¹ Ngge Edom so usi go, Esau go tang gabe. ² Nan Kanaan kabung nangglik ey, Esau lo idok go. Yangga, Elon sedue Het go denun Ada, nggano, Oholibama sedue Hewi, Zibeon go mamtaton denun Ana lo tui go, i ³ Nggano, Ismael go denun Basmat, Nebayot go demanon. ⁴ Ada lo tui go Elifas.Basmat lo tui go Rehuel. ⁵ Nggano, Oholibama lo tui goYeush,Yaelamnggano Korah.Ngga naklay nan Kanaan no tui go duo ⁶ Ngga blo idi lo, nemot go duo-kabung ey seduekabung naklay eygo ikak go, nan meno sono, Esau gemang ip. Nemot go yap tengglam ba sogo taut, menay, nan Kanaan so ikak go naklay ey ip go gemang klong. Yakob-a, gemang itak. ⁷ Yakob sik so banom so Esau klong go, nemot go taut, menay, yap ba sogo seduekabung naklay, taut naklay miam dega go nogo. Nan ngga no, klay go nogo, menay tendam genang yakua. Ngga tang sogo so, Esau-a gemang ip go klong. ⁸ Kumeduim Seir no, Edom so pu go Esau gemang got-bawon. ⁹ Sedue Edom go mlena Esau sik so pung go tang, ngge kalik gabe: ¹⁰ Esau senun Ada lo tui go sedue denok, Elifas. ¹¹ Elifas lo tui go sedue denok taidi yam so, yangga:T'eman,Omar,Zefo,Gaetam nggano Kenas. ¹² Elifas go kabung koybutasemu go sui Timna. Timna lo tui go sedue , Amalek. ¹³ Esau senun namon tete sogo Basmat. Basmat lo tui go sedue denok Rehuel. Rehuel logo sedue 4 yam so, yangga:Nahat,Zerah,Syamanggano Miza. ¹⁴ Esau senun meno Oholibama lo tui go: Ana ngga Zibeonj mamtaton. Zibeon lo tui go sedue nangglik ey, yangga:Yeus,Yaelam,nggano Korah. ¹⁵ Trang-trang Esau lo tui go, ngge gabe: Esau go danon trang Elifas, saula tang ngge go mamui so lemoy. Ngga, tang ngge go trang so gabe lemoy, yangga:T'eman,Omar,Zefo,Kenas, ¹⁶ Korah,Gaetamnggano Amalek. Nemotnang ngga, Esau go senun Ada lo tui-sing go. ¹⁷ Esau go danon Rehuel, tang ngge go mamui:Nahat,Zerah,Syamanggano Miza. Nemotnang naklay ngga, Esau go senun Basmat lo tui go. ¹⁸ Esau senun Oholibama Ana go denun lo tuigo tang:Yeush,Yaelamnggano Korah. ¹⁹ Ngga naklay Esau sik so pung go tang gemang.

Seir lo tui-sing go tang

^{22 20} Nan Edom seduekabung Seir lo ke go tang, ngge sedue Hori, yangga tang: Lotan, Syobal, Zibeon, Ana, ²¹ Disyon, Ezer,nggano Disyan. Lotan,Timna ²³ Syobal ngga tang:Alwan,Manahat,Ebal,Syefo nggano Onam go mamui. ²⁴ Zibeon go danon namon ey, yangga:Aya eyAna ey.Bulakay buput kaseglok pay so nglangin go keleday so uwawi gono gemang tegu-sing. ²⁵ - Disyon go nglangin ngga Ana. ²⁶ Disyon ngga tang:Hemdan,Esyban,Yitrannggano Keran go mamui. Ana lo tui go denun klaya go sui, Oholibama. ²⁷ Tang:Bilhan,Zaawan, nggano Akan go mamui ngga Ezer. ²⁸ Tang Us ey Aran eygo mamui ngga Disyan ²⁹ Ngga tang-tang Hori nan Edomsogo,Lotan,Syobal,Zibeon,Ana, ³⁰ Disyon,Ezernggano Disyan.

Edom sogo deguena-deguena

³¹ Israel nogo deguena maning kua pung go nogo, deguena-deguena ngge lo nan Edom ta gabe mlak. Yangga: ³² yakena Dinhaba sogo Beor go danon, deguena Bela. ³³ Yakena Bozra sogo Zera go danon, deguena Yobab. ³⁴ Nan Teman sogo, deguena Husyam. ³⁵ Yakena Awit sogo Bedad go danon, ³⁶ deguena Hadad l Yakena Masreka sogo ³⁷ deguena Samla. Yakena Rehobot butuo ketang sogo, ³⁸ deguena Saul. ³⁹ Akhbor go danon, deguena Baal-Hanan. Yakena Pahu sogo, deguena Hadarm ⁴⁰ Esau ba sik so pung go tang Edom ngge kalik gabe:Timna,Alwa,Yetet, ⁴¹ Oholibama,Ela,Pinon, ⁴² Kenas,T'eman, Mibzar, ⁴³ Magdiel,nggano Iram. Tang nemotgo-nemotgo nan sip so suing gono, sui gemang temuit-sing.