3

¹ Учкелэ али, кыӵе яратонзэ сетӥз асьмелы Атаймы. Инмарлэн пиналъёсыз мед луомы шуыса. Солэн ик пиналъёсыз луиськом но. Дунне соин уг тоды асьмемыз, малы ке шуоно соос кулэ ӧз каре Инмарез.

² Яратоноосы! Асьмеос табере Инмар пиналъёс, эшшо ӧз на усьтӥськы, асьмеос кыӵеесь луомы. Но тодӥськом, куке усьтӥськоз Солы кельшом, малы ке шуоно Сое адӟомы, кыӵе Со вань.

³ Котькин но Солы оскыса возьмась, ассэ дунматэ, малы ке шуоно Со дун-чылкыт.

⁴ Котькин сьӧлык лэсьтӥсь мурт, Инмарлэн законэзлы пумит уж лэсьтэ. Сьӧлык со Инмар законлы пумит уж лэсьтэм луэ.

⁵ А тӥ тодӥськоды-а, малы Со лыктӥз асьме доры, асьмелэсь сьӧлыкъёсмес басьтыны, нош Солэн нокыӵе но сьӧлыкез ӧвӧл.

⁶ Котькин Соин ӵош улӥсь уг сьӧлыка.Котькин сьӧлыкаса улӥсь Сое ӧз адӟы, но ӧз тоды.

⁷ Пиналъёс! Нокин но тӥлесьтыд визьдэс медаз сура. Кин шонер ваньзэ лэсьтэ, со шонер улӥсь, кельшур Иисуслы, шонер улӥсьлы.

⁸ Кин сьӧлыкаса улэ,со дьяволлэсь луэ, малы ке шуоно, первой ик дьявол сьӧлыказ. Соин ик Инмар Пи лыктӥз дьяволлэсь ужъёссэ куашкатон понна.

⁹ Инмарлэсь вордӥськем мурт уг сьӧлыка, малы ке шуоно, Солэн кылыз улэ со пушкын, соин ик со сьӧлыканы уг быгаты, малы ке шуоно Инмарлэсь со вордӥськемын.

¹⁰ Инмарлэсь пиналъёссэ но дьяволлэсь пиналъёссэ тодманы луэ тазьы:шонертэм уж лэсьтӥсь мурт Инмарлэн ӧвӧл со, озьы ик кин уг яраты братъёссэ.

¹¹ Сыӵе благовествование, кудзэ тӥ кылӥды кутсконысьтыз, огмес-огмы мед яратомы шуыса.

¹² Каин кадь ум луэ, со вал дьяволлэсь, аслэсьтыз вынзэ вииз. А мар понна вииз? Малыке шуоно солэн ужъёсыз уродэсь вал, нош вынызлэн ужъёсыз шонересь вал.

¹³ Эн паймелэ братъёссы, куке тӥледыз дунне адӟонтэм каре.

¹⁴ Асьмеос тодӥськом ук кулонлэсь потӥм улонэ шуыса, малы ке шуоно асьмеос яратӥськом братъёсмес, нош кин уг яраты братъёссэ ,соос мыно кулонэ.

¹⁵ Кин адӟонтэм каре аслэсьтыз братсэ, со адями виись луэ, нош тӥ тодӥськоды ни адями виись ноку но быронтэм улонэ уг мыны.

¹⁶ Куке Иисус аслэсьтыз лулзэ сётӥз асьме понна, асьмеос отысь тодӥм яратонэз. Озьы ик асьмес но сётыны кулэ лулмез братъёсмы понна.

¹⁷ Кинлэн вань ваньбурез дунне вылын, нош аслаз братэзлэсь ёрмыса улэмзэ адӟе но уг юртты, со бордысь палэнске, сюлэмзэ пытса - кызьы сыӵе мурт бордын Инмарлэн яратонэз улоз.

¹⁸ Пиналъёсы мынам! Ойдолэ яратомы зэмос ужъёсынымы, ӧвӧл яратоно кылынымы гинэ, чебер кылъёсын.

¹⁹ Танӥ асьмеос тодӥськом зэмлык бордын шуыса но буйгатӥськом сюлэмез Со азьпалан.

²⁰ Куке асьмелэн сюлэммы асьмемыз судить каре, Инмарлэн-а уз кары, малы ке шуоно Инмар бадӟымгес сюлэммылэсь. Со ваньзэ тодэ-вала.

²¹ Яратоноосы! Асьмелэн сюлэмьесмы асьмеды судить уг ке кары, соку асьмеос быгатӥськом кышкатэк улыны Инмар азьпалан.

²² Ваньзэ, мае куриськом Инмарлэсь, басьтом. Малы ке шуоно асьмеос улӥськом заповедьёсъя, чакласькыса. Солы лэсьтӥськом ярамон, ӟеч уж.

²³ Нош заповедез Солэн таӵе, асьмеос мед оскомы Пиезлы Иисус Христослы но ог-огмес яратыса мед уломы, кызьы Со косӥз асьмелы.

²⁴ Кин Инмарлэн заповедьёсызъя улэ, со Инмар бордын улэ, а Инмар со бордын. Кызьы Со асьме бордын улэ тодӥськом Духъя, кудзэ Со сётӥз асьмелы.