¹ Po akisikaga pigambilyo, abanthu abinji bakamulandata. ² Nomba yen'ya, uwamaumbombo akinza nukumufugamira wuyo, akanena, ''Mulungu, mukwanza kwinyu, mungan'zelufya.'' ³ Po uYesu akagolosya inyobe yakwe, po akamukwamfya, akati, ''Nkhwanza. Yikala we wakuzelupa.'' Po kufuma aponyene, amaumbombo gakwe po gakamala. ⁴ Po uYesu akanena nawo, ''Yen'ya, utamubuzge munthu aliwonsi. Kwene nyamuka, uye uyilolesye weka ku bansembe, po uye utwale imphaso yo uMose akalamula, ukuti wube wukaboni kuibo." ⁵ Uwene po akinjira mu Kapernawo, usongo uwa basilikari akaya kwa wuyo nukumulaba, ⁶ ukuti, ''We Mulungu, uwambombo wane afwa ivibalo mo agoneraga munyumba, po ayimba umwakurusya.'' ⁷ Po Yesu akanena nawo, ''nkhwinza ine, nkhwinzu kumuchizga.'' ⁸ Pakuzgora, usongo uwa basilikari akati, ''Mulungu, ine tene wakwenelera ukuti muye mwinjire munyumba yane, kwene munene amazgu geka po uwambombo wane inthi achire. ⁹ Pakuti niine ndina basongo bo bakunenerezga, kweneso ndina basilikari bo bali pansi piine. Nanthi namuwuzga woka ukuti, 'Bukaga,' po akubukaga, wambombo nanthi namubuzga ukuti, 'Zaga,' po akwinza, umuzga wane nanthi namubuzga ukuti, 'chita ichi, po akuchita. ¹⁰ Akati ayivwa ivyonye, uYesu po akazizwa, po akababuzga bo bakamulandataga ukuti, ''Ukunena uwunenesyo, mu Israyeli nthanziremo umunthu uwachigomezgo ichikuru ngati ichi. ¹¹ Ine po nkhunena niimwe, ukuti abinji abakufuma kubufumiro ubwizuba na bakubwinjiliro ubwizuba, bakwinzu kwinza nu kwikala pitebulo lyoka poka nu Abulahamu, nu Yisake nu Jakobo mu wufumu uwa kumwanya. ¹² Po abana bo bali muwufumu uwo bakwinzu kubasumbira kunzi ko kuli chisi. Ukonye ko bakwinzu kulira nu kusya amino. ¹³ Aponye po uYesu akanena nu songo uwa basilikari akati, ''Bukaga! malinga ni chigomezgo chako, cho ukwanza ukuti chichitiche.'' Munyengo iyonye, uwambombo wakwe akachira. ¹⁴ Nomba uYesu akati ayinjira munyumba iya peturo, aken'ya abamayivyara aba Peturo mo bagoneraga balwaye imphepo mumubiri. ¹⁵ Uwonyene akalema inyobe iya mama uyo, po imphepo izo zikamalira nzira. Po akanyamuka nukwambu ukumutumichira. ¹⁶ Po kuchamabwira, abanthu bakamwinzira na banthu abinji bo imizimu yibibi yikabalema, Uwene po akafumya imizimu iyo na mazwi geka. Bonsi bo batakivwaga ichete mumubiri wabo akabachizga. ¹⁷ Uwonyene ukuti chikwanirisyiche cho uYesaya umuneneri cho akanena, ukuti, ''Uwene weka akasenda ivyakufoka vyitu, akanyamula amatenda gitu." ¹⁸ Po nomba uYesu, pakwen'ya abanthu abinji bo bamuzinjilira, akababuzga abasambiri bakwe ukuti baye kwisyira. ¹⁹ Po akinza umunthu uwakulemba, akanena nawo, "We musambizi, ndilikulandata kulikonsi ko uliya." ²⁰ Po uYesu akanena nawo, "Abakambwe bali na kwakugona, nu tuyuni utwa mumulengalenga tuli nu vivulumbo vyakwe, kwene umwana uwa Munthu ate na pakugoneka itwe lyakwe." ²¹ Po woka wo msambiri wakwe akanena akati, "Mulungu, munzomerezge ukuti njende inje nsunje imfwa iya baba wane." ²² Po uYesu akanena nawo, "Iwe undandate ine, uleche abakufwa basunje abakufwa babo. ²³ Uwene akati ayinjira mwiboti, abasambiri bakwe bakamulandata wuyo. ²⁴ Nomba yen'ya, pakanyamuka imphepo iyikuru panyanja, po aminzi gakinjiraga mwiboti. Uwene po akagona akaba mutulo. ²⁵ Abene po bakinza, po bakamunyamusya, bakanena, "Mulungu, twavwe, tuli pakufwa!" ²⁶ Uwene po akababuzga akati, "Choni cho muli ni lyoga, mwe bakugomezga Kali mphi imwe?" Aponyene po Uwene akanyamuka, po akayikalipira imphepo poka ni nyanja. Po kukaba umutende. ²⁷ Po abene abanthu bakazizwa nukunena, "Ka umunthu uyu Ali bulibuli, umwakuti imphepo ni nyanja vikumwivwira?" ²⁸ Bakati bafika kwisyira ilinji, mu charo icha Gadara, akakumana na banavuli babiri bo imphepo zibibi zikabalema, bakafumaga pakasi pa madindi, patakaba umunthu nanthi yumo uwakulimba umoyo kujenda inzira iyo. ²⁹ Nomba yen'yi, bakapundirizga bakati, "Tuli niimwe ni choni, we Mwana wa Mulungu? Ka mwinza uku ukuti mutuyimvye po inyengo yakwe yitakwanine? ³⁰ Kwene po pakaba patali nabo, igulu lyinji ilya ngulube po zikalyanga. ³¹ Uwonyene imizimu yibibi yila yikamba ukumulambirizga ukuti, "Waje mwatufumya, mututume tuye mu ngulube." ³² Uwonyene po akayibuzga ukuti, "Bukaji!" Po yikafumamo nukuya mu ngulube; nomba yen'yi, igulu lyonsi likachimbilira ku lwika ukuya munyanja, po likafwira muminzi. ³³ Kwene ababusa bo bakenerezgaga ivibeto ivyo bakachimbira bakaya kukaya, bakanena vyonsi, kweneso inkhani iya banthu abakulemeka ni mizimu iyibibi. ³⁴ Nomba yen'yi, ichikaya chonsi chikajenda ukukumana nawo uYesu. Nomba bakati bamwen'ya, bakamulambirizga sana ukuti afumemo muchigaba chabo.