5

¹ Котькудӥз оскись адями Иисуслэн Христос луэмезлы Инмарлэсь вордӥськемын. Кин яратэ вордиськытӥсез, со Солэсь вордскисез но яратэ.

² Инмар пиналъёсты асьмеос яратӥськом шуыса тодӥськом, куке яратӥськом Инмарез но заповедьёссэ Солэсь быдэсъяськом ке.

³ Со ик луэ вань Инмарлы яратонмы, малы ке шуоно асьмеос тыршиськом но улӥськом Солэн заповедьёсызъя. А заповедьёсыз Солэн секытэсь ӧвӧл.

⁴ Коть кин.кин вордӥськемын Инмарлэсь, со адями ворме дуннеез. Со вормон Асьмеос дуннеез вормиськом асьмелэн осконэнымы.

⁵ Кин оске Иисус Инмарлэн Пиез шуыса, со ворме дуннеез?

⁶ Иисус Христос лыктӥз вуэн, вирен но Духен, одӥг вуэн гинэ ӧз, а вуэн но вирен. Дух шара ивортэ малыке шуоно Дух со зэмлык.

⁷ Инмын куинь ивортӥсьёс:Атай, кыл но Святой Дух, куиньназы ик соос одӥг луо.

⁸ Музъем вылын но куинь ивортӥсь Дух, ву но вир куиньназы ик одӥг луо, огкылысь.

⁹ Адямиослэсь и вортэмзэс кылзиськом, басьтӥськом ке, нош Инмарлэн луэ ивортэмез шонергес но бадӟымгес, малы ке шуоно со ивор Инмарлэн. Инмар шара вера, ивортэ Аслэсьтыз Пизэ.

¹⁰ Кин оске Инмар Пилы, вера аслыз ачиз, Инмарлы оскисьтэм адями Инмарез пӧяляськись шуыса вера, малы ке шуоно Инмар Аслаз Пиез сярысь шара верамезлы уг оскы.

¹¹ Со свидетельствоын шуэмын:Инмар асьмелы быронтэм улон сётӥз, а со улон Аслаз Пиез бордысен кутске.

¹² Кинлэн сюлмаз улэ Инмарлэн Пиез, солэн быронтэм улонэз вань, нош кинлэн сюлэмаз ӧвӧл Инмарлэн Пиез, соослэн ӧвӧл быронтэм улонзы.

¹³ Тае мон гожтӥ тӥледлы Инмар Пилы оскисьёслы. Тӥ мед тододы оскыса улӥды ке Инмар Пилы, соку тӥляд быронтэм улонды вань.

¹⁴ Асьмеос кышкатэк быгатӥськом Инмар азьын курыны коть мае Солэн воляезъя. Со асьмемыз кылэ.

¹⁵ А куке асьмеос тодӥськом Со кылэ шуыса, соку тодӥськом:мае гинэ ум куриське Солэсь, ваньзэ басьтӥськом.

¹⁶ Кин ке аслэсьтыз братсэ адӟе сьӧлыкен сьӧлыкамзэ кудӥз кулонэ уг нуы, мед вӧсяськоз, но Инмар сётоз кулонэ нуисьтэм улон, сьӧлыкен сьӧлыкасьлы. Вань кулонэ нуись сьӧлык: со сярысь уг вераськы, медаз вӧсяськы.

¹⁷ Котькыӵе но шонертэм улон - со грех луэ, но вань грех кудӥз кулонэ уг нуы.

¹⁸ Асьмеос тодӥськомы кин Инмарлэсь вордӥськемын соос грешить уг каро, Инмарлэсь вордӥськем мурт ассэ уте, со борды уг ни кутскы лукавый.

¹⁹ Асьмеос тодӥськом, Инмарен ӵош валче луиськом шуыса, нош быдэс дунне улэ вожпотонэн, йыркуръяськыса.

²⁰ Озьы ик тодӥськом Инмарлэн Пиез лыктӥз но сётӥз асьмелы визь, мед тодомы Инмарез шуыса. Земос Пиез Инмарлэн Иисус Христос бордын мед уломы. Со луэ земос Инмар но быронтэм котьку улон.

²¹ Пиналъёс! Асьтэдыс утелэ идолъёслэсь. Аминь.