17 ¹ Sakatika Paulus dengan Silas jadi mahalau AMfipolis dengan Aplomia, elen sampai si Tesalonika si kueh ada Sinagoge uluh Yahudi. ² Kebiasaan Paulus ia'a tame si anatara elen te,dan tame selama telu andau Sabat bapander dengan elen bara Kitab Suci, ³ sambil i jelas dengan bukti a bahwa Kristus harus menderita dan bangkit bara antara uluh matei, dan curuman,"Yesus tun nang sadang yaku beritakan akam mu, adalah Kristus"! ⁴ lalu sebagian bara elen te meyakikan dan bagabung dengan Paulus dan Silas bersama dengan jumblah nang datuh uluh Yunani nang mikeh akan Allah dan mida isut bawi-bawi terhormat. ⁵ Namun, uluh-uluh Yahudi menjadi iri atei dan maimbit beberapa uluh jahat nang berkeluyuran si ukan umum te,elen te menggumpul kan are uluh dan menampa kekacau an si kota te, lalau menyerbu huma Yason sambil mengau Paulus serta Silas akan maimbit elen balua akan uluh are. ⁶ katika elen mida hasupa Paulus dan Silas, elen menyeret Yason dan beberapa pahari biti seiman si hadapan para penabat kota,dan bapander " uluh-uluh tun te nang jadi mengacaukan dunia, jadi dumah ndai si hetun. ⁷ dan, Yason menyambut elen, dan elen uras'a bertindak dengan bapander, awi ada raja lain, yaitu Yesus." ⁸ uluh are dan para penjabat kota menjadi gelisah mahining hal te. ⁹ dan, setelah elen manarima jaminan bara yason dan nang lain a, uluh-uluh te melapas ia a. (Paulus dan Silas si Kota Berea) ¹⁰ pahari biti seiman te segera manyuhu Paulus dan Silas,hamalem te cia mengguang Berea dan katika elen sampai elen tulak si Sinagoge uluh Yahudi. ¹¹ uluh-uluh Yahudi si kanih lebih bagus atei a daripada uluh-uluh nang si Tesalonika, hantam elen manarima firman dengan penuh, semangat,sambil menyelidiki kitab suci sitiap andau supaya ketawan bahwa hal ete memang bujur. ¹² hantam ete, are bara elen te menjadi percaya, termasuk bawi dan hatue Yunani nang terhormat dan jumlah a mida isut ¹³ akan tetapi,katika uluh Yahudi si Tesalonika mengetahu i bahwa firman Allah te cia inyampai awi Paulus si Barea,elen pun dumah ke Berea akan menggoyahkan dan meresahkan uluh are . ¹⁴ lalau, dengan segera pahari biti seiman te inyuhu Paulus hadari sampai si pantai, tetapi silas dan Timotius tatap balihi si hete bih ¹⁵ Uluh-uluh nang mengawal Paulus te maimbit ia a sampai si Atena, dan limbas manarima pesan bara Paulus akan Silas dan Timotius agar dumah aka'i a sacapat ta, elen pun tulak. (Paulus si kota Atena) ¹⁶ sementara Paulus menunggu elen si Atena, ia'a merasa roh a te susah huang surang a awi ia'a mamanga kota te penu dengan patung-patung berhala ¹⁷ awi te ia'a batukar pikiran si sinagoge dgn uluh -uluh Yahudi dan uluh-uluh bara bangsa nang lain nang jadi mikeh dengan Allah,awi si ukan umum,setiap andau dengan uluh-uluh nang kebetulan ada si ate. ¹⁸ Bebarapa ahli pikir bara kelompok Epikuros dan Stoa lgi bapander dengai'a. bapander"me'en nang handak imander'a si pembual tun?" nang lain inciruman "ampiya, ia'a tun pemberita dewa-dewa asing, "Hantam ia'a menyampai kan Yesus dan kebangkitan. ¹⁹ lalu, elen te maimbit tulak mangguang Areopagus, sambil bapander, " taukah ikeh mengetawan ajaran taheta nang ikau beritakan wayah tun? ²⁰ hantam, ikau sadang maimbit bebarapa hal nang mengherankan si pinding ikih. ikih handak mengetawan maksud hal-hal nang ete ". ²¹ waktu te, uras uluh Atena dengan uluh-uluh asing nang balihi si kanih terbiasa mampelepah waktu elen dengan mida melakukan e'en-e'en selain bapander atau mahining sesuatu nang hanyar.) ²² maka, Paulus mendeng si bentuk-bentuk Areopagus dengan bapander, " hai uluh-uluh Atena, yaku mengamati bahwa dalam segala hal ikau te sangat relegius. ²³ awi, katika yaku sadang berkililing dan mamanga benda-benda nang ikau sembah, yaku cia berterumpak sebuah altar dengan tulisan tun, 'AKAN ALLAH NANG MIDA I NGENAL.' hantam ete , een nang ikau sembah tanpa mengenal a, ete am nang yaku ngabar a akam mu. ²⁴ Allah nang menciptakan dunia dengan segala sesuatu nang ada si huang a,hantam ia'a adalah Tuhan si hunjun langit dan bumi, mida melai si huang kuil-kuil nang inampa dengan lenge manusia. ²⁵ mida cia iya'a ilayan bara lengen-lengen manusia, seakan-akan ia'a membutuhkan satua awi ia'a surang nang inenga akan uluh segala kehidupan napas dan segala a ²⁶ dan,ia'a menciptakan bara ije uluh, uras bangsa umat manusia akan melai si muka bumi tun, setelah menetap kan musim-musim dan batas-batas akan pambelum elen, ²⁷ supaya elen mengau Allah, dan memang mungkin elen tau manggatik a dengan inyupa a meskipun ia'a mida kejau bara itah masing-masing. ²⁸ hantam, si huang ia'a itah belum, bagarak, dan ada si dunia. Ayub 12:10 sama dengan pujangga-pujangmu surang nang bapander, 'Awi itah tun cia keturunan-Ia cia ²⁹ Jadi, awi itah ada keturunan Allah, itah seharus a mida bapikir bahwa keadaan Ilahi te sama dengan amas, atau perak, atau batu,sebuah wujud nang incipta bara keterampilan dan pemikiran manusia. ³⁰ bara te, mengabaikan masa-masa kabungul a,wayah tun Allah manyampai kan akan uluh si kueh-kueh nyaman tau bertobat, ³¹ Awi Ia'a jadi menentukan suatu andau katika Ia'a handak menghakimi dunia huang keadilan mampahayak ije beti nang jadi i nentu a,limbas Iya'a manenga bukti akan luh are dengan membangkitan Uluh te bara uluh mate.'' ³² Dan, katika elen mahining tentang kebakitan bara antara uluh matei, babarapa uluh mulai mengolok, tetapi nang lain bapander, " ikih ingin mahiningmu tentang hal tun hindai" ³³ Maka, Paulus hadari bara bentuk-bentuk elen te. ³⁴ akan tetapi, babarapa uluh bagabung dengai'a dan menjadi percaya, di antara elen ada Dionisius, anggota Areopagus, dan uluh bawi arai'a Damaris, serta babarapa uluh lain'a nang hayak dengan elen.