¹ Uwene po akinjira mwiboti, akalamba, nukwinjira mu chikaya chakwe. ² Nomba yen'yi, po bakinza nawo kwa uyo umunthu uwakufwa ivibalo wo agonire pa kabedi. Nomba uYesu pakwen'ya ukugomezga kwabo, akanena ku wakulwara uyo, "Limba umoyo, mwana we. Izgakwananga zgako zgagobochereka." ³ Nomba yen'ya, bamo abalembi bakanena mumoyo gabo, "Uyu akumuchitira uMulungu umutafu." ⁴ Nomba uYesu, pakumanya amaghanighani gabo, akati, "Chifukwa wuli mukughanaghanira ivinthu ivibibi mumoyo ginyu? ⁵ Umwakuyerezgera bulo, ichapapipi cho chili kwii ukunena ukuti, 'Ukwananga kwako kwagobochereka,' pamo nukunena ukuti, 'Nyamuka, ujende'? ⁶ Kwene ukuti mumanye ukuti umwana wa munthu ali na maka pa chalo ichapasi agakugobochera abakwananga, ... " aponyene po akamubuzga uwakufwa ivibalo ukuti, "Nyamuka, nyamula akabedi kako ubweraje kumwinyu." ⁷ Po akanyamuka nukwamba ukuya kumwabo. ⁸ Ubwinji ubwa banthu bukati bwen'ya uwonye, ilyoga likabalema po bakamukwezga uMulungu, uwakupereka amaka aga wunuwo. ⁹ Akati afuma aponyene, uYesu akamwen'ya umunthu yumo wo uMateyu, akikala pa nyumba iyakusontcherapo umusonkho. Po akamubuzga akati, "Ube we wakundandata." Nyengo iyonyene akanyamuka nu kumulandata. ¹⁰ Inyengo iyinji, po akaryanga ichakurya pitebulo munyumba iyinji, akinza uwakusontchesya umusonkho na bakwananga abinji, po bakambu kurya poka nu Yesu na basambiri bakwe. ¹¹ Nomba abafarisi pakwen'ya uwonye, bakanena ku basambiri bakwe, "Chifukwa wuli cho umusambizi winyu akurya poka na bamisonkho na banthu abakwananga?" ¹² Aponyene po uYesu akati ayivwa, akati, "Abanthu bo binza batangamwanza using'anga awe, kwene bo balwaye. ¹³ Imwe po munyamuche muye musambire iching'anamulo ichakuti, 'Nkhwanza ubwira, insembe pole.' Chifukwa nthinzire ukubitizga abanthu bo balunji awe, kwene abakwananga." ¹⁴ Panapo abasambiri aba Yohane bakinza kwa wuyo nukubuzga ukuti, "Chifukwa wuli iswe na baFarisi tukufunga, kwene abasambiri binyu batakufunga awe?" ¹⁵ UYesu akabazgora ukuti, "Abamwabo aba mwenechonthengwa, ka bangalira pa nyengo yo mwenechonthengwa bali nawo poka? Kwene gakwinza amasiku po mwenechonthengwa akwinzu kufumapo pakasi pabo, nomba aponyene bakwinzu kufunga. ¹⁶ Pate umunthu wo angasona ichigamba ichipya pi laya ilyakale, pakuti amaka aga chigamba icho gangaguza nu kulepula amalaya ago, po ukulepuka uko kungasanzizgako nkhani. ¹⁷ Kweneso abanthu batakwitira uvinyo uwa nomba mu mathumba aga chikwera aga kale. nanthi bapanga ubonye, amathumba aga vikwera ivyo gakulepuka, po uvinyo uyo akwitika, po amathumba ago gope gakunanjika. kwene abanthu bakwitira uvinyo uwa nomba mumathumba aga vikwera aga nomba, vyonsi vibiri inthi visunjiche ichete. ¹⁸ Uwene po akababuzgaga ivyonyene, yen'ya uwakulamulira woke akinza, akamufugamilira umwene. Akanena, "Nomba umwana wane umwanthanda akwenera ukuti afwa kale, Kwene twende muye mumukwamfye ni nyobe yinyu, po inthi abe nu umoyo." ¹⁹ Nombu uYesu akati anyamuka po akamulandata, na basambiri bakwe. ²⁰ Nomba yen'ya, umwanthanda wo akayimba ivyaka teni ni vyamwabo vibiri, akasuluraga udaba, akinza kwisinda lyakwe nukukwamfya ichakuzwara cho chili nu wuzi uwakuposa uwamulubazu mumalaya gakwe agakunzi. ²¹ Pakuti akanenaga umwa wuyo weka, "Waje ningakwamfya bwelere ilaya lyakwe ilyakunzi, inthi intchire." ²² UYesu akang'anamuka, Nomba akati amwen'ya, akati, "Limbu moyo, we mwana; ichigomezgo chako chakuchizga." Ukufuma pa nyengo yiranye, umwanthanda yura akachira. ²³ Nomba akati ayinjira mu nyumba iya wakulamulira, aken'ya abakulizga vitoliro ni chigulu chinji icha banthu cho chikapomaga ivyongo. ²⁴ UYesu po akati,"Fumimo, chifukwa umulindu atafuye, kwene agonire." Ubonyene bakambu ukumuseka umwakumobezga. ²⁵ Igulu likati lyafumira kunzi, akinjira nukulema inyobe yakwe, po umulindu akanyamuka. ²⁶ Po nadi, inkhani iyo yikivwika muchigaba chonsi. ²⁷ Po uYesu akachilingan'yaga ukufuma kura, abanavuli babiri bo batakwen'ya bakambu kumulandata, bakapundilizgaga nukunena ukuti, "Mube niiswe nu bwira, we mwana wa Deveti!" ²⁸ Akati ayinjira munyumba, abanavuli bo batakwen'ya bala po bakamwaga wuyo, po uYesu akababuzga ukuti, "ka muli ni chigomezgo ukuti ningachita ichi?" Bakamuzgora ukuti, "Nadi, Mulungu." ²⁹ Aponyene po akabakwamfya amiso gabo po akati, "Ukuyana ni chigomezgo chinyu, vichitiche uwonyene kuimwe," ³⁰ Po aminso gabo gakiguka. Kweneso uYesu akababuzga umwamaka, akati, "Mwenerezge ukuti umunthu atachimanye ichi." ³¹ Kwene abene, bakati bafumira panzi, Po bakapharazga wuthenga wa vyo vikachitika mu chigaba chonsi chira. ³² Nomba Po abanthu babiri bala po bakanyamukaga, yen'yi, abanthu bakamwinzira nu munthu wo atakunena wo alemesile ni mizimu yibibi. ³³ Po ichibanda chikati chafumamo, umunthu wo atakanenaga Po akambu kunena. Po amagulu aga banthu gakazizwa nukunena ukuti, "Ichinthu ichangati ichi chitalorisilemo mu Israyeli!" ³⁴ Abafarisi Po bakambu kunena ukuti, "Afumya ivibanda na maka gakwe aga mfumu iya vibanda." ³⁵ Nomba uYesu akajendajenda muvigaba Vyonsi na mutwaya bwelere, Po akasambizgaga mu masinagogi gabo, akalalichira uwuthenga ubwinza ubwa wufumu, akachizga inthenda zgonsi nu kufoka konsi. ³⁶ Uwene Po pakwen'ya amagulu ago, akivwa ichitima, chifukwa bakaba abakukopokakopoka nu kumwanzinkhana-mwazinkhana bulo ngati mbelere so zite nu mulisya. ³⁷ Nomba akati ku basambiri bakwe, "Nadi, ivyakugobora vyinji kwene abambombo bachefire. ³⁸ Ubonyene mumulabe umwenecho uwa vyakugobora ukuti atume abambombo ku vyakugobora vyakwe.