¹ Mumu wanangana wa malilu unapu ngwe mwenya zuwo yoze wakatukile chimenemene kuya nyi kufupa akwa kuzata mu wande wenyi . ² Muze te halitesa nya kwa milimo ha mbongo ja ha tangwa , chocho yatuma mu wande. ³ Mba mu wola yamu chitatu yaya ko nawa yamona amwe akwa milimo kanamana wika chakuhona kuzata ha chihala cha chitanda . ⁴ Kuli ayo yamba , ' nyi yenu, yenu mu wande , mba mungu nwaha yize yina tela .' Chocho ayile nyi kuzata . ⁵ Wayile nawa muwola ya muchisambano nyi yamuchilivwa mba yaya nawa mu wola ya muchisambano nyi ya muchilivwa yalinga chimuwika . ⁶ Yahilwisaho mu wola ya kumi nyi kashi yaya nawa yawana akwa kanamana wika . Yamba kuli ayo , ' yikanuna mayina cha kuhona kuzata tangwa lyeswe ali?' ⁷ 'O yamba kuli yiye , ' mumu nyi yoze watutonda nyi kutwaha milimo wakuhi.' Yamba kuli ayo , ' Nyiyenu yenu mu wande .' ⁸ Muze hikwapwa chingoloshi , mwenya wande yamba kuli kafufuchi wenyi, ' sanyika akwa milimo hanga wafwete , ' uputuke nya sula mba nya tangu.' ⁹ Muze akwa mulimo waze a putukile ha wola ya kumi nyi kashi ejile ya tambula lumbungo . ¹⁰ Nyi waze atangu muze heza , o ya nyonga ngwo maha jinji , mba no ya tambula lumbongo umuwika ha mutu. ¹¹ Muze ha tambula fweto yo , ya lilalila kuli mwenya zuwo . ¹² Yamba ngwo , ' Awa akwa milimo a sula kambilaho lume wola yimuwika , mba wafweta hamuwika nyi yetu , yetu twazata ndusu tangwa lya ngongo nawa twatambula kusasaminya cha .' ¹³ '' Mba mwene ya kumbulula yamba kuli ayo , ' Akwetu , nyi chimwe chipi na nulinga . Kuma enu ku nwatayijile nyi yami kunwaha lumbongo umuwika ko? ¹⁴ Mbatenu yize yinanu pandama nukatuke ha . Yami na sakula kuhana kuli akwa milimo asula hamuwika nyi yenu. ¹⁵ Kama chili cha mulonga yami kulinga nyi chize chinangu pandama yami nyi ? Hanji liso lye lya shili atangu makapwa asula .'' ¹⁶ Asula makapwa atangu , nyi atangu makapwa asula .'' Mikanda yipema yamwaka kuyishi nyi chino Anji anasanyika , mba akehe anasakula . ¹⁷ Muzee Yesu apwile nyi kukanduka ku Yelusaleme , yambata tumbaji,mba mujila yamba kuli ayo ngwo , ¹⁸ '' Talenu , tunakanduka ku Yelusaleme , chocho mwana mutu maka muhana kuli makulwana akwa lutwe a sasendote nyi longeshi. Makamuhisa nyi mulonga wa kufwa ¹⁹ mba maka muhana kuli akwa mavungu newo makamukekwona , nyi kumulamba , nnyi ku muhachila hakulusu iye. Alyoze mutangwa lya muchitatu ku maka muhindwisamo.'' ²⁰ Henaho naye ja ana ama lunga a Zambendeu yeza kuli Yesu nyi ana jenyi . Ya lyumba kuli iye nyi kuhula amululingile chuma chimwe kuli iye . ²¹ Yesu yamba kuli iye, '' yika unazange? '' Naye yamba kuli iye , '' Ambanu hannga wano ana jami amalunga akatwame , umuwika ku kwoko lya chilyo mba mukwo kukwoko lya chipipa , muwanangana wenu '' ²² Alyoze Yesu yakumbulula mba yamba ngwenyi , '' kuwanyingikine yize una hulisa . Yenu nuna hase kunwa mumusenge uze ngunambe kunwamo yami nyi?'' O yamukumbulula ngwo, '' Tuna hase''. ²³ Yamba kuli ayo , '' Musenge wami chochene mumu kanwa . Mba kutwama kukwoko lyami lya chilyo chipwe lya chipipa hihi chami ko cha kunwaha , alyoze cha waze hanawa hishila cho kuli Tata .'' ²⁴ Muze tumbaji akwo kumi ha chivwa chi , avwilile kupihya wano mandumbu nyi panga ali. ²⁵ Alyoze Yesu wasanyikine kuli mwene nyi kwamba ngwenyi, '' Nuna nyingika ngwenu akwa kuyula akwa mavungu ayo anji , nawa atu jo alemu katwama nyi wata hali ayo. ²⁶ Mba kanda chipwa chocho mukachi kenu yenu. Mweswawo , mazanga kupwa munene mukachi kenu ndo mapwa ndungo yenu, ²⁷ nawa mweswawo mazanga kupwa mutangu mukachi kenu ndo mapwa ndungu yenu, ²⁸ chize chene mwe mwana mutu kakejile a kamuzachile ndo kwazachila , nyi kwaha mono wenyi ngwe ndando ya ukuule ya anji.'' ²⁹ Muze atuhukile mu Yeliko , mbunga yinene ya mukawile iye . ³⁰ Kwapwile tupuputa ali amalunga atwamine kusesa jila . Muze hevwa ngwo Yesu kana palika ku ka mwihi nyayo , yakololoka , '' Mwene , mwana Ndawichi , pwakwo kama nyi keke hali yetu.'' ³¹ Mba mbunga ya kanyishile ayo, nyi kwalweza ayo kuhola , mba ya kololoka kuhyana chikolo .'' Mwene , mwana Ndawichi pwako kama nyi keke hali yetu.'' ³² Yesu yamana chichili mba yamba kuli ayo , '' Yika nuna zange yami ngunulingile yenu?'' ³³ Yamb kuli iye , '' Mwene , meso jetu a laule .'' ³⁴ Muze Yesu , te hazala nyi chinyengo chinji, wakwachile ha meso jo . Hohene atambwile meso jo mba yamukaula iye.