¹ Umuntu umo afumine ku Yudav kwishiwi lyakwa Yawe ukuya ku Betele. Yerobaom aiminine ku cipailo kukufutumuna. ² Alilile pacipailo kwishiwi lyakwa Yawe: ''Wecipailo, wecipailo! Ifi efyasosa Yawe, 'Mona, umwana mwaume uukenikwa Yoshua akafyalwa mulupwa lwakwa David, napali iwe akaleta ilambo pali bashimapepo ba ku ncende shapa muulu uo nomba akafutumuna pali iwe. Pali iwe bakafutumuna amafuta ya bantu. ³ Kabili umuntu wakwa Lesa apeele icilangililo mubushiku bumo bwine,atile, ''Ici ecilangilo ico Yawe asosele: 'Mona icipailo cilelekana, ne miito pali cena shikafumapo.'' ⁴ Ilyo imfumu yaumfwile ifyo umuntu wakwa Lesa, ico alilile ku cipailo mu Betele, Yeroboam atambalike ukuboko kwakwe ukukufumya pa cipailo, atile, ''Mwikateni.'' Elyo ukuboko uko atambalikile umuntu kwalyumine, eico kanshi teeti akubweseshe. ⁵ Icipailo capandwike pakati ne miito shasalangene ukufuma pa cipailo, ngefyo alondolwele mucilangililo umuntu wakwa Lesa ico apelwe kwishiwi lyakwa Yawe. ⁶ Imfumu Yeroboam yaaswike nokutila ku muntu wakwa Lesa, ''Nandilako kuli Yawe Lesa obe nokumpepelako, pakutila ukuboko kwandi kubwelele kuli ine kabili.'' Kanshi umuntu wakwa Lesa apeepele kuli Yawe, nokuboko kwa mfumu kwabwelele kuli yena nakabili, nokuba ngefyo kwaciba. ⁷ Imfumu yatile ku muntu wakwa Lesa, ''Natuleya ku ng'anda naine nokuyatusha, kabili ndeya kukupela icilambu. ⁸ Umuntu wakwa Lesa atile ku mfumu, ''Nangufye wingampela hafu wafyo wakwata,tekuti ndeya nobe, nangu kulya ifyakulya nangu kunwa amenshi muli ino ncende, ⁹ pamulandu Yawe akonkomesha kwishiwi lyakwe, 'Wikalya umukate nangu ukunwa amenshi, nangu ukubwelela muntu wacipita. ¹⁰ Eico umuntu wakwa Lesa apitile mu nshila imbi kabili tabwelele ku ng'anda ukupita muli ilya nshila aishilemo ku Betele. ¹¹ Nomba kwali kasesema umukalamba umwikashi wamu Betele, kabili umo pabana baume bakwe aishile nokumweba fyonse ifintu ifyo umuntu wakwa Lesa acitile mu bushiku bulya mu Betele. Abana baume bakwe kabili bamwebele amashiwi ayo umuntu wakwa Lesa asosele ku mfumu. ¹² Ba wishi batile kuli ena, ''Ninshila nshi apitilemo?'' Nomba abana baume bakwe bamwene inshila umo umuntu wakwa Lesa uwafumine ku Yuda apitilemo. ¹³ Eico atile kubana baume bakwe, ''Nteyanisheni impunda.'' Kanshi bamuteyanishishe impunda kabili anininepo alaya. ¹⁴ Kasesema mukalamba aile ku muntu wakwa Lesa nokumusanga ekele mwisamba lya cemuti camu OkI; kabili yatiile kuli ena; ''Eiwe umuntu wakwa Lesa uufumene ku Yuda?'' Ayaswike, ''Nine.'' ¹⁵ Elyo kasesema mukalamba atile kuli ena, ''Tiye ku ng'anda naine nokuya;lya ifyakulya.'' ¹⁶ Umuntu wakwa Lesa ayaswike, ''Nshabwelelemo naiwe nangu ukuya nobe, nangufye ine ukulya ifyakulya nangu kunwa amenshi naiwe muli ino ncende, ¹⁷ pamulandu cikonkomeshiwe kuli ine kwishiwi lyakwa Yawe, wikalya icakulya nangu ukunwa amenshi mulya, nelyo ukubwelela mu nshila wacipitamo.'' ¹⁸ Eico kasesema umukote atile kukli ena, ''Naine wine ndi kasesema ngefyo uli, kabili malaika asosele kuli ine kwishiwi lyakwa Yawe, atile, 'Mubweshe naiwe mu ng'anda yobe, pakuti alye ifyakulya no kunwa amenshi.'' Lelo Alebepafye ku muntu wakwa Lesa abwelele kunuma umukate no kulya ifyakulya no kunwa amenshi.'' Lelo alebepafye ku muntu wakwa Lesa. ¹⁹ Eico um wana wakwa Lesa abwelele kunuma na kasesema umukote nokulya ifyakulya mu ng'anda yakwe no kunwa amenshi. ²⁰ Ilyo baikele kwitebulo, ishiwi lyakwa Lesa lyishile kuli kasesema uwamubweseshe kunuma, ²¹ kabili abilikishe ku muntu wakwa Lesa uwafumine ku Yuda, atile, ''Yawe atile, 'Pamulandu taukonkele ilyo Yawe Lesa obe akupeele, ²² lelo wabwelele kunuma kabili naulya nefyakulya nokunwa amenshi mu ncende umo Yawe akwebele ukukana lyamo ifykulya no kunwa amenshi, umubili obe tawakashikwe mu nshinshi shabashibo.'' ²³ Panuma yakulya ifyakulya no kunwa, kasesema amupekanishishe impunda ya muntu wakwa Lesa, umuntu uo bacibwele nankwe. ²⁴ Ilyo umuntu wakwa Lesa aleya, inkalamo yamukumenye mumusebo nokumwipaya, no mubili wakwe washele mumusebo. Elyo impunda yaimanine pali cena, inkalamo nayo yaimanine paci mubili. ²⁵ Ilyo abantu abalepita mupepi bamwene umubili mumusebo, elyo inkalamo yaimine mupepi nomubili, baishile nokulanda mumusumba umo kasesema umukote aleikala. ²⁶ Ilyo kasesema uwailemubwesha mu nshila kunuma aumfwile, atile, ''Muntu wakwa Lesa uushinkonkele ishiwi lyakwa Yawe. Eico Yawe amupela kunkalamo, iimuputawile mutupimfya nokumwipaya, ngefyo ishiwi lyakwa Yawe lyamusopeshe. ²⁷ Eico kasesema umukote asosele kubana baume bakwe, atile, ''Pekanteni impunda yandi,'' kabili balipekenye. ²⁸ Alileko nokusanga umubili mu nshila, na mpunda ne nkalamo fiminine pa mubili. Inkalamo tayalile umubili, nangu kupakasa impunda. ²⁹ Kasesema asendele umubiliu wa muntu wakwa Lesa, aulalike pa mpunda, nokubwesha. Aishile mumusumba wakwe nokumushika. ³⁰ Alalike umubili mumanda yakwe, kabili balimuloseshe, baleti, ''We bulanda we munyinane!'' ³¹ Elyo panuma yakumushika, umukote kasesema asosele kubana baume bakwe, atile, ''Ilyo nkafwa, mukanshike mumanda umwashikwa umuntu wakwa Lesa. Mukantambalike amafupa yandi mumbali yamafupa yakwe. ³² Pantu icebo alebila mwishiwi lyakwa Yawe, mucipailo ca mu Betele kabili mu mayanda ya mumusumba yapamulu mu Samaria, cikafikilishiwa.'' ³³ Panuma yaifi Yeroboam tafumine kumibele yakwe iibi, lelo akonkenyepo ukusala bashimapepo ba mu ncende shapamulu ukufuma kufyo abantu bonse balekabila. Onse uo atemenwe alimupangile ukuba shimapepo. ³⁴ Uyu mulandu wali lubembu kulupwa lwakwa Yeroboam kabili lyalengele ulupwa lwakwe ukonaulwa nokufumishiwapo ukukana moneka pe sonde.