20 ¹ Setelah kerusuran ete tende, Paulus maundang sekare murid tah, jadi ete menguatkan atei elen, iya'a bapamitan dengan elen dan menuju si Makedonia. ² Setelah iya'a inyusur wilayah-wilayah si kanih dan manenga'a dengan elen are nasihat, iys'a sampai si Yunani. ³ Dengan, si kanih Paulus melai selama 3 bulan.Uluh-uluh Yahudi mahawi persekongkolan akan melawan iya'a seketika iya'a handak balayar si Siria, iya'a memutuskan akan haluli mehalau Makedonia. ⁴ Paulus ingawal awi Sopater bara Barea, anak Pirus, awi Aristarkhus dengan Sekundus, bara Tesalonika, dengan Gayus bara Derbe, dan Timotius, serta Tikhikus dan Trofimus bara Asia. ⁵ Elen tulak jadi helu dan sadang menunggu ikih si Troas, ⁶ Tetapi ikih balayar bara Filipi llimbah Hari Raya Roti mida Beragi, dan dumah dengan elen si Troas huang 5 andau, si kanih ikih melai salama 7 andau. (Kunjungan Paulus nang Terakhir si Kota Troas) ⁷ Awal andau minggu te, ketika ikih sadang bakumpul basama akan mamacahkan wadai, Paulus bapander dengan elen hantam bermaksud akan tulsk pada andau berikut'a, dan iya'a mamparpanjang pesan'a sampai bentuk alem. ⁸ Ada are lampu si ruang hunjun, ukan ikih bakumpul. ⁹ Dan, si kanih ada anak muda arai'a Eutikhus sadang munduk si jendela tahanyut huang patiruh nang hayal Lalu, sementara Paulus bapander huang waktu nang lawas, iya'a samakin tahanyut huang patiruh dan baleha bara laseh katelu dan i angkat huang keadaan jadi matei. ¹⁰ Namun, Paulus muhun lalu merebahkan arep'a si hunjun'a, dan imeluk'a lamgsung bapander, '' ela rami awi tahaseng'a masih ada bih tun te si biti'a,'' ¹¹ Sakatika Paulus haluli mandai, langsung mamacah-macah wadai dan kuman, iya'a bapander dengan elen huang waktu nang lawas, sampai subuh. Setelah ete, iya'a tulak. ¹² Elen maimbit anak muda ete buli huang keadaan belum dan marasa sangat tahibur. (Perjalanan Bara Kota Troas si Kota Miletus) ¹³ Namun, limbas hadari helu am wang kapal, ikih balayar si Asos dengan maksud menjemput Paulus si kanih hantam iya'a jadi merencanakan, iya surang bamaksud tulak si kanih dengan malan pai bih. ¹⁴ Dan, seketika iya;a tarumpak dengan ikih si Asos, ikih menjemput iya'a, langsung tulak si Metilene. ¹⁵ Limbas balayar bara kanih, ikih sampai pada andau dapit'a si Khios. andau dapit, ikih manukep Samos, dan handau kemudian ikih sampai si Miletus. ¹⁶ Sebab Paulus jadi mamutuskan akan balayar mahalau Efesus supaya iya'a mida mampalepahkan waktu'a si Asia hantam iya'a lakas-lakas sampai si Yerusalem, amun memungkinkan, pada andau pentakosta. (Paulus Bapander Dengan Panatua Efesus) ¹⁷ Bara Miletus, Paulus iutus uluh wang Efesus dan inyuhu para panatua jemaat dumah dengan'a. ¹⁸ Dan, sakatika elen dumah dengan'a, ia'a bebander dengan elen, '' Ikau surang tau, kihampi'a yaku belum si antaramu sepanjang waktu, pada andau pertama yaku dumah si Asia, ¹⁹ Sambil melayai'a Tuhan dengan segala kerendahan atei, dan dengan banyu mata, dan dengan pencobaan-pencobaan nang i nimpa yaku mehalau persekongkolan uluh-uluh Yahudi, ²⁰ kihampi'a yaku mida manahan surang akan pemberitaan denganmu segala sesuatu nang baguna dan maajarmu si hadapan umum dn bara huma ke huma, ²¹ Bebujur-bujur manenga kesaksian, nang bagus akan uluh-uluh Yahudi maupun uluh-uluh Yunani, tentang pertobatan akan Allah dan beriman dengan Tuhan itah, Yesus Kristus. ²² Dan wayah tun, manga'a, dengan imeteng awi Roh, yaku sadang huang perjalanan yaku wang Yerusalem, tanpa tau e'en nang akan terjadi denganku si kanih, ²³ Kecuali bahwa Roh Kudus basaksi dengan bujur-bujur si setiap kota denganku bahwa panjara dan siksaan jadi manunggu yaku. ²⁴ Namun, yaku mida menganggap bambelumku baharga bagi surangku sehingga yaku dapat inyelesai'a tugasku dan palayanan nang yaku terima bara Tuhan Yesus, iya'a te akan basaksi dengan bujur-bujur tentang Injil anugerah Allah ²⁵ Dan wayah tun, manga bih, yaku tau bahwa mida ada di antaramu, nang ada denganmu yaku bakaliling mengabarkan kerajaan akan mamanga baungku hindai. ²⁶ Bara te,yaku bersaksi akamu andau tun bahwa yaku mida bersala atas dahamu uras'a . ²⁷ Sebab, yaku mida manahan surang akan mengabarkan denganmu uras rencana Allah. ²⁸ Jaga bih arep mu surang dan uras kawanan, yang hunjui'a Roh Kudus jadi manjadikanmu pengawas akan mangambalakan jemaat Allah, nang jadi iya'a peroleh dengan daha'a surang. ²⁹ Yaku tau bahwa setelah panulakku, serigala-serigala buas akan dumah si antara ketun, mida inyayang kakawalan te. ³⁰ Dan, bara antara ikau surang akan bangit uluh-uluh nang bapander tentang hal-hal menyesatkan akan manarik murid-murid bara elen. ³¹ Awi te, bajaga-jagalah, sambil maingat bahwa hndau dan mahalem, salama 3 taun, yaku mida tende mamparingatkan ikau masing-masing dengan banyu mata. ³² Dan wayah tun, yaku menyarahkan ikau akan Tuhan dan dengan Firman anugerah'a nang sanggup mambangun dan manengamu warisan si antara uras uluh nang dikuduskan. ³³ Yaku mida handak e'en perak, atau amas atau pakaian uluh lain. ³⁴ Ikau surang tau bahwa lengen tun melayani keperluanku dan elen bersama-sama dengan yaku. ³⁵ Huang segala hal yaku jadi menunjukan akamu bahwa dengan bagawi babehat sama dengan dengan cara tun, itah harus tau manolong nang lemah dan maingat pander Tuhan Yesus bahwa iya'a surang'a bapander, 'lebih bahagia manenga daripada manarima,'' ³⁶ Dan, sakatika iya'a jadi mamander'a hal-hal ete, iya'a berlutut dan berdoa dengan elen uras'a. ³⁷ Lalu, ada are tangisan si antara elen uras'a dan elen memeluk uyat Paulus,serta menyimak'a, ³⁸ Elen sangat bersedih, terutama awi pander-pander nang awi iya'a imander bahwa elen mida akan mamanga baui'a hindai. Palus, elen mengawal si kapal mangumpul are domba, berarti sekelompok umat Allah.