22 ¹ Йошийаҳ подшоҳ бўлганида, саккиз ёшда эди. У Йерусалимда ўттиз бир йил ҳукмронлик қилди. Унинг онасининг исми Йедидаҳ бўлиб, у бозкатлик Адайаҳнинг қизи эди. ² У Раббийнинг нигоҳида тўғри ишларни қилар эди. У ўз отаси Довуднинг барча йўлларидан юрар ва ўнгга ҳам, чапга ҳам бурилмас эди. ³ Подшоҳ Йошийаҳ ҳукмронлигининг ўн саккизинчи йилида, подшоҳ Мешулламнинг ўғли, Азалийаҳнинг ўғли котиб Шафанни Раббийнинг уйига юбориб, деди: ⁴ “Олий руҳоний Хилкийаҳнинг олдига боргин. У эса остонада қўриқчиликда турганлар халқдан йиғиб олган ва Раббийнинг уйига келтирилган кумушларни санасин. ⁵ Буларни Раббийнинг уйига назоратчи қилиб тайинланган иш юритувчиларга берсинлар, улар эса буларни Раббий уйида ишлаётганларга уйнинг ёриқларини таъмирлаш учун, ⁶ дурадгорларга, тош ёрувчиларга, девор қурувчиларга тарқатсинлар ва уйни таъмирлаш учун дарахтлар ҳамда йўнилган тошлар сотиб олиш учун тарқатсинлар. ⁷ Фақат уларнинг қўлларига топширилган кумушларнинг ҳисобини талаб қилманглар, чунки улар ростгўйлик билан ҳаракат қилар эдилар”. ⁸ Шунда олий руҳоний Хилкийаҳ котиб Шафанга: “Мен Раббийнинг уйидан Қонун китобини топдим”,- деди. Хилкийаҳ китобни Шафанга узатди ва у уни ўқиди. ⁹ Шунда котиб Шафан подшоҳнинг олдига келди ва подшоҳга жавоб олиб келиб: “Сизнинг қулларингиз уйда топилган кумушни олиб, уни Раббий уйига назоратчи қилиб тайинланган иш юритувчиларнинг қўлларига топширдилар”,- деди. ¹⁰ Сўнг котиб Шафан подшоҳга хабар бериб: “Менга руҳоний Хилкийаҳ китоб берди”,- деди. Шунда Шафан уни подшоҳнинг олдида ўқиди. ¹¹ Подшоҳ Қонун китобининг сўзларини эшитганида, ўз кийимларини йиртиб ташлади. ¹² Сўнг подшоҳ руҳоний Хилкийаҳга, Шафаннинг ўғли Ахикамга, Микеҳнинг ўғли Ахборга, котиб Шафанга ва подшоҳнинг хизматкори Асаҳийаҳга буюриб деди: ¹³ “Боринглар, ушбу китобда топилган сўзлар ҳақида Раббийдан мен учун ҳам, халқ учун ҳам, бутун Яҳудия учун ҳам сўз сўранглар. Зеро ёзилганига мувофиқ ҳаракат қилиш учун оталаримиз ушбу китобнинг сўзларига қулоқ солмаганлари учун бизга қарши алангаланган Раббийнинг ғазаби улкандир”,- деди. ¹⁴ Руҳоний Хилкийаҳ, Ахикам, Ахбор, Шафан, Асаҳийаҳ эса кийимларни қўриқловчи Хархас ўғли Тикваҳнинг ўғли Шаллумнинг хотини пайғамбар Ҳулдаҳнинг олдига бордилар. У Йерусалимда, унинг иккинчи қисмида яшар эди. Улар бориб, у билан суҳбатлашдилар. ¹⁵ У эса уларга: “Исроилнинг Раббий Худоси шундай дейди: Сизларни менинг олдимга юборган кишига шундай денглар: ¹⁶ Раббий шундай дейди: Мен ушбу жойга ва унинг аҳолисига кулфатни, Яҳудиянинг подшоҳи ўқиган китобнинг барча сўзларини юбораман, ¹⁷ чунки улар Мени тарк этиб, ўзларининг барча қўл ишлари билан Мени ғазаблантириш учун ўзга худоларга тутатқи тутатмоқдалар. Шунинг учун бу жойга қарши менинг ғазабим ёнади ва ўчмайди. ¹⁸ Сизларни Раббийдан сўз сўраш учун юборган Яҳудиянинг подшоҳига айтинглар: Сен эшитган сўзлар ҳақида Исроилнинг Раббий Худоси шундай дейди: ¹⁹ Мен ушбу жой ва унинг аҳолиси ҳақида айтган сўзимни: улар харобазор ва лаънатга айланишларини эшитганингда, сенинг юрагинг юмшагани учун, сен Раббий қаршисида бўйсуниб, ўзингни паст олганинг учун, ўз кийимларингни йиртиб, Менинг қаршимда йиғлаганинг учун Мен ҳам сени эшитдим,- дейди Раббий,- ²⁰ Шунинг учун, мана, Мен сени ўз оталарингга қўшаман ва сен ўз қабрингга тинчликда дафн этиласан ҳамда Мен бу жойга юборадиган кулфатни сенинг кўзларинг кўрмайди”. Улар подшоҳга шу жавобни олиб келдилар.