¹ Muze Yesu nyi tumbaji jenyi ahetele ku Yelusaleme haheta ku Mbetefweje , ku mulundu wa Olevwe, hohene Yesu watumine tumbaji aali , ² kuhanjika kuli ayo , '' yenu nukanjile muchihunda cha kulitalangana, nyi yenu haze kumunukawana chimbulu wa kukasa , hamwe nyi mwanenyi. Nukanjitule nukanehe kuli yami . ³ Nyi kachi umwe mamba chuma kuli yenu , nukambe ngwenyi , '' Mwene kanafupu ; mba hohene maatuma.'' ⁴ Alyoze chino cheswe chapwile hanga chikamanunuke chize ahanjikile kanwa lya pulofeta . Ngwenyi , ⁵ ''Mukwekenu mwana wa Zayone ' Tala , mwanangana we meza kuli yena, mukwa kushimbika kanende ha chimbulu kanende ha musamba , wa chimbulu.''' ⁶ Mba tumbaji ayile alingile chizechene ngwe Yesu washikile . ⁷ Anehene chimbulu nyi mwanenyi asele mahina jo hali ayo neye watwamineho. ⁸ Chihanda chinene chaku mbunga aali mahina jo hali ayo. ⁹ Mbunga jize amutetekele nyi jize akawile akololokele ngwo, Vulye mwilu mwahyana !'' ¹⁰ Shimbu Yesu anjilile mu Yelusaleme , limbo lyeswe akasumukine nyi kwamnba ngwo , '' yono iya?'' ¹¹ Mbunga yambile ngwo , '' Yono mwe Yesu pulofeta yoze wa ku Nazale limbo lya mu Ngalileya ''. ¹² Yesu wanjilile mu tembele . Watuhwishile waze eswe alanjishile nyi waze alanjile mu tembele , walimbwile mesa ja akwa kusumbakenya mbongo nyi yitwamo ya waze alanjishile tuteli. ¹³ Ngwenyi , '' chinasonewa , '' kumakavuluka zuwo lyami ngwo zuwo lyakulembela , ' alyoze yenu nwakulipwisa chiswamo cha mihuza.'' ¹⁴ Nyi tupuputa nyi yilema ejile kuli iye mutembele , neye wawukile. ¹⁵ Mba muze asasendote akwa lutwe nyi akwa kusonyeka amwene yikomokeso yize alingile nyi ana aze akololokele mu tembele ngwo , '' Vulye mwana Ndawichi , '' Evwile kupiha. ¹⁶ Ambile kuli yiye ngwo , '' unevu chize anambe ?'' Yesu ngwenyi , ''Ewa ! kunwatangile , kunwatangile mu makanwa ja ana akemba nyi akwa kwamwa hiwasa uhaliso ungunu?'' ¹⁷ Neye waahichikile watuhukile mu limbo akaye ku Mbetanyi mba wapombeleko ufuku uze . ¹⁸ Achi ha chimenemene shimbu machihinduka ku limbo , wevwile zala. ¹⁹ Haku mona mukuyu kusesa lya jila , wakundamineko alyoze kawanyineko nyichimwe shina mafwo Neye ngwenyi , ''Kanda ukema mihuko nawa, '' Haze hene mukuyu womine. ²⁰ Muze tumbaji achimwene , akomokene nyi kwamba ngwo , '' kanda au mukuyu muuma hahene?'' ²¹ Yesu wakumbulwile nyikwamba kulya yo , '' chamwenemwene ngunambe kuli yenu , nyingo ulinyi ufulyelo nyi kwalajika , kuchi kapwa wika ngwe chize chinakasoloka kumutondo wa mukuyu , mba chipwe munukamba kumilundu , ' katuka ulimbile muka lunga lwiji , chocho muchikalingiwa. ²² Yuma yeswe munwita nyi kulemba , kumunukatambula .'' ²³ Muze Yesu anjilile mutembele , asasendote akwa lutwe nyi akulwana ja atu ejile kuli iye shimbu machilongesa nyi kwamba ngwo , '' Nyi wata uka wakulinga yuma yino , Iya wakuhele wata wuno?''' ²⁴ Yesu wakumbulwile ngwenyi , '' Nyi yami munguhula chuma chimuwika . Kachi munungwambulwilacho, nyiyami nawa chizechene munungumyambulwila wata wuze naku linga nacho yino yuma. ²⁵ Upapachiso wa Yowano kulihi wakatukila ? mwilu nyi shina kuli atu?'' Alyambile hakachikokuli ko ngwo , '' kachi mutwamba , ' ngwo mwilu , 'Iye mamba kuli yetu mgwenyi , ' kuchi te kevwe kunwamufulyelele?' ²⁶ Kachi mutwamba ngwetu , ' kuli atu , ' mumu tunevu woma wa mbunga mumu eswe kakumona Yowano ngwe ka pulofeta .'' ²⁷ Keshika akumbulwile kuli Yesu ngwo , '' kutwanyingikine. '' Iye nawa ngwenyi , '' chipwe nyi yami nawa chichi kunwambulwila wata nakulinga nacho yino yuma . ²⁸ Mba ika nwakushinganyeka? mutu wapwile nyi ana aali a malunga . Wejile kuli mutangu nyi kwamba ngwenyi , ' mwanami , yako musono ukalinge mu wande. ' '' ²⁹ Mwe mwana wakumbulwile ngwenyi , ' chichikuya ko ; Alyoze kulutwe ya likonyeka yaya. ³⁰ ''wejile kuli wa muchali wambile chizechene Neye wakumbulwile ngwenyi , ' munguya, mwane ' mba kakayileko. ³¹ Hali wano ana aali yiya unakalinga munayila chizango cha tato?'' Ambile ngwo , '' mutangu''. Yesu yamba kuli ayo . '' umwenemwene ngunambe kuli yenu , aka kufwetesa lijimu nyi akwa kulinga utanji makanjila muwanangana wa Zambi shimbu yena kanda unjila . ³² Mumu Yowano wejile mujila mu ululi, alyoze kumwaka mu fulyelele . Alyoze aka kufwetesa nyi akwa ku linga utanji amufulyelele . Mba yeenu , alyoze muze nwachimwene chipwe kulutwe kunwalikonekenene hanga numu fulyele . ³³ ''Ivwililenu kuchishima chiko. kwapwile lunga , mwenya wande . Watumbile munda wa uva, wafulilemo ukamino watungile ka poshi, waukunjikile kuli njimi. wayile kuchifuchi chiko. ³⁴ Muze yaheta wola yakucha mihuko , yatumaho ndungo yenyi umuwika kulyakwa kutumba hanga amutambwile muhuko. ³⁵ Mba akwa kutumba ambachile ndungo , yalamba umuwika yashiha muko , mba mukwo yamwasa mawe. ³⁶ Nawa , mwene yatuma ndungo mukwo, kuyana yoze mutangu , mba akwa kutumba yamumwene lamba mujila imuwika . ³⁷ Kufuma hoho , mwene watumine mwanenyi kuli ayo, ngwo , ' Maka mulemesa mwanami.' ³⁸ ''Hohene akwa kutumba amwene mwe mwana, yamba kuli umwe nyi mukwo , ' Yono mwe swana . Tweyenu , tumushihi yiye hanga tukambate chihingi.' ³⁹ Amu mbachile , amumbilile mu munda nawa amushahile yiye. ⁴⁰ Muze mwenya wande muza , kuchi makalinga kuli waze anjimi?'' ⁴¹ Ambile kuli yiye ngwo , '' kumakenyeka waze malunga ingulungulu mujila yikolo chikolo , nyi kuhana wande kuli atu eka , malunga waze makamwahako chihanda chambuto mu wola ya kucha.'' ⁴² Yesu yamba kuli ayo , '' kunwatangile nyilimwe tangwa mu yisoneko , ' liwe lize alitunyine tungi lyenalyo kulyapwa liwe lya helu lya mbango . Chino cha kuli mwene , necho chikomokeso kumeso jetu? ⁴³ Keshika ngwami, kumakachiza wanangana wa Zambi kuli yenu makauhana ku vungu limwe lya waze mema mihuko yawo. ⁴⁴ Yoze malimbuka ha liwe lino kumakamakuka . Alyoze hali mweswawo mulikaholokela mulikamufwenya tuyifwenyufwenyu.'' ^{45 46} Muze asasendote nyi Afwaliseu evwile yishimi yenyi anyingikine ngwo kanahanjika ha kutwala kuli yetu . Muze afupile ku mukwata yiye , evwile woma wa mbunga , mumu atu amumwene ngwe pulofeta.