¹ Su shi'ila ne ana biwa beh lah su ma ramman bah su ningya ha bui mani, sui lah maginai yo bah Baku. Lah bah a do ba'ana yi buk bapina sa. lah ma hueng ku kalang. ² Chew ku yiru ma bapina su ur korro su u ta'ara ne a yish wusu ban ningya su ma kalang ³ Su mur ta'ara mani ne ku ta'a yish wusu a do kum su mgbele sa. ⁴ Ngichewe, bah su ha beh bum lah mani su mur korro, a kura su lu'ura ka'ala. Su do njila ning mgbele su sa, i kun bili su njila ne a yish wu su ka'ala, chew nchimu i mel gir ma wuhnai. ⁵ Bwara bah i mur girshi chew beh gir mani yini Baku i mur gir bah i wuna. ⁶ Chew mani so ning i ma'anchimu duhi duhi su she'ele su na ningya i lah ku yirsu, su ningya pim i Tarsu ⁷ Ku mur pahngichewe ya bah su mu shene, do ku mur sun missu sa. ⁸ Chew mani, sui ma'anchimsu, ne su pa'a pim i yiru ne su ning ban mo'on i Tarsu. ⁹ Su ma'anai ningya gir njele su, ne su na ku pwer i yiru ke pim, su bung nchimmi. ¹⁰ Chew gba'a bwang su, so chele ku du gir kumu ma wu gir bah su pa'aha ku yiru mashimai ke mabiwai. ¹¹ Chew mani, su shi'ila ji'iri Tarsu, su mu sung wu bapina. Baku i mu sun gir su, su ham ma'ana nchimam ne, inah kpah na ku nchimwun. ¹² Su do mu njel ne su sung wun ne wu sun su bene so ba ngichewe sa. i kun beli, su mu ma'a wun ne wu sun gir bah ma'ana wun wu ngya kwa'awun i su, ne wu kum girchewe bah wu lo'o wa wu bah a mur ngya kwa'aya i gir bah pura do i gir bah i ku nchimu sa. ¹³ Su na pura i nchimsu, i chew Baku. kpah su na ningya ku ciri nchimsu, chew wun yi ma'ana. ¹⁴ Chew njele Kristi ma'ana su bga'a, ne su ma'a mani: chiwa ne bapina mo'on wuhna chew wu bapina bwana, chew na mbwang wu bapina a wo'aha. ¹⁵ Kristi wuhna ta'a wu bapina mbwang. chew ne wu ba ai nchimya a do bassa ning ningya ma ka'amur ya sa. i kun beli a ning y ba wuhna ka a ha lo'asai. ¹⁶ Chew gir mani, yo ban mani su do bassa rengchewe bwara ku mur sunu ma ngyam i shila sa, su shi'ila ne su wo suna Kristi nah. Kpah ma, i ban mani so do bassa renchewe yi bwara na sah. ¹⁷ Chew mani bwara ba na ku ciri kristi yi piwi bapina. Wu ya'a gir ma bua'ala ma sunu a ningya piwi ya. ¹⁸ Wu gir mani mbwang a pura yo bah Baku. Girsa ciri su i yi ku ta'a Kristi, yi kpah pana wusu tum girshi ciri. ¹⁹ Ku cirio Kristi, Baku mu girshi ciri wu tahramman ma yo bi, doi bal girbiwa ya i mur ya sa. I mur pah wusu tum girshi chiri. ²⁰ Chew mani, a tara su, su ningya mpuknsheme Kristi, bene Baku mu tu'ulu wu bapina ku bana su. su mur nere wun chew Kristi, "Wu girshi ciri wun i Baku" ²¹ Yi ma'ana Kristi ka ningya gir pahmuru chew girbiwa yini bah yo do shi pa'a gior biwa sa. pa'aba na ne su ning ngichewe Baku ku cirii.