4

¹ Яратоноосы! Коть кыӵе но духъёслы эн оскелэ, духъёсты эскерелэ Инмарлэсь-а соос, малы ке шуоно дунне вылэ трос потӥзы ини пӧяляськись пророкъёс.

² Инмарлэсь Духсэ, но ёромытысь духез тодманы луоз:коть кыӵе дух кудӥз ивортэ Иисус Христос лулмугорен лыктӥз шуыса, со луэ Инмарлэсь.

³ Нош дух, кудӥз Иисус Христос лулмугореныз лыктӥз шуыса уг ке верало, со Инмарлэсь уг луы, со антихристлэн духез луэ, тӥ со сярысь кылӥды ини, со лыктоз, али но вань ини дуннеын.

⁴ Пиналъёс! Тӥ Инмарлэсь, соосты тӥ вормиды, малы ке шуоно кин улэ тӥляд сюлэмады, со бадӟымгес, солэсь кин дуннеын.

⁵ Соос та дуннеысь, соин соос верасько но дуннеын улӥсьёс кадь ик, соосты дунне кылзӥське.

⁶ Асьмеос Инмарен ӵош улӥськом:кин тодэ Инмарез, соос асьмелэсь верамез кылзӥсько, а кин Инмарен ӧвӧл, соос асьмелэсь верамез ук кылзӥсько. Отысь ик тӥнӥ тодӥськом земос дух, кудӥз ӥыромытысь.

⁷ Яратоноосы! Ойдолэ огмес-огмы яратомы, малы ке шуоно яратон со Инмар бордысь потэ, яратӥсь адями Инмарлэсь вордӥськемын, уго со тодэ Инмарез.

⁸ Кинлэн ӧвӧл яратонэз, со уг тоды Инмарез малы ке шуоно, Инмар - со яратон.

⁹ Инмарлэн яратонэз усьтӥськиз, асьмелы куке Инмар одӥг гинэ Пизэ дунне вылэ ыстӥз. Со пыр асьмеос ноку но быронтэм улон мед басьтомы шуыса.

¹⁰ Со бордын яратон, Инмарез ведь асьмеос ӧм яратэ, а Со асьмемыз яратӥз но ыстӥз Аслэсьтыз Пизэ юрттыны асьмелы сьӧлыкъёс мылэсь куштӥськыны.

¹¹ Яратоноосы! Инмар озьы гинэ асьмеосты яратӥз бере, асьмеос но огмес-огмы яратыны кулэ.

¹² Инмарез нокин ноку но ӧз адӟы, асьмеос огмес-огмы яратӥськом ке, Инмар асьмемын улэ. Солэн яратонэз быдэсак пыӵамын асьме бордын.

¹³ Асьмеос Инмарен улӥськом, нош Со асьмемын улэ шуыса тодӥськом отысь, Со сётӥз Аслэсьтыз Духсэ асьмелы.

¹⁴ Асьмеос адӟим но шара вераськом:Инмар Аслэсьтыз Пизэ ыстӥз дуннеез Утись мед луосз шуыса.

¹⁵ Кин Иисусэз Инмарлэн Пиез луэ шуыса шара вера ке, Инмар соин улэ, и со но ӵош Инмарен улэ.

¹⁶ Асьмемыз Инмар яратэ шуыса тодӥм но, солы оскимы. Инмар - со яратон кинлэн сюлмаз яратон со Инмарен, а Инмар соин.

¹⁷ Яратон сыӵе зол пыӵамын асьмелэн сюлэмамы, суд нуналэ но ум кышкалэ, малы ке шуоно асьмеос дунне вылын улӥськомы шонер, Со соин ик.

¹⁸ Яратонын кышкан ӧвӧл, нош сюлэмын пыӵам яратон улля кышканэз, малы ке шуоно кышканын вань курадӟон кышкась муртлэн сюлэмаз яратон пыӵамын ӧвӧл.

¹⁹ Ойдолэ яратом Инмарез малы ке шуоно, Со яратӥз асьмемыз валлё.

²⁰ Кин ке вера:мон яратӥсько Инмарез нош братсэ адӟонтэм каре, со пӧяляськись, кин ке адӟыса но уг яраты аслэсьтыз братсэ, кызьы со быгатоз яратыны Инмарез, кудзэ уг адӟы?

²¹ Асьмелы со сыӵе заповедь сётӥз: Инмарез яратӥсь мурт, яратыны кулэ аслэсьтыз братсэ но.