¹ Yesu yakumbulula nyi yishima , ngwenyi , ² wanangana wa malilu wapwa ngwe umwe mwanangana nawalingile ulungi hali mwanenyi. ³ Mba yatuma ndungo jenyi nyi ku tambika aalakenyene ku ulungi , mba kakataile kwiza. ⁴ Nawa mwanangana katumine ndungo akwo , ngwenyi , Alwezenu waze twasanyika , Talenu , hinalulika chakulya chami. Ngombe jami nyi yimuna jami akutoha haashiha , nyi yuma yeswe hinalulika . Tweyenu ku ulungi.''' ⁵ Alyoze kachilelesele nyi kuya majila jo , umwe kumunda wenyi , nyi muko ku chitanda chenyi . ⁶ Akwo kakwachile ndungo , nyikwa linga chipi, nyikwa shiha . ⁷ Haku chivwa mwanangana yatenuka , yatuma maswalale jenyi ngwo enyeke nyi kwocha chifuchi cho. ⁸ Hohene yamba kuli ndungo jenyi ngwenyi , ' ulungi ku unalulika , alyoze waze aalikenyene katetelemo. ⁹ Keshika yenu kumakano a jila nyi waze munuwana nukaalakenye eze ku ulungi chize munuhasa kuwana. ¹⁰ Ndungo katuhukile ku majila kakungulwile waze eswe awanyine , yingulungulu nyi apema . Nyi zuwo lya ulungi lya zalile to nyi ngeji. ¹¹ Alyoze muze mwanangana anjilile nyikutala ngeji kamwenemo umwe lunga kazalile uzalo wa ulungi. ¹² Mwanangana yamba kuli iye ngwenyi ,'' sepa ngwe kuchi wanjilanga muno kushi uzalo wa ulungi? Alyoze kaholelelume. ¹³ Hohene mwanangana kambile kuli tuvumbi ngwenyi, ' Mukasenu molu nyi moko , numumbile mu milima ya haze , kumukapwa kulila nyi kulisuma kumazo ¹⁴ Mumu anji anatambika , alyoze akehe hanasakula.'' ¹⁵ Hohene Afwaliseu kayile nyi kutwama mpunga ngwe chize mahasa kumutela hakuhanjika chenyi. ¹⁶ Katumine kuli iye tumbaji jo, hamwe nyi Ahelonde. Yamwamba Yesu ngwo , '' Longeshi , tu nanyingika yena uli wamwenemwene, wakulongesa jila ya Zambi ya umwenemwene . Kushi kuvwila woma nyiumwe , mumu kushi katonde kuli atu. ¹⁷ Keshika tulweze chize yena unashinganyeka ? muchilita nyi shimbi shina kuhana lijimu kulisesale nyi ka?'' ¹⁸ Alyoze Yesu kanyingikine ungulungulu wo keshika kambile ngwenyi, '' kuchite nunangweseka yenu yilembese? ¹⁹ Ngulwezenu lumbongo lwa lijimu .'' Kanehene lumbongo kuli iye. ²⁰ Yesu yamba kuli ayo ngwenyi , '' chizulye chino nyi chisoneka chino chaya?'' ²¹ Yamba kuli iye ngwe , '' Sesala . '' Hohene Yesu yamba kuli ayo ngwenyi, '' Hanenu kevwe kuli Sesale yuma ya sesale , nyi kuli Zambi yuma ya Zambi .'' ²² Muze amuvwile , kakomokene . nyi ku katukamo. ²³ Hatangwa lize Asatuseu waze akwamba ngwo uhindukilo wa afu wakwihi, kejile kuli iye . nyi kumuhula , ²⁴ ngwo , '' Longeshi , mose kambile ngwenyi , ' kachi umwe mutu mafwa, keshi aana , kachi mwanakwo akambate mukwo pwo akasangule ana kuli yaye.' ²⁵ Achi kwapwile atu shimbyali . Nyi mutangu kambachile pwo kafwile . Mba se kakapwile nyi mwana , kahichikile mukwo pwo kuli mwanakwo. ²⁶ Chizechene wamuchali kalingile muzemwene , nyi wamuchitatu ndo kuli wamuchi shimbyali . ²⁷ Mba kulutwe lya ayo eswe pwo nawa kafwile . ²⁸ Hauhindukilo wafu , keshika hakachi ka shimbyali pwo lyaya makapwa? mumu o eswe kapwile nenyi.'' ²⁹ Alyoze Yesu wakumbwile ngwenyi , '' Nuna pyanguka se kunushi kunyingika yisoneko chipwe tachi ja Zambi. ³⁰ Mumu hauhindukilo wafu keshi kumbata chipw keshi kuhangisa malo. Alyoze kanapu ngwe angelo ja Zambi mwilu. ³¹ Alyoze hakutwala ku uhindukilo wa afu, kunwatangile chize Zambi ahanjikile kuli enu, ngwenyi , ³² Yami nguli Zambi ya Apalahama nyi Zambi ya Izaka , nyi Zambi ya Yakomba ? Zambi hi Zambi wa afu ko , alyoze wa amono,'' ³³ Muze mbunga a achivwile , alishimwokene ha longeso lyenyi. ³⁴ Alyoze Afwaliseu muze evwile ngwo Yesu haholesa Asatuseu , kaalikungulwile hamuwika . ³⁵ Mba umwe wakuli ayo mukwa shimbi , wamuhulile chihula , kumweseka ³⁶ ''Longeshi , liji linene lya shimbi mumukanda wa shimbi lijimuka ?'' ³⁷ Yesu ngwenyi , ''''ukazange mwene Zambi ye nyi mbunge ye yeswe , nyi mwono we weswe nyi kunyonga che cheswe . ³⁸ Lino lye liji litangu nyi linene lya shimbi. ³⁹ Nyi lyamuchali linalifu nalyo ' ukazange mwenyembo we ngwe wakulizanga yenamwene.' ⁴⁰ Ha maliji ano aali a shimbi , shimbi yeswe lukombo nyi mikanda ya apolofeta .'' ⁴¹ Achi shimbu Afwaliseu akungulukile hamwe, yesu wahulile chihula. ⁴² Yamba ngwenyi , '' Kuchi nunashinganyeka hali Kilishitu? Mwana waya?'' O ya mulweza ngwo, ''mwana Ndawichi.'' ⁴³ Yesu yamba ngwenyi , '' kuchi kevwe Ndawichi muli shipilitu anamuvuluka ngwenyi mwene, ngwo, ⁴⁴ 'Mwene waambile kuli mwene wami, ngwenyi '' Twama ku kwoko lyami lya chindume, Ndo mungusa akwa kole je kushi ya yilyato ye.'''? ⁴⁵ Kachi keshika Ndawichi kanamuvuluka ngwenyi ' Mwene; kuchi kevwe mapwa mwanenyi?'' ⁴⁶ Mba nyi umwe wamukumbulwile liji nyi limwe chipwe chize kutangwa lize kahunukine nyi umwe kumuhula nawa nyi chimwe.