1

¹ Мар вал кутсконысеныз, мар асьмеос кылӥм но, адӟим ас синъёсынымы, аслам киынымы кутылӥм улонлэн Кылыз сярысь. -

² Улон лыктӥз но, асьмеос сое адӟыса инвортӥськом бырисьтэм улон вань сярысь, кудӥз со Атайлэн вал, но асьме доры но лыктӥз,-

³ Мае ми адӟимы но кылӥмы, тӥледлы вераськом, тӥ но милемын ӵод огазеяськыса мед улоды, асьмелэн огазеяськыса валче ӵош Атайлэн солэн Пиеныз Иисус Христосэн.

⁴ Тае гожтӥсько тӥледлы пачыл шумпотонды мед быдэсмоз.

⁵ Тани таӵе ивор веран, Солэсь ми кылӥм и тӥледлы но вераськом: Инмар со югытлык, Со бордын нокыӵе пеймытэз ӧвӧл.

⁶ Ми Соин ӵош огазьын улӥськом шуиськом ке, нош асьмеос пеймытын ветлӥськом, соку пӧяляськиськом, шонер, кызьы кулэ ум улӥське,

⁷ Югытын нош улӥськомы ке, кызьы Со улэ югытын, соку асьмеос огазьын ӵош улӥськом, соку Солэн Пиезлэн Иисус Христослэн Вирез асьмемыз дунматэ котькыӵе сьӧлыклэсь.

⁸ Куке вераськом мынам сьӧлыке ӧвӧл, соку пӧяськом асьмемыз асьмеос, озьыен асьмелэн пушкамы шонерлыкмы ӧвӧл.

⁹ Асьмеос ватытэк сьӧлыкмес вераськом ке, Со оскымон но шонер луисьлы, сьӧлыкъёсмес асьмелэсь куштэ, дунматоз вань шонертэм улонлэсь.

¹⁰ Ми сьӧлык ӧм лэсьтэ, шуиськом ке, асьмеос Сое пӧяляськись шуыса возьматӥськом, нош Солэн кылъёсыз асьмелэн сюлэмамы ӧвӧл.