19 ¹ Waktu etun terjadi, waktu ete Apolos ada si Korintus, Paulus mahalau daerah pendalaman te sampai si Efesus. Si kanih, ia a basupa babarapa murid. ² Paulus bapander dengan elen,'' eenkah ikau manarima Roh Kudus waktu ikau jadi percaya?'' elen manjawab,'' mida,bahkaan ikih mida opiji mahining bahwa Roh kudus.'' ³ Lalu, Paulus bapander,'' si huang e en, ikau kemudian ibaptis? jawab elen, si huang baptisan Yohanes.'' ⁴ Paulus bapander,'' Yohanes imbaptis dengan baptisan pertobatan,sambil imberita akan ulu-uluh nang percaya akan uluh nang dumah satelah iya a, ya te akan yesus.'' ⁵ Jadi elen mahining hal etun,elen imbaptis sihuang aran Tuhan Yesus. ⁶ Ketika Paulus jadi inumpang lenge a hunjun elen, Roh kudus dumah guang hunjun elen, jadi elen huang mulai bapander berbagai bahasa te dan nabuat. ⁷ uras jumlah elen kira-kira due belas ulkuh hatue. ⁸ Maka,Paulus tame guang Sinagoge bapander dengan bahanyi selama telu bulan, dengan iyakin elen dengan kerajaan Allah. ⁹ Akan tetapi, katika babarapa uluh nang mangaras atei dan manolak kepercayaan, sambil bapander hal-hal nang ijahat tentang jalan ete si hadepan uluh are,paulus ilihi elen dan ingajak para murid hadari sambil inukar pikiran setiap andau si sakula Tiranus. ¹⁰ Hal etun berlangsung selama due nyelu sehingga are uluh nang balihi si Asia mahining firman Tuhan, lamus uluh-uluh Yahudi maupun uluh-uluh Yunani. (Anak-Anak Skewa) ¹¹ Allah are malakukan mukjizat nang luar biasa mahalau lenge Paulus, ¹² sehingga sapu lenge atau celemek nang piji inyentuh upak Paulus imimbit akan uluh-uluh pehe, maka penyakit elen nihau dan roh-roh jahat balua bara elen. ¹³ Namun, babarapa pangusir setan Yahudi nang mananjung ingaliling berusaha inyebut aran Tuhan Yesus atas uluh-uluh nang kerasukan roh-roh jahat sambil bapander,'' yaku basumpah ikau huang aran Yesus nang imander Paulus!'' ¹⁴ uju anak hatue Skewa, salah satu imam datuh Yahudi,nang mahawi a ¹⁵ Akan tetapi, roh jahat ete injawab dan bapander dengan elen,'' yaku kenal Yesus dan yaku tau tentang Paulus,tetapi aweh ikau?'' ¹⁶ lalu, uluh nang kerasukan roh jahat ete malompat guang arah elen, dan berkuasa hunjun elen, serta ingalah elen uras sehingga elen buhau bara huma te dengan ke adaan telanjang dan bahimang. ¹⁷ Hal ete diketahui oleh are warga Efesus.Baik uluh-uluh Yahudi handak pun uluh-uluh Yunani. Dan, elen uras menjadi mikeh dan aran Tuhan Yesus semakin i muliakan. ¹⁸ Antara nang are bara elen nang percaya akan dumah,sambil ingaku dan imberita perbuatan-perbuatan elen. ¹⁹ Lalu, are bara elen nang jadi melakukan sihir, elen ingumpul buku-buku dan inyeha si hadep uluh uras. dan, elen manghitung nilai buku-buku te dan inemu nilai'a mencapai 50.000 keping perak. ²⁰ Jadi firman Tuhan tarus bertumbuh dan berkuasa. (Paulus Barancana Perencana'a)