2

¹ Пиналъёсы мынам! Тае гожтӥсько тӥледлы, сьӧлыке медам пырэлэ шуыса, а кин сьӧлыказ ини ,асьмелэн вань Иисус Христосмы, кудӥз Атаез азьын быгатэ курыны, сьӧлыкмез куштыны.

² Со быгатэ сьӧлыкмес куштыны,асьмелэсь гинэ ӧвӧл, быдэс дунние вылын улӥсь калыклэсь.

³ Солэн заповедьёсызъя улӥськомы ке, Со возьматэ ини ,асьмеос Сое ӟеч тодӥм- валам шуыса.

⁴ Кин- ке вера: "Мон Сое тодӥсько", нош ачиз Солэн заповедьёсызъя уг улы, со пӧялляськись, шонерез солэн ӧвӧл,

⁵ А кин ке улэ Солэн кылызъя, со вылын земзэ Инмарлэн яратонез быдэсмиз, сыӵеосыз уло Инмарен.

⁶ Кин- ке вера, Соин улӥсько шуыса, со озьы улыны кулэ, кызьы улӥз Со.

⁷ Яратоноосы! Мон тӥледлы выль заповедь уг гожтӥськы, та туж кемалась вуж заповедь, кудӥз тӥляд кемалась вал ни, тӥ сое кылӥды азьвыл ик.

⁸ Озьы ке но, Мон гожтӥсько тӥледлы выль заповедь, со землык Со бордын но улэ, тӥ бордын но улэ, малы ке шуоно, пеймыт ортче, нош зэмос югыт уже пиштэ ини.

⁹ Кин вера,мон югытэн улӥсько ни, нош вынзэ адӟонтэм каре, сыӵе адями улэ на пеймытын.

¹⁰ Кин аслэсьтыз вынзэ яратэ, со югытын улэ, со бордын нокыче но ӧвӧл уродэз.

¹¹ Нош кин адӟонтэм каре аслэсьтыз вынзэ, со пеймытын улэ (урод ужьёсын улэ), пеймыт интытӥ ветлэ, ачиз но уг тоды кетчы мынэмзэ, малы ке шуоно ,солэсь синьёссэ пеймыт пытсаз.

¹² Гожтӥсько мон тӥледлы, пиналъёс ,малы ке шуоно, сьӧлыкъёсты тӥляд куштэмын Солэн нимыз понна.

¹³ Гожтӥсько атайёслы, тӥ тодӥды - валады кутсконысеныз ик инмын Улӥсьлы .Егит пиослы гожтӥсько, тӥ вормиды лукавоез. Гожтӥсько тӥледлы,пияшъёс, малы ке шуоно, оскиды.

¹⁴ Мон гожтӥ тӥледлы, атайёс ,малы ке шуоно тӥ оскиды Инмарлы. Мон гожтӥ пиослы, малы ке шуоно тӥ кужмоесь, Инмарлэн кылыз улэ тӥляд сюлэмады, но тӥ вормиды лукавоез.

¹⁵ Эн яратэ та дунниез, мар вань дунние вылын но: кин яратэ дуннез ,солэн сюлмаз Атайлэн яратонэз ӧвӧл.

¹⁶ Ваньмыз мар вань дунние вылын: лулмугорлэн укыр трос (ортчыт трос) куронъёсыз, синлэн уродэзлы синмаськон, вылтӥяськыса улон та ӧвӧл Инмарлэсь, ваньмыз со луэ та дуннелэсь.

¹⁷ Та дунне но ортче, туж трос куронъёсмы но, нош кин быдэсъя Инмарлэсь куронёссэ, со улоз котьку но.

¹⁸ Пиналъёс! Берпуметӥ даурмы ни. Кызьы тӥ кылӥды ини, Антихрист (Христослы пумитъяськись) лыктоз шуыса, али трос потӥзы ни антихристосъёс, отысен асьмеос тодӥськом берпуметӥез даур вуиз шуыса.

¹⁹ Соос потӥзы асьмеос пӧлысь ик, но соос асьмелэнъёс ӧй вал:асьмелэнъёс асьмемын: нош соос ,потыса ,кошкизы ,соку тодмо луиз ваньмыз асьмелэн ӧвӧл шуыса.

²⁰ Святойлэн (сьӧлыктэмлэн) тӥледыз вӧямез (мазать каремез) вань ке ,озьыен тӥ ваньзэ тодӥськоды.

²¹ Мон тӥледлы ӧй гожты шонер улонэз медам тодэ шуыса: гожтӥ соин, тӥ тодӥськоды, коть кыӵе но пӧяськон шонер улонысь уг поты шуыса.

²² Пӧялляськись -со, кин Иисусэс Христос ӧвӧл шуыса, малпа. Со антихрист, Атаез но ,Пиез но кулэтэм карись.

²³ Кин ке кулэтэм каре Пизэ, соослэн Атайзы ӧвӧл, нош кин ке кулэ каре Пизэ сослэн Атайзы вань.

²⁴ Озьыен мар тӥ кылӥды кутсконысьсеныз, со тӥляд сюлмады мед улоз. Тӥляд сюлмады улӥз ке, соку тӥ Атай вӧзын (бордын) но Пи вӧзын улоды.

²⁵ Со кылзэ сётӥз (медӥз) асьмелы быронтэм улон сётыны.

²⁶ Тае мон тӥледлы гожтӥ кудъёсыз тӥледыз йыромытэмзы потэ.

²⁷ Тӥ Христослэсь басьтӥды помазанизэ (вӧйын зырӟезэ) ,Со тӥ бордын. Улэ соин ик, тӥледлы мукет дышетӥсьёс кулэ ӧвӧл ни. Та помазание дышетэ тӥледыз котьмалы со шонер. Отын пӧяськонэз ӧвӧл. Соин ик, кызьы Со тӥледыз дышетӥз,озьы ик со бордын улэ.

²⁸ Озьыен пиналъёс, Со бордын улэ. Куке Со лыктӥз ,возьдаськоно медаз луы Со азьпалан. ( кышкатэк тыршелэ)

²⁹ Тодӥськоды - а, Иисус Христос шонер улӥсь шуыса, тодэлэ сое но, котькин шонер улӥсь мург вордӥськемын Инмарлэсь шуыса.