¹ Ngge, Blong dem Adam logo duo-yap go sui, gabe. Yang, Ki Wali Iram go nebuemnemu tamasi ey bu kerlam go sedue-a, Nemot lo semu go. ² Nemotnang semu go ngga, sedue ey kabung ey. Nemotnamon blo no tabuwit gono, ‘sikabung’ so gemang temuit. ³ Blong dem Adam lo got-won go, yagui 130 tete no, nemot go nebuemnemu ey bu kerlam go duo gemang tui. Duo ngga, sui Set so gemang temuit. ⁴ Set tui go blo logo, Blong dem maning wali go yagui 800 yam no. Nggano, sedue ey kabung denok eygo, gemang tui-sing dali. ⁵ Yang! Blong dem wali-ngam go, e… yagui 930 tete no nemot gemang ip. ⁶ Set got-won go, yagui 105 tete no, Enos gemang tui. ⁷ Yang, Enos tui go blo idi lo Set wali go, yagui 807 tete no, duo temu sedue ey kabung ey gemang tui-sing dali. ⁸ Set lo suing go wali yagui naklay go 912 yam so. Nggano, Set gemang kebong. ⁹ Enos wali go yagui 90 tete no, Kenan gemang tui. ¹⁰ Ngga ey, Kenan tui go blo idi logo, Enos suing go yagui 815 yam so. Nggano, sedue ey kabung denok eygo gemang tui-sing dali. ¹¹ Enos lo wali go, yagui 905 tete no Enos gemang ip. ¹² Kenan wali go yagui 70 tete no, Mahalalel gemang tui. ¹³ Mahalalel tui go blo idi lo, Kenan maning wali go yagui 840 yam so. Nggano, sedue ey kabung ey gemang tui-sing dali. ¹⁴ Kenan wali go yagui 910 tete no Kenam gemang ip. ¹⁵ Mahalalel wali go yagui 65 tete no, Yeret gemang tui. ¹⁶ Yeret tui go blo logo, Mahalalel maning wali go, yagui 830 yam so. Sedue ey kabung denok ey gemang tui-sing dali. ¹⁷ Mahalalel wali-won go, yagui 895 tete no gemang ip. ¹⁸ Yagui 162 yam so Yered wali gono, Henok gemang tui. ¹⁹ Henok tui go blo idi logo, Yeret wali go, yagui 800 yam no, sedue ey kabung eygo, gemang tui-sing. ²⁰ Yagui 962 yam so wali gono, Yared gemang ip. ²¹ Henok wali go yagui 65 tete no, Metusalah gemang tui. ²² Metusalah tui go blo idi logo yagui 300 yam so, Henok go wali Ki Wali Iram ey takeduik go. Nggano, kabung denok ey sedue ey gemang tui-sing dali. ²³ Henok wali go yagui 365 tete no. ²⁴ Yang! Henok go wali Ki Wali Iram ey takeduik go nogo, Henok se nega-dapngam Ki Wali Iram lo wawi go mo klak go nogo. ²⁵ Metusalah got-won go yagui 187 tete no, Lamek gemang tui. ²⁶ Lamek tui go blo idi logo, Metusalah wali go yagui 782 yam so. Ngga ey, sedue ey kabung ey gemag tui-sing dali. ²⁷ Metusala wali go yagui 969 tete no, Metusala gemang kebong. ²⁸ Lamek wali go, yagui 182 tete no, sedue denok meno gemang tui. ²⁹ Ngga ey, Noak so gemang temuit. Lamek lo we-ton, “Nan ngge blo no, Ki Wali Iram lo ‘piam’ pu go: Kebali kangok so diding ba lo pluok-ketegoy go!” No, duo ngge lo Ki Wali Iram go dabui yakay mea taling-yon.” ³⁰ Nuh tui go blo idi logo, Lamek maning wali go yagui 595 yam so. Sedue ey kabung denok ey gemang tui-sing dali. ³¹ Lamek go wali yagui 777 tete no, nemot gemang ip. ³² Nuh wali go yagui 500 tete no: Sem, Ham nggano, Yafet gemang tui-sing.