¹ Su mur pak ma bassa lem ka'amursu su kpah? Su do njila mpuknshem rengkunnu yo ba wun ke mashen ba wun, bene wu gina bapina sa, ke do na sa? ² Wun i ka'amurwun wuni mpuknsheme rengkun su, bah a ngwa'ala ku nchimsu bah wu bapina mbwang a shi'ila ka a mu balla kpah. ³ Wu suna ne, wu mpuknsheme ma pur yo bah Kristi, bah su pana. A do ngwa'ala i mu'uru gir ngyo'olo sa, a ngwa'ala i mpilar Baku i nchimi. A do ngwa'ala ku mur bam tah ngwo'olo ma tah sah, a ngwa'ala i mur bam tah ngwo'olo nchim wu bapina. ⁴ Mani yi malanchimu ba sui yi ku ta'a Kristi. ⁵ Su do i ngi ma ka'amur su sa, bah su ngya kwa'asu ne gima i wua yo basu sa. I kun bili, ngih gir su pura yo bah Baku. ⁶ Baku yi ma'ana su ne su ngi ning wu korom ma piwi kurbuhu mani do kurbuhu ma mpuknsheme sa. ma mbilar. Mpuknsheme i woll bapina, kpah ma mpilar i pah nchimu. ⁷ Tumu bah billa wuh - yi bah a ngwo'ola ku mur tah - yuana ku ciri kahkah bah ma'ana wu muna Isra'ila do ngina sun mis Musa sa, mani chew ne beh kahkah bah ku mishi yi kahkah ma malai. ⁸ Mani beh jeh kahkah tumu bah mpilar mur pa'a? ⁹ Tum biwi gir nai kahkah, mani bwana kahkah bah tum girshima ko pa'a? ¹⁰ Ngichewe, gir bah woi kahkah, do gamur kahkah i ban mani sa, chew beh kahkah bah bwa'alai! ¹¹ Gir ma malla mani nai kahkah, mani bwana kahkah bah gir ma hueng ko kumu! ¹² Chew bah sui ma'anchimu mani, sui ngyarngya nchimu bwana. ¹³ Su do bene Musa ba kussa mishi i twankusu ne wu ba Isra'ila a do ngina sun marsa kahkah ma mallai sa ku ban chele ya. ¹⁴ Kpa ma, a kussa re'eshe ma nchimya, ma yo linna twankussu i ho, a na mu bal ngwo'olo ma ya'a kurbuhu. A do fana sa, chew bah ku ciri Kristi nah, yibah ai wuhi. ¹⁵ Kpa ma, ma yo linna, a na mur bal mpuknshem Musa, twankussu ma'ana ho ku nchiya. ¹⁶ Kpah ma, bapina na pi'ira ma yo bah Tarsu, a wuha beh twankussu. ¹⁷ Tarsu yini beh mpilar. Bana bah mpilar Tarsu na ha, tahbuhu i ham. ¹⁸ Mbwang su, i missu bah a do kussa i twankussu sa yi ba sumu sun kahkah Tarsu. su kuma pi'iri mashen beh kahkah mani yo ni mashen beh kahkah mani, yo ni mashen ban ma dwai, bene yo bah Tarsu ba yini mpilar.