¹ Pali ilya nshita Abiya umwana mwaume wakwa Yerobami alilwalishe. ² Yerobami atile kumukashi wakwe, ''Napapata ima kabili uilufyanye, pakuti bekwishiba ati uli mukashi wandi, kabiye kuli Shilo pantu kasesema aliya ali kulya; ewasosele palwa ine, ukutila imbe imfumu pabantu bonse. ³ Senda imikate ikumi, tu keeke, na kapu umukulu uwa buci, nokuya kuli Aliya. Aleya kweba icili nokucitika kumwana.'' ⁴ Umukashi wakwa Yerobaom aciotile ifi alifuminepo nokuya ku Shilo nokwisa mu ngánda yakwa Ahiya. ⁵ Yawe atiile kuli Ahiya, ''Mona umukashi wakwa Yerobaomu aleisa kukufwaya ubwafwilisho ukufuma kuli iwe ukulondolola pamwana mwaume wakwe, pantu ena nalwala. Ulande ifi nefi kuli ena, pantu ilyo aleisa, alefipanga kwati ninamayo umbi. ⁶ Ilyo Ahiya aumfwile icunda camakasa yakwe lintu aleingila pamwinshi wakwa Yerobaomu, atile, ''Ingila, wemwanakashi wakwa Yerobaomu. Cinshi ulefipangila ngo muntu uo ushishibe? Nalakutuma na amashiwi ayabi. ⁷ Kabiye, kebe Yrrobaomu ukuti Yawe, Lesa wakwa Israeli atile, 'Nakwimishe ukukufumya mubantu ukukupanga intungulushi yabantu bandi mu Israeli. ⁸ Nafumishepo ubufumu ukufuma kulupwa lwaka David nokupela kuli iwe lelo tawali ngomubomfi wandi Davidi, Uwasungile amafunde yandi nokukonka nomutima wakwe onse, kukuficitafye icalungama mumenso yandi. ⁹ Mukucila wacita ububi, ukucila bonse abakutangilile. Naupanga tulesa tumbi kabili nawenga ifimpasho naunkalifya kumutima, nokumposa kunuma yobe. ¹⁰ Eico, mona nkaleta ubonaushi palupwa lobe; ukufumyapo kuli iwe umwana mwaume onse nelyo musha nangu wakaele kabili ukupwisha ukufumyapo ulupwa lobe, ngaumo uuleoca icamafi yanama mpaka capwa. ¹¹ Onse uwakuma kulupwa lobe uukafwilwa mumusumba akaliwa kumbwa, na kufyoni fyamumulu, pantu nine, Yawe, nalanda. ¹² Kanshi ima, wemukashi wakwa Yerobaomu no kubwelela kumobe kungánda; elyo amakasa yobe yaleingila mumusumba, umwana Abiya aleyafwa. ¹³ Abamu Israeli bonse bakalosha pali ena no kumushika. Eumo ukufuma mulipwa uukaya kunshishi, pantu alifye umo ukufuma mungánda yakwa Yerobaom, tamuli nangu cimo iciyene mumenso yakwa Yawe, Lesa wakwa Israeli. ¹⁴ Kabili, Yawe akemya imfumu yamu Israeli ikaputula ulupwa lwakwa Yeroboamu pali bulya bushiku. Leelo nibulya bushiku, nomba line. ¹⁵ Pantu Yawe akapakasa Israeli ngefyo itete litenkana pamenshi, kabili akanukula Israeli incende isuma iyo apeele kufikolwe fyabo. Akabasalanganya peshilya lyamumana wa Eufrate, pamulandu nabemika Ashire wabo no kufisha Yawe kubukali. ¹⁶ Akapela Isreali pamulu pamulandu wamembu shakwa Yerobomu, imembu isho ifitile, nomo atungulwilile Israeli kulubembu.'' ¹⁷ Kanshi muka Yeroboamu alimine nokufumapo, kabili aile ku Tisa. Elyo aishile iingila mung'anda yakwe, umwana alifwile. ¹⁸ Abamu Israeli bonse balimushikile kabili ena balimuloseshe, ngefyo casoselwe kuli bena kwishiwi lyakwa yawe ilyasoselwe kuli Ahiya kasesema wakwe. ¹⁹ Nakumilandu imbi iikumine Yeroboamu, ifyo alwile ubulwi nefyo atekele, moneni, fyalilembwa mwibuku lyakunuma liashamfumu shamu Israeli. ²⁰ Yeroboamu atekele imyaka amakumi yabili na ibili nakabili alele nefikolwe fyakwe, na Nadabu umwana mwaume wakwe aishileba imfumu pempunda lyakwe. ²¹ Nomba REhoboamu umwana mwaume wakwa Solomoni aleteka mu Yuda, Rehoboamu ali nemyaka amakumi yane na umo ilyo ali imfumu, kabili atekele imyaka ikumi na cine lubali mu Yerusalemu, umusumba uo Yawe asalile pamikowa yonse iyamu Israeli kukwimikapo ishina lyakwe. Ishina lyakwa nina alini Nama namayo wamu Amore. ²² Yuda acitile icibi mumenso yakwa Yawe, balemufisha kumembu isho balecita, ukucita fyonse ifyo ifikolwe fyabo fyacitile. ²³ Pantu nabo baikulile pancende apatali, ifibumbili fyamabwe, no kwimika Ashire pakapili ponse apatali na mwisamba lyacimuti conse icalemba. ²⁴ Mwali nabacilende bamwashila mu calo. Bacitile fimo fine ifyalaselaushe inko isho Yawe apyanunwine kucinso ca bantu bamu Israeli. ²⁵ Cacitike mumwaka wakulenga amakumi yasano icakuti Shishaki imfumu yamu Egypto yaimine Yerusalemu. ²⁶ Yasendele ifyakubikamo mu ngánda yakwa Yawe, nefyakubikamo mung'anda ya mfumu. Yasendele fyonse; nakabili yasendele inkwela sha golide isho Solomoni apangile. ²⁷ Imfumu Rehoboamu yapangile inkwela sha mukuba muncende yabo no kufibika muminwe yabamushika babalinshi, abalelinda ifibi fya ng'anda yamfumu. ²⁸ Caleba ati lyonse ilyo imfumu ilengila mu ng'anda yakwa Yawe, abalinshi kuisenda, elyo nokuibwesha mung'anda yabalinshi. ²⁹ Napamilandu imbi iikumine Rehoboamu, nafyonse ifyo acitile, tafyalembwa mwibuku lya kunuma ilya sha mfumu shaba Yuda? ³⁰ Kwali ubulwi ubushaleputuka pakati kakwa Rehoboamu na Yeroboamu. ³¹ Eico Rehoboamu aleele na ifikolwe fyakwe kabili ashikilwe nafyo mumusumba yakwa Dabidi. Ishina lyaba nyina bali niba Nama namayo umwina Amore. Abiya umwana mwaume wakwe aishileba imfumu pepunda lyakwe.