Pasal 23
Sara tui genang nan simunang Abraham lo duoy lo king go
1
Sara go yagui 127 no mo pung gono,
2
yakena Hebron nan Kanaan no, Sara gemang ip.*Senun dabui so, Abraham lo u kukluo.
3
Ngga ey, senun temoy itak go. Nan ngga sogo seduekabung Het go seboy sono nawon go gemang pu:
4
“Ayanang! Genam ngge amble, nan kua. No, motnang kukunu-yap nesip so got-tugu go. At go kabung ip-natun go tuet genang so, nan tebot dato-a genam no duoy lo ya nay-kelo sang!”
5
Ngga ey, sedue-sedue lo we-netenawon:
6
“Aya! Atnang nesip nogo, mot ngge wengkabui. Takong ey atnang lo gabe pepen: “Aya go kabung atnang logo simu ba no tui go suey, atnang yakay kangok. Simu ngga, atnang lo dali semu genang yakay kangok.”
7
Ngga ey, taiti suey pu genang so, nemotnang go nemukuno Abraham unuik go,
8
gemang pu-tenawon: “Kukunu-yap lo duing go, kabung tui genang sip ngga, Zohar go danon Efron no pu go, nemot logo nan no ya tui?
9
Demuput Makhpela-a, genam sono nemot lo ya nay-sanion? Demuput ngga, nemot go usutema so gemang. Ibe blo no ayanang ikum sogo, nan ngganemot-a, at sono ya nay-yon.”
10
Woy nggnemot nogo, Efron tang go, sedue Het ey seboy so, yakena nebut so pu go sip so gemang dali. Ngga ey, seboy sogo sedue damoy so Efron lo wa go:
11
“Ibe go nemu damoy so, genam tang go saula lo gabe pupu: “Usu ey demuput ngga ey, aya dem go kabung tuet genang simu so mea itak!”
12
Ngga ey, sedue Het go nemukuno Abraham unuik go,
13
sedue-sedue ngga damoy so Efron no Ablaham lo gemang pu: “Genam sono kama se long-sondo! Usu ngga naklay genam lo iti genang drang, nggeasui mea king-silu. Genam go kabung ngga no tuet sogo.”
14
Ngga no, way so Efron lo wa go:
15
“Mia penggu-a klong go tui-a sang! Nantebot ngga 400 perak dato lo nenay go seni kua-wa.”
16
Ngga tup go, Abraham gemang yang-nawon dali. Duoy yam so i-nawon go, ibe lo nay so nenay go drang kalik. Ibe go nemudamoy so, Efron dem go ta sono, nan duoy gemang king-nawon. Sedue sedue Het lo gemang ikum-nanawon.
17
Ngga tang sogo so, Mamre go woyklak idi sogo, Efron go usu Makhpela, Ablaham tete sogo nan so gemang lemoy. Nan ngga blo sogo usu, demuput, sang blo logo di naklay, Ablaham go seguong so gemang itak.
18
Ablaham go nan sogo, yakena go seboy no pluep go sedue-sedue lo, nan ngga gemang yang. Nggano, seduekabung Het naklay lo gemang yang dali.
19
Ngga ey, nan Kanaan no demuput Makpela ba no Sara go nan Ablaham lo gemang tui.
20
Sedue Het go Demuput Makpela usu ey, Ablaham tete sogo nan simunang so iti go, ngga kalik gemang lemoy-angum.