¹ Chew mani, bah sui beh tumu mani, ka bah su ya'a sunchiri, nchimsu do buna sa. ² Ikun beli, yi bah su bi'ina wu njere ma swrmai ka ma nzoo, su do mur shenshene ma lo'olilim ka su do wara lo'o Baku biwa sa. Ku ta'a pur i ngichewe, su rengya kunsu yi nchi wu bapina mbwang ku dum Baku. ³ Pahlo'o su ma shima lo'o na kussa, a kussa wa ba a mu tahnzah yirya. ⁴ Ku re'eshe ya, Baku ma tahramman mani tahwa nchimya ma be'ene pah ngichewe, chew na, a do ngina sun bung ban ma pahlo'o kahkah Kristi sa, bah yini lilim Baku. ⁵ Su do mur ma'akun mursu sa, kpah ma Kristi Yeso i mur yi Tarsu, su koromwun ku chw Yeso. ⁶ Baku yi bah ciwa ne, "bungyu ku bung ban ku ciri pinna" I bungya i ciri nchimsu ne i bung she'ele kahkah Baku i dum Yeso Kristi. ⁷ Sui yo murum mani ku bum wwu hallang ma che'e ba ko pur ne beh ganmuru ma Baku do masu sa. ⁸ Su linna chiri ku njere bwana, a do linna su bwang sa. A ngbingya su, su do buna nchimsu sa. a pana wusu chiri kpah ma a do tana kpasang i su sa. ⁹ A mu pah wusu chiri, kpah ma, a do dudungya i su sa. A ngya'aha su, kpah ma su do biw sa. ¹⁰ Duhi duhi sui twala wuh Yeso ku yirsu ne a sah tumu Yeso ku yirsu kpa. ¹¹ Su bah sui nchimsu a mur pah su duhi duhi yi chew Yeso, ne tumu Yeso i ningyi sah ku yirsu ma bapina. ¹² Chew mani yiba, wuh i mur pa'a tumu ku yirsu, kpah ma nchimu i mur pa'a tumu ku yirwun. ¹³ Kpah ma sui beh mpilar ma pahngichewe bee bah a ngwa'ala, "pana ngichewe, yibah chiwa" su kpa na su pana ngichewe yi bah lo'ana. ¹⁴ Su shi'ila yi bah lo'asa Yeso yo boh bah wuh, ko bassa lo'oso su i Yeso, su shi'ila ne ko warsu i Yeso yo i su ku dui. ¹⁵ Wu gir mbwang a chew wun. bene bah ngya nzo yara wa bapina bwana, bwata bwana yi kahkah Baku. ¹⁶ Chew mani su do buna nchimsu sa ku nzai sumu biwi, yo buwi a mur ma'a sumu ning piwi duhi-duhi. ¹⁷ Chew mu lichiri ma chige'e ban mani i mu girshi su mashen lu'ura kahkah ma hueng bah bwa'ala mah. ¹⁸ Chew bah su do mur su gir bah a mur sunu sa kpahma ba a do mur sunu gir bah sumu ngi sun ya. wu gir belya a doi ning ma hueng sa, wu bah su do mu ngi sunya sa ya ma hueng.