfumu yakwa Israeli, ba bwelele mukumukonka. ³⁴ Lelo umuntu umo akanine mu buta umunshilolako, noku lase mfumu yakwa Israeli pakati ka fyku cinge cifuba. Elyo yatile kuwaleenshe celeta lyaiko, ''Ulula eceleta nokumfumya mu bulwi, pantu nindaswa icibi. ³⁵ Awe ubulwi bwalifukile muli ubo bushiku ne mfumu yalitungililwe mwiceleta lyaiko ukulungatana na bena Aramuukufike icungulo umulopa wa mu cilaso wapompela mukati ke celeta, kabili ku cungulo yalifwile. ³⁶ Elyo kwapitile imbila munkambi pakuwa akasuba, aiti, ''Umuntu no muntu aye ku calo cakwe; ³⁷ pantu imfumu naifwa! Awe baishile ku Samaria, no kushike mfumu mu Samaria. ³⁸ Kabili basambile iceleta pa cishiba ca Samaria, apowa bacilende, nembwa sha kabawile umulopa wa iko, umwabelele icebo cakwa Yehoba ico asosele. ³⁹ Nomba imilandu yakwa Ahabu iyashalako, na conse ico acitile, ne ng'anda ya meno ya nsofu intu akulile, ne minshio yonse intu akulile, bushe taya lembwa mwibuku lya milandu ya shamfumu shakwa Israeli? ⁴⁰ Awe Ahabu asendeme kuli ba wishi, kabili Ahasia mwane ali mfumu mwipunda lyakwe. ⁴¹ Kabili Yehoshafati mwana Asa atendeke ukuteta Yuda mu mwaka wa cine kuli Ahabu imfumu ya kwa Israeli. ⁴² Yehoshafati ali ne myaka amakumi yatatu na isano ilyo atendeke ukuteka, kabili ali imfumu pa myaka ama kumi yabili na isano mu Yerusalemu. Ishina lyakwa nyina ni Asuba mwana Shilhi. ⁴³ Wene aleenda mumibele yakwa Asa wishi; tapatwike kukucite cawama mu menso yakwa Yehoba; leo imisansama tayafimuwepo-abantu bacili baleipalapo nokufutumwinapo mumisansama. ⁴⁴ Kabili Yehoshafati acitile umtende ku mfumu yakwa Israeli. ⁴⁵ Nombna imilandu ya kwa Yehoshafati iyashalako, ne fya bumpalume fyakwe ifyo acitile, ne fyo alwile, bushe tafyalembwa mwi buku lya milandu ya nshikju shamfumu sha kwa Yuda? ⁴⁶ Kabili umushashi waba cilende ba mwashila abashelepo mu nshiku sha kwa Asa wishi, abakufishe mu calo. ⁴⁷ Kabili tamwali imfumu mu Edomu. ⁴⁸ Uwalashikwemo ku mfumu Yehoshafati acitile ingalaba sha Tarshishi, ku kuya ku Ofiri ku kuleta golide; lelo ingalaba tashaileko pantu shatobawilwe mu Esionegebre . ⁴⁹ Ilyo Ahasia mwana Ahabu atile kuli Yehoshafati, ''Leka ababomfi bandi baye naba bomfi bobemu ngalaba, Yehoshafati tafwaile. ⁵⁰ Yehoshafati asendeme kuli ba wishi, no kushikwa kuli ba wishi mu musumba wakwa Dabidi wishi; na Yehoramu mwane ali mfumu mwi punda lyakwe. ⁵¹ Ahasia mwana Ahabu atendeke ukuteka Irsaeli mu Samaria mu mwaka we kumi na cine lubali kuli Yehoshafati imfumu yakwa Yuda, kabili ali imfumu pali Israeli imyaka ibili. ⁵² Acitile ububi mu menso yakwa Yehoba no kwenda mu mibele ya kwa nyina, na mu mibele yakwa Yeroboamu mwana Nabati uwalengele Israeli ukubembuka; ⁵³ abombele Baali, alemushinshimuna, no kufisha Yehoba Lesa wa kwa Israeli ku mutima, nga conse ico wishi acitile.